Elxan Yaqubov: “Azərbaycan uzunömürlülər diyarı olub, məqsədimiz xəstələrə şəfa verməklə bərabər uzunömürlülülük ənənəsini də bərpa etməkdir”
Əsası 2009-cu ildə dəyərli ziyalı, yüksək vətənpərvərlik keyfiyyətləri ilə seçilən Elxan Ənvər oğlu Yaqubov tərəfindən qoyulmuş Bioloji Təbabət Klinikası bu gün insanların ən çox müraciət etdiyi özəl tibb müəssisəsindən biridir. Klinika Azərbaycanda yeganə tibb müəssisəsidir ki, Almaniyada istehsal olunmuş bitki, heyvan və mineral əsaslı preparatlardan yararlanmaqla müalicə aparır, kimyəvi dərmanlardan, o cümlədən antibiotiklərdən istifadə etmədən insanlara şəfa verir. Klinika dünya standartlarına cavab verən ən yeni tibb avadanlıqları ilə təchiz olunub. Burada çalışan həkimlər ixtisaslarını artırmaq üçün Almaniyada kurslarda olurlar. Almaniyanın və dünyanın bir sıra tanınmış həkimləri də müntəzəm olaraq Azərbaycana gələrək Klinikada yerli həkimlər üçün elmi seminarlar və treninqlər təşkil edir, onlara mühazirələr oxuyur, xəstə qəbulunu həyata keçirirlər. Eyni zamanda Azərbaycanın taınmış tibb mütəxəssisləri burada mühazirələr oxuyurlar. Buna misal olaraq, hər həftənin şənbə günləri Azərbaycan Tibb Universitetinin Patofizologiya kafedrasının professoru Məmməd Əliyev Bioloji Təbabət Klinikasının həkimlərinə Patofiziologiya mövzusunda mühazirələr keçir. Bunun da məqsədi bioloji tənzimləyici terapiyanın təsir mexanizminin öyrənilməsini təmin etməkdir.
Biz əvvəllər uzunömürlü xalq olmuşuq. Bizim məqsədimiz də budur ki, xəstələri tam sağaltmaqla uzunömürlülük ənənəsini Azərbaycanda bərpa edək. Bu sahədə inkişaf etməyimiz üçün əlimizdən gələni edirik və edəcəyik. Bilirsiniz ki, sağlamlıq insan üçün dünyada ən böyük nemətdir. Ona görə də hər bir insan gözəl və mənalı yaşamaq üçün ilk öncə öz sağlamlığının qeydinə qalmalıdır.
.jpg "Bioloji Təbabət Klinikası uzunömürlülüyə zəmanət verir")
