26 iyun - Azərbaycan Respublikasının Silahlı Qüvvələr Günü qeyd edilmişdir
Quba Rayon İcra Hakimiyyətinin başçısı cənab Ziyəddin Əliyev, YAP Quba rayon təşkilatının sədri, rayon hüquq-mühafizə orqanlarının rəhbərləri, Rayon İcra Hakimiyyətinin məsul şəxsləri, rayon ictimaiyyətinin nümayəndələri, şəhid ailələri və qazilərin iştirakı ilə Quba şəhərindəki 28 May Mədəniyyət və İstirahət parkında Azərbaycan Silahlı Qüvvələrinin yaranmasının 104 illiyi münasibətilə ümumrayon tədbiri keçirilmişdir.
Tədbirin rəsmi hissəsi başa çatdıqdan sonra, respublikamızın tanınmış incəsənət ifaçıları və rayonumuzun mədəniyyət müəssisələrinin kollektivləri musiqi nömrələri ilə çıxışlar etmişlər.
Vətəndaşların növbəti səyyar qəbulu Küpçal kəndində keçirilmişdir
Quba Rayon İcra Hakimiyyətinin başçısı cənab Ziyəddin Əliyev Küpçal kənd İnzibati ərazi dairəsində vətəndaşların səyyar qəbulunu keçirmişdir. Qəbulda Quba rayon Polis şöbəsinin rəisi, Rayon Ağsaqqallar Şurasının sədri, rayonun bütün idarə, müəssisə və təşkilatlarının rəhbərləri iştirak etmişdir. Səyyar qəbul zamanı vətəndaşlar tərəfindən qaldırılan məsələlərin həlli məqsədilə Rayon İcra Hakimiyyətinin başçısı cənab Ziyəddin Əliyev tərəfindən aidiyyəti şəxslərə yerindəcə lazımi tapşırıqlar verilmişdir.
Dövlət Qulluqçularının Peşə Bayramı qeyd edilmişdir
Quba Rayon İcra Hakimiyyətinin akt zalında Dövlət Qulluqçularının Peşə Bayramı Günü münasibətilə tədbir keçirilmişdir.
Tədbirdə Quba Rayon İcra Hakimiyyətinin başçısı cənab Ziyəddin Əliyev geniş çıxış edərək dövlət qulluqçularını Peşə Bayramı Günü münasibətilə təbrik etmiş, dövlət qulluğunda çalışmanın məsuliyyətindən, bu sahədə çalışan şəxslərə göstərilən yüksək dövlət qayğısından ətraflı danışmışdır.
Tədbirin sonunda dövlət qulluğunda çalışan bir qrup şəxsə Rayon İcra Hakimiyyəti, eləcə də Dövlət İdarələri və İctimai Xidmət İşçiləri Həmkarlar İttifaqının rayon Komitəsi tərəfindən fəxri fərmanlar, hədiyyələr və pul mükafatları təqdim olunmuşdur.
Vətən Müharibəsi şəhidi Sultanov Səlim Sultan oğlunun xatirəsi əbədiləşdirilmişdir
Quba rayonunun Zərqava kəndində Vətən Müharibəsi şəhidi Sultanov Səlim Sultan oğlunun şərəfinə yaradılan xatirə-bulaq kompleksinin açılış mərasimi keçirilmişdir. Mərasimdə Quba Rayon İcra Hakimiyyətinin başçısı cənab Ziyəddin Əliyev, YAP Quba rayon təşkilatının sədri, rayonun hüquq-mühafizə orqanlarının rəhbərləri, Rayon İcra Hakimiyyətinin məsul şəxsləri, şəhid ailələri, qazilər və rayon ictimaiyyətinin nümayəndələri iştirak etmişdir.