Bakuxeber.info informasiya agentliyinin verdiyi məlumata görə, son günlər jurnalistlər Biləsuvar rayon icra hakimiyyətinin başçısı Mahir Quliyevi öz faktsız, sübutsuz yazıları ilə şantaj edirlər.
Əgər jurnalistikanın prinsiplərini və qanunauyğunluqlarını nəzərə alsaq, jurnalist dəlil, sübut olmadan heç bir xəbəri fakt kimi yaza bilməz. Bundan başqa fakta söykənməyən hər hansı xəbəri yazmaqla şəxsiyyətə toxunma birbaşa cinayət məsuliyyətidir. Bəs görəsən belə xəbərləri yazıb sayta yerləşdirəndə o sayt rəhbəri hara baxır? Bəs görəsən şəxsiyyət və onun ailəsi haqqında sübutsuz gedən yazılardan sayt rəhbərləri nə mənafe güdür? Pul, yoxsa şan-şöhrət? Araşdırmalarla məşğul olan bir jurnalist kimi mən də bu menafeləri təhlil etməyə çalışdım. Biləsuvar rayon icra hakimiyyətinin başçısı Mahir Quliyevin özü və Biləsuvar rayonu ilə bağlı son günlər yalan və sübut edilməyən, mənbəyi olmayan bir çox yazılar mediada öz əksini tapdı. Halbuki Mahir Quliyevin Biləsuvar rayonunda əldə etdiyi nailiyyətlərdən, rayonun inkişafı istiqamətində gördüyü işlərdən heç kim yazmır. Bir məqama da diqqət etmək yerinə düşər ki, Mahir Quliyev kimi bir şəxs haqqında şantaj xarakterli yazılar yazıb adlarını jurnalist qoyan "bəziləri" Mahir Quliyevi tanıyırlarmı? Yəqin ki bilmirlər. Çünki bilsəydilər Mahir Quliyevi yalan yazılarla şantaj yox, tam əksinə, həmin şəxsin gördüyü işləri gündəmə gətirib bir insanın nə qədər güclü iş bacarığının olduğunu ortaya qoyardılar. Amma heç də faktsız, sübutsuz yazılara o qədər də önəm vermək lazım deyil, əksinə iş fəaliyyətini daha da inkişaf etdirib uğur qazanmaq lazımdır. Bizim haqqında söhbət açdığımız Mahir Quliyev də məhz uğurlu iş fəaliyyətini davam etdirir. Faktsız- sübutsuz olan yazılar, xəbərlər sadəcə məqsəd yönümlü olaraq nəzərdə tutulub və bisavadlıqdan xəbər verir. Bütün bunların şahidi olduqda isə belə məqamlar gülüş doğurur. Əziz həmkarlar hər hansı bir fərd haqqında xəbər yazanda mütləq fakt göstərin ki," bisavad "görünməyəsiniz.
