Gəncə Şəhər İcra Hakimiyyətində şəhid ailələri ilə növbəti dəfə görüş keçirilib
Prezident İlham Əliyevin və Birinci vitse-prezident Mehriban xanım Əliyevanın müvafiq göstərişlərinə uyğun olaraq, dövlət qurumları Birinci Qarabağ və 44 günlük Vətən müharibəsi iştirakçıları, qazilər və şəhid ailələri ilə yaxından maraqlanır, onları narahat edən məsələlərin aradan qaldırması istiqamətində mütəmadi olaraq tədbirlər həyata keçirir.
Gəncə Şəhər İcra Hakimiyyətinin başçısı Niyazi Bayramovun təsdiq etdiyi qrafikə əsasən, Gəncə Şəhər İcra Hakimiyyəti başçısı Aparatının müavinləri və şöbə müdirləri tərəfindən həftə ərzində vətəndaş qəbulları keçirilməkdədir.
13 yanvar 2023-cü il tarixində Gəncə Şəhər İcra Hakimiyyətinin birinci müavini Səməd Tomuyev və Aparatın məsul əməkdaşları bir qrup şəhid ailələri ilə görüşüblər. Səməd Tomuyev qeyd edib ki, Azərbaycan dövləti şəhid ailələrinə, müharibə veteranlarına və qazilərə yüksək diqqət və qayğı göstərir.
Görüşdə iştirak edən şəhid ailələrinin müraciətləri tək-tək dinlənilib. Səslənən müraciətlərin, dilə gətirilən problemlərin bir çoxu yerindəcə öz həllini tapıb, digərlərinin araşdırılaraq, qanunauyğun formada həlli istiqamətində nəzarətə götürülüb.
Şəhid ailələri onlara göstərilən hərtərəfli diqqət və qayğıya görə ölkə rəhbəri İlham Əliyevə və Birinci vitse-prezident Mehriban xanım Əliyevaya təşəkkürlərini bildiriblər.
Qeyd edək ki, bu kimi görüşlər davamlı şəkildə həyata keçirilir.
Niyazi Bayramovun vətəndaşlarla səyyar görüşləri davam edir
11 yanvar 2023-cü il tarixdə Gəncə Şəhər İcra Hakimiyyətinin başçısı Niyazi Bayramov yenidən vətəndaşlarla görüşüb, onları narahat edən məsələləri dinləyib.
Görüşdə millət vəkili Müşfiq Cəfərov, Gəncə Şəhər İcra Hakimiyyəti başçısı Aparatının məsul əməkdaşları, bələdiyyə sədrləri, şəhərdə fəaliyyət göstərən idarə, müəssisə və təşkilat rəhbərləri iştirak ediblər.
Gəncə İdman Liseyində təşkil olunan səyyar görüşdə əvvəlcə şəhidlərin xatirəsinə yaradılan güşə ziyarət olunub, önünə tər çiçəklər düzülüb.
Daha sonra sakinlər tək-tək çıxış edib, öz şikayət və təkliflərini dilə gətiriblər. Müraciətlər arasında mənzil növbəliyi, işlə təminat, reabilitasiya vasitələri ilə təminat, mənzil-məişət şəraitinin yaxşılaşdırılması üçün maddi yardımın göstərilməsi və digər məsələlər üstünlük təşkil edib.
Müraciətlərin əksəriyyəti yerindəcə öz həllini tapıb, bəziləri isə araşdırılaraq, qanunamüvafiq formada həll edilməsi üçün qeydiyyata görütülüb.
Sakinlər göstərilən diqqətə görə Prezident İlham Əliyevə, Birinci vitse-prezident Mehriban xanım Əliyevaya və şəhər rəhbərliyinə öz təşəkkürlərini bildiriblər.
Gəncədə yaradılan Ekoloji Park Kompleksində tikinti işləri sürətlə davam etdirilir
Gəncə Şəhər İcra Hakimiyyətinin başçısı Niyazi Bayramov növbəti dəfə burada aparılan tikinti işləri ilə yerində tanış olub.
Şəhər rəhbərinə məlumat verilib ki, hazırda ümumi sahəsi 2100 kvadratmetr olan 3 mərtəbəli oranjereya binasının inşası davam etdirilir. Binanın əsas hissəsi dəmir, beton, metal və şüşə-vitraj konstruksiyalarından yığılacaq. Burada müxtəlif gül, çiçək, ağac və digər nadir bitki növləri yetişdiriləcək. Fərqli və müasir dizaynı ilə seçiləcək Ekoloji Park Kompleksi 11 hektar ərazidə yaradılır. Burada əyləncə mərkəzləri, idman qurğuları, iaşə obyektləri, habelə müxtəlif növ balıqlar üçün akvariumlar tikiləcək.Qərb bölgəsində ilk dəfə Gəncə şəhərində yaradılacaq Ekoloji Park Kompleksində MKTİB-in Gülçülük və tingçilik təsərrüfatının gündəlik fəaliyyəti də ziyarətçilərə təqdim olunacaq.
Niyazi Bayramov Ekoloji Park Kompleksində aparılan işlərlə tanış olduqdan sonra müvafiq tapşırıq və tövsiyələrini verib.
