Uca dağlar qoynunda qərar tutmuş Lerik rayonunun sosial-iqtisadi inkişaf dinamikası fərəh doğurur
Ötən 11 ildə baş verən sürətli tərəqqi, hərtərəfli yenilənmə və modernləşmə Azərbaycanı dünyaya yeni formada təqdim etməyə imkan yaradıb. Bu müsbət dəyişikliklər ulu öndər Heydər Əliyevin müəyyən etdiyi inkişaf strategiyasının Prezident İlham Əliyevin rəhbərliyi ilə inamla həyata vəsiqə aldığını, gerçəkliyə çevrildiyini göstərməklə yanaşı, Azərbaycanın hər bir sahədə qazandığı nailiyyətlərin çoxşaxəli və möhtəşəm olmasından xəbər verir. Nəticə etibarilə belə uğurlar ölkəmizin dünya birliyində böyük nüfuz qazanmasına, aparıcı dövlətlərlə bir sırada dayanmasına, söz sahibinə çevrilməsinə zəmin yaradıb, respublikamızın beynəlxalq rəydə artan imicə malik olmasını təmin edib.
Respublikamızda olduğu kimi Lerik rayonunda da quruculuq-abadlıq işləri böyük vüsət alıb. Qısa vaxtda cənab Prezidentin Lerikə etdiyi tarixi səfərlər rayonun tarixinə qızıl hərflərlə həkk olunub. Cənab Prezidentin diqqət və qayğısı nəticəsində Lerikdə böyük quruculuq-abadlıq işləri aparılıb.
“Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı” ilə bağlı rayonumuzda bir sıra işlər görülmüş və rayonun sosial-iqtisadi inkişafı ilə bağlı nəzərdə tutulmuş tədbirlərin vaxtında icra edilməsindən ötrü rayon icra hakimiyyəti tərəfindən ayrı-ayrı əlaqədar yuxarı dövlət orqanlarına müraciətlər edilmişdir.
Lerik şəhərində inşa edilən onlarla inzibati idarə binaları, sahibkarlıq subyektləri şəhərimizi günbəgün gözəlləşdirir. Cənab Prezidentin tapşırıqlarına uyğun olaraq rayonda sahibkarlığın inkişafına verilmiş dəstəyin nəticəsidir ki, iş adamları tərəfindən sahibkarlıq subyektlərinin genişləndirilməsi və yenilərinin inşası ilə bağlı işlər davam etdirilmişdir. Yeni ticarət və iaşə obyektləri inşa edilmiş, turizm istirahət əyləncə mərkəzlərində yenidənqurma, genişləndirmə işləri həyata keçirilmişdir. Kəndlərdə birçox sakinlər daimi işlə təmin edilərək şirə sexinin, Lerik şəhərində mebel sexinin, çörək zavodunun tikintisində işlər davam etdirilir. Prezident İlham Əliyev 2003-cü ildən bugünədək dəfələrlə Lerik rayonunda olub, müxtəlif obyektlərin təməlqoyma və açılış mərasimlərində iştirak edib, əsaslı təmir və yenidənqurma işlərindən sonra yaradılan şəraitlə, habelə inşası davam edən obyektlərdə işlərin gedişatı ilə maraqlanıb.
Qarayaxmalarla, böhtan, şərlə iş görməyə artıq adət etmiş bir sıra üzdəniraq qəzetlər Lerik rayon Maliyyə İdarəsinin rəisi Elman Abbasovu hədəfə götürüblər. Xəbər portallarının bəzilərində rast gəlinir ki, onların məqsədi Elman Abbasovun gördüyü işlərə kölgə salmaqdır. Əslində çox dəqiq yanaşmadır. Çünki bu vəzifəyə təyin olunan Elman Abbasovun ən qısa müddətdə rəhbərliyi altında Lerik rayonda görülən böyük işlər və uğurlar göz qabağındandır.
