Yerfi kəndində vətəndaşların səyyar qəbulu keçirilmişdir
Quba Rayon İcra Hakimiyyətinin başçısı cənab Ziyəddin Əliyev Yerfi kənd inzibati ərazi dairəsi üzrə vətəndaşların səyyar qəbulunu keçirmişdir. Qəbulda Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi, rayon Ağsaqqallar Şurasının sədri, rayonun bütün idarə, müəssisə və təşkilatlarının rəhbərləri iştirak etmişdir. Səyyar qəbul zamanı vətəndaşlar tərəfindən qaldırılan məsələlərin həlli məqsədilə Rayon İcra Hakimiyyətinin başçısı cənab Ziyəddin Əliyev tərəfindən aidiyyəti şəxslərə yerindəcə lazımi tapşırıqlar verilmişdir.
Şəhid Həsənov Ümid İlqar oğlunun anası Həsənova Məxfurə evində ziyarət edilmişdir
Quba Rayon İcra Hakimiyyətinin başçısı cənab Ziyəddin Əliyev 12-14 sentyabr 2022-ci il tarixlərdə düşmən təxribatının qarşısının alınması zamanı şəhid olmuş müddətdən artıq həqiqi hərbi xidmət hərbi qulluqçusu Həsənov Ümid İlqar oğlunun anası Həsənova Məxfurə Ağakərim qızını İsnovqışlaq kəndində evində ziyarət etmiş, onun qayğıları ilə maraqlanmış, şəhidin anası və yaxın qohumları ilə növbəti yas mərasimlərinin təşkili, şəhidin məzar daşının qoyulması və digər məsələlərlə bağlı məsləhətləşmələr aparmışdır. Görüş zamanı şəhidimizin anası və yaxın qohumları ilk gündən etibarən ailəyə göstərilən yüksək diqqətə və qayğıya görə Azərbaycan Respublikasının Prezidenti cənab İlham Əliyevə, ümumilikdə ölkə rəhbərliyinə, Rayon İcra Hakimiyyətinin başçısı cənab Ziyəddin Əliyevə və ailəyə qayğılarını əsirgəməyən hər bir kəsə təşəkkürlərini bildirmişlər.
Baş vermiş yanğınların söndürülməsində fərqlənmiş Polis və Yanğından Mühafizə Hissəsinin bir qrup əməkdaşı təltif edilmişdir
Quba Rayon İcra Hakimiyyətində 16-22 avqust 2022-ci il tarixlərdə rayon ərazisində baş vermiş yanğınların söndürülməsində, həmin dövrdə ictimai asayişin və təhlükəsizliyin təmin olunmasında fərqlənmiş Quba Rayon Polis Şöbəsinin və Quba Rayon Dövlət Yanğından Mühafizə Hissəsinin bir qrup əməkdaşının Quba Rayon İcra Hakimiyyətinin başçısı cənab Ziyəddin Əliyev tərəfindən təltif olunmasına həsr edilmiş yığıncaq keçirilmişdir.
Quba “DOST” Mərkəzinin tikintisinə başlanmışdır
Rayon İcra Hakimiyyətinin başçısı cənab Ziyəddin Əliyev Quba şəhərinin Fətəli xan küçəsində Azərbaycan Respublikasının Əmək və Əhalinin Sosial Müdafiəsi Nazirliyi tərəfindən Quba “DOST” Mərkəzi, Quba Peşə Hazırlığı Mərkəzi və Peşə Hazırlığı Mərkəzinin emalatxana binalarının inşaat işlərinə başlanması ilə əlaqədar həmin ərazidə olmuş, görüləcək işlərlə yerində tanış olmuş, aidiyyəti şəxslərə müvafiq tövsiyələrini vermişdir.
Quba Rayon İcra Hakimiyyətinin məsul şəxsləri 12-13 sentyabr 2022-ci il tarixlərdə düşmən təxribatının qarşısının alınması zamanı yaralanaraq hazırda müvafiq səhiyyə müəssisələrində müalicə alan Quba rayonundan olan hərbi qulluqçuların evlərində olaraq ailə üzvləri ziyarət olundu
Quba Rayon İcra Hakimiyyətinin məsul şəxsləri, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəhbərliyi 12-13 sentyabr 2022-ci il tarixlərdə düşmən təxribatının qarşısının alınması zamanı yaralanaraq hazırda müvafiq səhiyyə müəssisələrində müalicə alan Quba rayonundan olan hərbi qulluqçuların evlərində olaraq ailə üzvləri və yaxınları ilə görüşmüş, onlara Vətənimizə və dövlətimizə layiqli övladlar yetişdirdiklərinə görə rayon rəhbərliyinin təşəkkürlərini çatdırmış, sovqatlar təqdim etmiş və qazilərimizin ailə üzvlərini maraqlandıran məsələləri öyrənmişlər.
Quba Rayon İcra Hakimiyyətinin başçısı cənab Ziyəddin Əliyev 12-13 sentyabr 2022-ci il tarixlərdə düşmən təxribatının qarşısının alınması zamanı yaralanan hərbi qulluqçuları müalicə aldıqları hospitalda ziyarət etdi
Quba Rayon İcra Hakimiyyətinin başçısı cənab Ziyəddin Əliyev 12-13 sentyabr 2022-ci il tarixlərdə düşmən təxribatının qarşısının alınması zamanı yaralanaraq hazırda Azərbaycan Respublikasının Silahlı Qüvvələrinin Baş Klinik Hospitalında müalicə alan Quba rayonundan olan hərbi qulluqçular Mətləb Həbibovu, Vaqif Xeyrullayevi, Aqşin Ağayevi, Vüsal Eyyubovu, Kənan Mustafayevi və Zaur Sadıqovu müalicə aldıqları hospitalda ziyarət etmiş, onlarla ətraflı söhbət aparmış, müalicələrinin gedişatı ilə maraqlanmış, hərbi qulluqçulara Vətənimizin müdafiəsi naminə göstərdikləri şücaətə görə dərin təşşəkürünü bildirmiş və sovqatlar təqdim etmişdir.
