Samux Rayon İcra Hakimiyyəti Başçısının Seyidlər kəndində səyyari qəbulu keçiriləcəkdir
Samux Rayon İcra Hakimiyyətinin Başçısı Alı Qocayevin 21.06.2022-ci il tarixində rayonun Seyidlər kəndində səyyarı qəbulu keçiriləcəkdir. Qəbul Seyidlər kənd tam orta məktəbində olacaq.
Samux rayonunda “XXI əsrin ilk Milli Qəhrəmanı İsgəndərov Elton Xaləddin oğlunun anım günü” qeyd edildi
Samux rayonunda “XXI əsrin ilk Milli Qəhrəmanı İsgəndərov Elton Xaləddin oğlunun anım günü” keçirildi. Ilk öncə tədbir iştirakçıları Milli qəhrəmanın qəbrini ziyarət edərək üzərinə tər-qərənfillər düzdü. Daha sonra tədbiri giriş sözü ilə açan Samux Rayon İcra Hakimiyyətinin başçısı cənab Alı Qocayev qeyd etdi ki, 2009-cu il iyunun 18-də Cəlilabad rayonu istiqamətində sərhəd pozucuları ilə döyüşə girib, bir neçə sərhəd pozucusunu məhv etdikdən sonra döyüşün ağır yerində sərhəd pozucularının biri sərhədçilərimizin cəm dayandığı mövqeyə qumbara atdığını görən cəsur əsgər dərhal özünü qumbaranın üzərinə ataraq öz həyatı bahasına əsgər və zabitlərimizin həyatını xilas edib. Bəli həmin bu cəsur əsgər İsgəndərov Elton Xaləddin oğludur. O bu hərəkəti ilə Azərbaycan oğullarının vətən uğrunda lazım gələrsə canlarından keçə biləcəyini sübut edərək gənc nəsillərə nümunə olmuşdur. Azərbaycan Respublikasının Prezidenti əsgərimizin göstərdiyi bu şücayəti nəzərə alaraq 25.06.2009-cu il tarixli 349 saylı Sərəncamı ilə İsgəndərov Elton Xaləddin oğluna ölümündən sonra Milli Qəhrəman adını verdi.
Tədbirdə iştirak edən Xaləddin İsgəndərov oğlunun göstərmiş olduğu qəhrəmanlıqla ilə fəxr etdiyini və Azərbaycanımızda Elton kimi vətənpərvər oğlanların sayının onminlərlə, yüzminlərlə olduğunu vurğuladı və göstərilən diqqət və qayğıya görə ölkə başçısı cənab İlham Əliyevə, rayon rəhbərliyinə və tədbir iştirakçılarına öz minnətdarlığını bildirdi .
Daha sonra çıxış edən Dövlət Sərhəd Xidmətinin nümayəndəsi qəhrəmanımızın şərəfli xitmətindən danışaraq qeyd etdi ki, bu gün Elton İsgəndərov qəhrəmanlığı ilə gənclərimiz üçün ən böyük bir örnəkdir.
ALLAH Qəhrəmanımız Elton İsgəndərovla birgə vətən yolunda rəhmətə gedən bütün şəhidlərimizə rəhmət eləsin.
Samux rayonunda Azərbaycanın Milli Qəhrəmanı Eltun İsgəndərov və Samux Şəhidlərinin əziz xatirəsinə həsr olunmuş "SAMUX KUBOKU" çempionatının final mərhələsi keçirildi
Samux Rayon İcra Hakmiyyətinin dəstəyi və Samux rayon Gənclər və İdman idarəsinin təşkilatçılığı ilə 17 iyun 2022-ci il tarixdə Azərbaycanın Milli Qəhrəmanı Eltun İsgəndərov və Samux Şəhidlərinin əziz xatirəsinə həsr olunmuş bələdiyyə komandaları arasında futbol idman növü üzrə "SAMUX KUBOKU" çempionatının final mərhələsi keçirildi. İlk öncə Azərbaycanın Milli Qəhrəmanı Eltun İsgəndərovun və Samux Şəhidlərinin əziz xatirəsi bir dəqiqəlik sükutla yad olundu. Çempionatda Samux rayon İcra Hakimiyyəti başçısı Alı Qocayev, İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri, şəhid ailələri və qazilər iştirak edirdilər.
İnstitut qəsəbə komandası ilə Ağasıbəyli kənd komandasının qarşılaşdığı final oyununda Ağasıbəyli kənd komandası 5-3 xal üstünlüyü ilə çempionluq kürsüsünə yüksəldi.
