Ağsu rayonun icra başçısı Ənvər Seyidəliyevlə bağlı redaksiyamıza çox saylı şikayət məktubları daxil olurdu. Nə isə yazını oxuduqdan sonra, bütün bu şikayətləri nəzərə alaraq, araşdırmağa başladıq...və...."Yazıda qeyd olunanlar həqiqətə uyğun deyildir. Tamamilə şər-böhtandan ibarət şantaj xarakterli yazılardır. O yazını hazırlayan jurnalist əslində heç Ağsu Rayonunda olmayıb. Ənvər Seyidəliyev bütün işləri yüksək professionallıqla və böyük operativliklə icra edir! Ona etibar edilən bütün postlarda Ənvər Seyidəliyev özünü doğruldub. Bunun sirri onun Ağsu rayonun icra başçısı kimi çoxsahəli professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır! Əgər o bircə dəfə Ağsu Rayonunda olsa idi, reallığı öz gözləri ilə görərdi."
Regionların sosial-iqtisadi inkişafı Azərbaycan dövlətinin xüsusi diqqət və qayğısı altındadır. Bu məqsədlə həyata keçirilən dövlət proqramları rayon və şəhərlərimizin nəzərə çarpacaq tərəqqisini təmin etməklə yanaşı, regionlarda yeni infrastrukturların formalaşması ilə müşahidə olunur.
Son illər özünün dinamik inkişafı ilə seçilən belə rayonlarımızdan biri isə Ağsudur.
Ağsu dəyişib, gözəlləşib və inkişaf edir.
Son illər ölkənin əksər rayonlarının sürətlə inkişaf etdiyi və abadlaşdığını görmək mümkündür. Bu sırada aparıcı yerlərdən birini Ağsu tutur. Qeyd edək ki, Ağsu son bir neçə ildə tikinti meydançasına çevrilib. Hər tərəfdən tikinti, abadlıq və quruculuq işlərinin aparılması isə camaatın ürəyincədir. Bundan əlavə rayonda sosial problemlərin həlli, işsizliyin aradan qaldırılması və digər bu kimi hallara da xüsusi diqqət yetirilir və önəm verilir. Bildirək ki, faktiki vəziyyətin yaranmasının başlıca səbəbkarı rayonun icra başçısı Ənvər Seyidəliyevin gərgin əməyinin nəticəsidir. Belə ki, Ənvər Seyidəliyev Ağsuya rəhbər təyin olunan ilk gündən qollarını çırmayaraq, harada problem varsa, onun aradan qaldırılmasına başlayıb. Qısa müddətdə şəhərin görkəminin dəyişdirilməsi, yeni parkaların salınması, küçələrin genişləndirilməsi və abadlaşmasını təmin edən icra başçısı, bununla kifayətlənmək fikrində deyil. Çünki Ağsuda görüləcək işlər çoxdur. Həm də ağsulular üçün görüləcək işlər həddindən artıq çoxdur. Ənvər Seyidəliyev əhaliylə xoş münasibəti, onların şikayətlərini dinləmək üçün həmişə can atması, onların ehtiramını saxlaması, problemlərini həll etmək üçün lazım olan bütün addımları atması hamı tərəfindən təqdir olunur, alqışlanır. Elə rayon sakinləri də yaranmış vəziyyətdən məmnundurlar. Onlar deyirlər ki, bir zamanlar Ağsu yalnız özünün təsərrüfatı ilə məşhur idisə, indi gözəlliyi, ilə ad çıxarmağa başlayıb.
Umumiyyətlə cənab Ənvər Seyidəliyev tez tez kəndlərə, vətəndaşlarla görüşə gedir, onların problemlərini dinləyir və aidiyyatı təşkilatlara yerindəcə müvafiq tapşırıqlar verir. Ənvər müəllim cənab Prezidentin sozləri ile desek ozunu Ağsu rayon sakinlarinin bir nömrəli xidmətçisi sayır. Əminliklə demək olarki Ağsu rayonu öz simasını tamamı ilə dəyişib. Bunu sakinlərlə söhbətimizdədə təsdiqlədilər.
Amma təəssüf hissi ilə qeyd etmək lazımdır ki, ölkə başçısının Ağsu rayonunda aparılan bu işlərə verdiyi yüksək qiyməti bu gün bəzi mətbuat orqanları və saytlar həzm edə bilmir, hec bir həqiqətə söykənməyən, qərəzli məlumatlar yayaraq özlərini reklam etməyə, bu eybəcər yolla oxucu toplamağa çalışırlar. Lakin bu qısqanclığın bircə adı var ki, o da öz peşəsini bilməmək, jurnalistikadan uzaq olan bəzi insanların bu sahədə çalışmalarıdır. Bütün bunlara baxmayaraq, Ağsu rayonu respublikamızın digər rayonları kimi, Azərbaycan Respublikasının Prezidenti cənab İlham Əliyevin rəhbərliyi altında daima inkişaf edəcək və yeni-yeni uğurlara imza atmaqda davam edəcək.
