Qubadlı Rayon İcra Hakimiyyətinin başçısı Rayon sakinləri ilə növbəti səyyar qəbul keçirdi
Qubadlı rayon İcra Hakimiyyətinin başçısı Malik İsaqov əhalinin problemlərinin yerində öyrənilməsi, həll edilməsi məqsədilə mütəmadi olaraq vətəndaşlarla görüşür, onların təkliflərini dinləyir və qayğılarını daim diqqət mərkəzində saxlayır.R İHB başçısı Malik İsaqovun növbəti səyyar qəbulu 11may 2022-ci il tarixində Sumqayıt şəhəri, 12-ci mkr ərazisində yerləşən Qubadlı rayon M.Ağayarov adına Kavdadıq kənd tam orta məktəbdə olmuşdur.
Görüşdərayon İcra Hakimiyyətinin başçısı Malik İsaqov, RİH məsul işçiləri, icra nümayəndələri iştirak edirdi.
Qəbulda16 məsələ qaldırılmışdır. Həmin məsələlərdən 8-iyerində həll olunmuş,8-i isə baxılması üçün nəzarətə götürülmüşdür.
Sonda sakinlər 44 günlük Vətən müharibəsində cənab Prezident İlham Əliyevin rəhbərliyi ilə Müzəffər Ordumuzun düşməni məhv edib torpaqlarımızı azad etməsinə və azad olunmuş torpaqlarda başlanmış böyük quruculuq işlərinə görə, eləcə də göstərdikləri diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildirdilər.
Səyyar qəbuldan razı qaldıqlarını bildirən sakinlər RİH başçısı Malik İsaqova göstərdiyi diqqət və qayğıya görə minnətdarlıqlarını bildirdilər.
Qubadlı rayon İcra Hakimiyyətinin başçısı Malik İsaqov - 10 Noyabr 2020-ci il tarixdə Azərbaycan Respublikasının prezidenti İlham Əliyev ölkəmiz üçün tarixi günün olduğunu, imzalanmış üçtərəfli bəyanatın Ermənistan-Dağlıq Qarabağ münaqişəsinin həlli istiqamətində son nöqtə olacağını bildirdi.
Bu Bəyanat Azərbaycan torpaqlarının Ermənistan tərəfindən uzun illər davam edən işğalına son qoydu. 44 günlük Vətən Müharibəsində Azərbaycan ordusu öz gücünü bütün dünyaya sübut edərək, onlarda yaranmış Ermənistan ordusunun məğlubedilməzliyi fikrini altüst etdi və işğal olunmuş torpaqlarımızı geri qaytardı.
İstər müharibə zamanı, istərsə də postmüharibə dövründə Azərbaycan danışıqlar masası arxasında istədiyinə nail ola bildi, Ermənistanı 10 noyabr tarixli Bəyanatı imzalamağa məcbur etdi. Bütün bu uğurlu strategiyanın ən başlıca səbəbi isə Azərbaycanın İlham Əliyev kimi güclü liderə, Ali Baş Komandana sahib olmasıdır.
Azərbaycan Ordusu II Qarabağ müharibəsi zamanı döyüş meydanına yeni reallıqlar gətirdi. Artıq Azərbaycanın apardığı hərbi əməliyyatlar, əldə etdiyi qələbələr dünya ölkələri tərəfindən təcrübə kimi öyrənilir. Günü-gündən inkişaf edən ordumuz artıq dünyada öz sözünü deyə bilən ordulardan birinə çevrilir.
10 noyabr 2020-ci il tarixli Üçtərəfli Bəyanatın imzalanması ilə Azərbaycanla Naxçıvan arasında yeni kommunikasiya əlaqələrinin yaradılması, Ağdam, Laçın, Kəlbəcər rayonlarının qan tökülmədən geri qaytarılması, sərhədlərin delimitasiyası məsələsində razılıq əldə olunması və digər qeyd olunan bəndlərin icra olunması Azərbaycanın tarixi uğurudur.
.JPG)