Sonda mükafatlandırma mərasimi keçirildi. 2-ci yeri tutmuş İnstitut qəsəbə komandasına və çempion komanda olan Ağasıbəyli kənd komandasına icra hakimiyyəti başçısı Alı Qocayev tərəfindən medallar, diplomlar, kubok və müxtəlif hədiyyələr təqdim olundu.
Samux Rayon İcra Hakimiyyətində vətəndaşların növbəti fərdi qaydada qəbulu keçirilmişdir
Samux Rayon İcra Hakimiyyətində vətəndaşların növbəti fərdi qaydada qəbulu keçirilmişdir.
Qəbulda rayon İcra Hakimiyyəti Başçısı Aparatının məsul işçiləri, aidiyyatı idarə, təşkilat, xidmət sahələrinin rəhbərləri, İnzibati Ərazi Dairələri üzrə nümayəndələr və bələdiyyə sədrləri iştirak etmişlər.
Vətəndaşların qəbulu saat 10:00-da başlamış, qəbula yazılmış 7 nəfər vətəndaşın müraciəti dinlənilmişdir. Onlardan 2 nəfəri torpaq, 1 nəfəri suvarma suyu, 3 nəfəri məşğulluq və 1 nəfəri isə ailə-məişət problemi ilə bağlı müraciət etmişdirlər.
Dinlənilmiş müraciətlərin və qaldırılan məsələlərin həlli ilə bağlı aidiyyatı qurumların rəhbərlərinə və məsul şəxslərə yerindəcə müvafiq tapşırıqlar verilmişdir.
Samux Rayon İcra Hakimiyyətinin başçısı Alı Qocayevin Samux şəhər sakinləri ilə növbəti səyyari görüşü keçirildi
Samux Rayon İcra Hakimiyyətinin başçısı Alı Qocayevin Samux şəhər sakinləri ilə növbəti səyyari görüşü keçirildi. Görüşdə şəhər sakinləri ilə yanaşı İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Tədbirdən öncə Samux şəhərindən 44 günlük Vətən müharibəsinbdə şəhid olan qəhrəman oğulların qəbirləri ziyarət edildi.
Şəhər inzibati ərazi dairəsi üzrə icra nümayəndəsi Elşad Qasımov şəhər barədə iclas iştirakçılarına geniş məlumat verdi. Şəhərdə görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı. Daha sonra şəhər sakinləri tərəfindən çıxışlar və təkliflər oldu.
Şəhər sakinləri əhalinin problemlərinin həll edilməsi məqsədi ilə yerlərdə həyata keçirilən tədbirlərə, göstərilən yüksək diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
Səyyar qəbulu yekunlaşdıran Samux RİH-nin başçısı cənab Alı Qocayev şəhər sakinləri tərəfindən irəli sürülmüş rəy və təkliflərə baxılması üçün aidiyyəti orqanların rəhbərlərinə yerindəcə müvafiq tapşırıqlar verdi.
Samux rayonunda barama tədarükü müvəffəqiyyətlə davam edir
Samux rayonu üzrə hibrid ipəkqurdu sənaye toxumlarının kümçülərə paylanılmasından sonra 30 ailə cəmi 50 qutu olmaqla barama yetişdirir.
Bununla da, rayon üzrə 85 nəfər mövsümü işlə təmin olunub.
Kümçülər bildiriblər ki, dövlətin baramaçılıq və ipəkçiliyi dəstəkləməsi nəticəsində onlar əsas işlərindən ayrılmadan kifayət qədər əlavə gəlir əldə etmiş olurlar. Artıq 1867.4 kq yaş barama “Azəripək” MMC-yə təhvil verilmişdir. Barama tədarükü davam edir.
Samux rayonunda taxıl biçini uğurla davam etdirilir
Samux rayonunda 2022-ci ilin məhsulu üçün biçiləcək taxıl sahəsi 10997,7 hektardır. Bunun 6098,0 hektarı buğda, 4899,7 hektarı isə arpadır. Taxıl sahələrinin 5788,0 hektarı əhali,təsərrüfatlarının, 460,5 hektarı dövlət müəssisələrinin, 4749,2 hektarı isə qeyri- dövlət müəssisələrinin payına düşür. Rayonda 16.06.2022-ci il tarixinə 1876,7 hektar arpa sahəsi biçilmiş və həmin sahələrdən 7727,3 ton məhsul əldə edilmişdir. Məhsuldarlıq hər hektardan 41,17 sentner olmuşdur. Taxıl biçini müvəffəqiyyətlə davam edir. Bu il tarlalardan yüksək keyfiyyətli və yüksəl məhsuldarlıqlı taxıl məhsulları gözlənilir.
.JPG)
