Quba Rayon İcra Hakimiyyətinin başçısı İlqar Mahmudov, Çingiz Mursalov adına Vəlvələ kənd tam orta məktəbinin yeni binasında son tamamlama işlərinin gedişatı və burada yaradılan şəraitlə tanış olmuşdur
Quba Rayon İcra Hakimiyyətinin başçısı İlqar Mahmudov, Çingiz Mursalov adına Vəlvələ kənd tam orta məktəbinin yeni binasında son tamamlama işlərinin gedişatı və burada yaradılan şəraitlə tanış olmuş, yeni məktəb binasının içməli su təminatı ilə əlaqədar aidiyyəti şəxslərlə müzakirələr aparılmış və məsələnin qısa vaxt ərzində həll olunması üçün aidiyyəti şəxslərə lazımi tapşırıq və tövsiyyələrini vermişdir.
İlqar Mahmudov Tüləkəran kənd inzibati ərazi dairəsinin Aşağı Tüləkəran kəndində vətəndaşların səyyar qəbulunu keçirmişdir
Quba Rayon İcra Hakimiyyətinin başçısı İlqar Mahmudov Tüləkəran kənd inzibati ərazi dairəsinin Aşağı Tüləkəran kəndində vətəndaşların səyyar qəbulunu keçirmişdir. Qəbulda Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi, Rayon İcra Hakimiyyəti yanında İctimai Şuranın sədri, rayonun bütün idarə, müəssisə və təşkilatlarının rəhbərləri iştirak etmişdir.
Səyyar qəbul zamanı Rayon İcra Hakimiyyətinin başçısı İlqar Mahmudov tərəfindən ölkə Prezidenti cənab İlham Əliyevin rəhbərliyi ilə respublikamızda, eləcə də rayonumuzda görülmüş işlər barədə kənd sakinlərinə ətraflı məlumat verilmiş, vətəndaşlar tərəfindən qaldırılan məsələlərin həlli məqsədilə aidiyyəti şəxslərə yerindəcə lazımi tapşırıqlar verilmişdir.
Kənd sakinləri əhalinin problemlərinin həlli istiqamətində həyata keçirilən tədbirlərə, göstərilən diqqətə və qayğıya görə Azərbaycan Respublikasının Prezidenti cənab İlham Əliyevə öz minnətdarlıqlarını bildirmişlər.
Qəbuldan əvvəl Rayon İcra Hakimiyyətinin başçısı İlqar Mahmudov aidiyyəti şəxslərlə birlikdə 44 günlük Vətən Müharibəsində şəhid olmuş İsayev Ceyhun Rüstəm oğlunun Gültəpə kəndində yaradılmış xatirə bulağı ilə, qəbuldan sonra isə Aşağı Tüləkəran kənd tam orta məktəbində yaradılmış Şəhidlər xatirə guşəsi ilə tanış olmuşdur.
İlqar Mahmudov Talabıqışlaq kənd inzibati ərazi dairəsi üzrə vətəndaşların səyyar qəbulunu keçirmişdir
Quba Rayon İcra Hakimiyyətinin başçısı İlqar Mahmudov Talabıqışlaq kənd inzibati ərazi dairəsi üzrə vətəndaşların səyyar qəbulunu keçirmişdir. Qəbulda Dövlət Təhlükəsizliyi Xidmətinin Quba rayon şöbəsinin rəisi, rayon Polis şöbəsinin rəis müavini, rayon Ağsaqqallar Şurasının sədri, rayonun bütün idarə, müəssisə və təşkilatlarının rəhbərləri iştirak etmişdir.
Səyyar qəbul zamanı Rayon İcra Hakimiyyətinin başçısı İlqar Mahmudov tərəfindən Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə, eləcə də rayonumuzda görülmüş işlər barədə kənd sakinlərinə ətraflı məlumat verilmiş, vətəndaşlar tərəfindən qaldırılan məsələlərin həlli məqsədilə aidiyyəti şəxslərə yerindəcə lazımi tapşırıqlar verilmişdir.
Kənd sakinləri əhalinin problemlərinin həlli istiqamətində həyata keçirilən tədbirlərə, göstərilən diqqət və qayğıya görə dövlətimizin başçısı cənab İlham Əliyevə öz minnətdarlıqlarını bildirmişlər.
Qəbuldan əvvəl Rayon İcra Hakimiyyətinin başçısı İlqar Mahmudov aidiyyəti şəxslərlə birlikdə kəndin mərkəzində inşa edilmiş Şəhidlər xatirə kompleksinin və Talabıqışlaq kənd tam orta məktəbinin girişində qoyulmuş Birinci Qarabağ Müharibəsi şəhidi Heybətov Firuz Xudabaxış oğlunun büstünün önünə gül dəstələri düzmüşlər.
