Göygöl Rayon İcra Hakimiyyətinin başçısı Elvin Paşayev Qızılqaya qəsəbəsində səyyar görüş keçirib
Prezident cənab İlham Əliyevin icra hakimiyyətlərinin başçıları və mərkəzi icra hakimiyyəti orqanlarının rəhbərləri ilə görüşləri zamanı dövlət məmurları haqqında səsləndirdiyi fikirlər, onlara daim xalqın içində olmaları, icra başçılarına bütün kəndləri gəzmələri, sakinlərlə görüşmələri, vətəndaşların qayğılarını öz dillərindən eşitmələri, problemlərini yerində öyrənmələri, düzgün təhlil aparmaları barədə verdiyi tapşırıq və tövsiyələr bir daha onu sübut edir ki, ölkəmizdə yürüdülən dövlət siyasətinin kökündə hər zaman vətəndaş amili dayanır. Dövlət başçısının tapşırıq və tövsiyəsinə uyğun olaraq Göygöl Rayon İcra Hakimiyyətinin başçısı Elvin Paşayev, İcra hakimiyyəti başçısı Aparatının məsul şəxsləri və xidmət sahələrinin rəhbərləri ilə birgə rayonun Qızılqaya qəsəbəsində səyyar görüş keçirib.
Rayon İcra Hakimiyyətinin başçısı Elvin Paşayev çıxışında keçirilən səyyar görüşlərin ölkə rəhbərinin tapşırıq və tövsiyələri əsasında Respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlərin tərkib hissəsi olduğunu qeyd edərək, dövlət və vətəndaş münasibətlərinin yüksələn xətlə inkişaf etdiyini, məhz bu uğurlu siyasətin ölkəmizin bütün istiqamətlər üzrə mühüm nailiyyətlər əldə etməsinə şərait yaratdığını vurğulayıb. Eyni zamanda İcra başçısı Elektron Hökumət Portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verərək, xidmətin əlçatanlıq və üstünlüklərini qeyd edib və https://rih.gov.az/ platformasından istifadə etmələrini tövsiyə edib.
Qəbul zamanı bir qrup qəsəbə sakinini dinləyən Rayon İcra Hakimiyyətinin başçısı mövcud problemlərin həlli, o cümlədən qəsəbəyə çəkilmiş internetin sürətinin artırılması, su dəhnəsinin təmiri, kanalizasiya şəbəkəsini qurulması, tullantılar üçün qoyulmuş qabların sayının artırılması və digər məsələlərlə bağlı aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirib.
Göygöl Rayon İcra hakimiyyətinin başçısı Elvin Paşayev tərəfindən növbəti vətəndaş qəbulu keçirilib
Prezident cənab İlham Əliyevin yerlərdə vətəndaş müraciətlərinə obyektiv və operativ baxılması, vətəndaş məmnunluğunun təmin edilməsi ilə bağlı müvafiq tapşırıq və tövsiyələrinə uyğun olaraq, həmçinin bu istiqamətdə dövlət siyasətini əsas tutaraq Göygöl Rayon İcra Hakimiyyətinin başçısı Elvin Paşayev növbəti dəfə rayon sakinlərini qəbul edərək, onları narahat edən məsələlərlə yaxından tanış olub, müraciət və təkliflərini dinləyib.
Qəbul zamanı şəhid ailələri, qazı və müharibə iştirakçılarının müraciətləri növbədənkənar dinlənilib, digər vətəndaşlar isə növbəlilik əsasında qəbul ediliblər.
Vətəndaşlar tərəfindən edilən müraciətlər əsasən fərdi yaşayış evinin tikintisi üçün torpaq sahəsinin ayrılması, su probleminin aradan qaldırılması, məşğulluq, eləcə də digər sosial müdafiə məsələləri ilə bağlı olub.
Qəbulda iştirak edən sakinlərin hər birini ayrılıqda dinləyən Rayon İcra Hakimiyyətinin başçısı qaldırılan bütün məsələlərin nəzarətə götürüldüyünü, hər bir məsələnin həlli üçün tədbirlər görüləcəyini diqqətə çatdıraraq, aidiyyəti üzrə müvafiq tapşırıqlar verib.
Göygöl rayonunda taxıl biçininə start verilib
Bu il rayon ərazisində 5 min 44 hektar sahədə taxıl əkilib ki, bunun 3 min 284 hektarı buğda, 1 min 760 hektarı isə arpa sahəsidir. Taxıl biçini prosesinin idarə olunması məqsədilə Göygöl Dövlət Aqrar İnkişaf Mərkəzlərində yaradılmış qərargahın üzvləri aidiyyatı üzrə sahələrə təhkim olunaraq biçinin optimal müddətdə başa çatdırılması, məhsulun vaxtında və itkisiz yığılması üçün koordinasiya olunuraraq, taxıl biçinində gedişatı gündəlik olaraq nəzarətdə saxlamaqla operativ zəruri tədbirlər həyata keçirir.
Fermerlərimizə uğurlar arzu edirik, çörəyimiz bol olsun!
