Əniq kəndində vətəndaşların səyyar qəbulu keçirilmişdir
Əniq kəndində keçirilən səyyar qəbulda kənd sakinləri ilə yanaşı RİHB Aparatının məsul əməkdaşları, rayonun hüquq-mühafizə orqanlarının, bir sıra idarə və müəssisələrinin rəhbərləri də iştirak etmişdir. Sakinlər kəndin fasiləsiz və dayanıqlı elekrik enerji ilə təmin edilməsi, istismara yararsız və köhnəlmiş elektrik dirəklərin, naqil və transformatorların yeniləri ilə əvəz olunması, Əniq kənd məscidin daxilində əsaslı təmir işlərinin aparılması, Qusar-Şahdağ avtomobil yolundan Əniq kəndinə ayrılan hissəsinin asfaltlaşdırılması, bütün kəndin internet şəbəkəyə qoşulması və digər məsələləri səsləndirmişdir. Vətəndaşlar tərəfindən qaldırılan məsələlərin bir qisminə aidiyyatı üzrə idarə və təşkilat rəhbərləri tərəfindən müvafiq izahat verilmiş, digər problemlərinin aradan qaldırılması üçün lazımi tədbirlərin görüləcəyi bildirilmişdir.
Qusardan Kahramanmaraşa Yardım
Qusar rayonunda qardaş Türkiyədə baş vermiş güclü zəlzələdən zərər çəkənlərə humanitar yardım kompaniyasına başlanılıb. Qusar rayon İcra Hakimiyyətinin dəstəyi və təşkilatçılığı ilə qısa bir müddətdə xeyli miqdarda humanitar yardım tədarük edilib. 2023-cü ilin fevral ayın 13-də rayon İcra Hakimiyyətinin xətti ilə 104 min manatlıq zəruri dərman və tibbi ləvazimatlar, isti geyimlər, məişət avadanlıqları, gigiyenik vasitələr, ərzaq və digər ləvazimatlarla yüklənmiş ilk maşın Qusar şəhərindən Türkiyənin Kahramanmaraş şəhərinə yola salınıb. Yola salma mərasimində rayon rəhbərliyi ilə yanaşı sadə Qusar sakinləri də iştirak etmiş, qardaş Türkiyə xalqı ilə həmrəyliyini, birliyini ifadə etmişlər. Qardaş ölkəyə yardım davam edir, yaxın günlərdə əlavə yardım maşını yola salınacaqdır.
Yuxarı Ləgər kəndində vətəndaşların səyyar qəbulu keçirilmişdir
Yuxarı Ləgər kəndində keçirilən səyyar qəbulda kənd sakinləri ilə yanaşı RİHB Aparatının məsul əməkdaşları, rayonun hüquq-mühafizə orqanllarının, bir sıra idarə və müəssisələrinin rəhbərləri də iştirak etmişdir. Kənd sakinləri klub və tibb məntəqəsi üçün binaların tikilməsini, Yuxarı Ləgər kəndinin yuxarı məhəlləsinə qaz xətlərinin çəkilməsini, kəndin internet xidmətinə qoşulmasını, transformator məntəqələrinin standartlara uyğun hasara alınmasını, kənddaxili yollarda cari təmir işlərinin aparılmasını və bir sıra digər məsələlərlə bağlı müraciətlər səsləndirmişdir. Vətəndaşlar tərəfindən qaldırılan məsələlərin bir qisminə aidiyyatı üzrə idarə və təşkilat rəhbərləri tərəfindən müvafiq izahat verilmiş, digər problemlərinin aradan qaldırılması üçün lazımi tədbirlərin görüləcəyi bildirilmişdir.
