RİH başçısı 20 Yanvar küçəsinin sakinləri ilə səyyar qəbul keçirmişdir
Salyan Rayon İcra Hakimiyyətinin başçısı Sevindik Hətəmov 20 Yanvar küçəsinin sakinləri ilə vətəndaşların təkliflərinin, müraciətlərinin və mövcud problemlərinin yerindəcə öyrənib həllini sürətləndirmək məqsədilə növbəti səyyar qəbul keçirdi. Qəbulda çıxış edən RİH başçısı son illər Azərbaycan Respublikasının Prezidenti cənab İlham Əliyevin rəhbərliyi altında respublikamızda dövlət səviyyəsində həyata keçirilən sosial-iqtisadi tədbirlər barədə ətraflı danışmış, ölkə başçısının qayğısı ilə görülən bütün işlərin, həyata keçirilən tədbirlərin yalnız bir amala, əhalimizin yaxşı yaşamasına, onların sosial rifahının və həyat səviyyəsinin daha da yüksəlməsinə xidmət etdiyini vurğulamışdır. Qəbulda vətəndaşlar yolda sürət həddinin nizamlanmasını, məişət tullantıları üçün nəzərdə tutulan konteynerlərin qoyulmasını və digər məsələlər ilə əlaqədar xahiş və təkliflər səsləndirmişlər. Rayon İcra başçısı qəbulda iştirak edən vətəndaşları fərdi qaydada dinləyərək onların səsləndirdikləri problemlərin qısa zamanda aradan qaldırılması istiqamətində müvafiq tapşırıqlar vermişdir.
“22 İyul - Milli Mətbuat və Jurnalistika günü” münasibəti ilə tədbir keçirilmişdir
İyulun 22-də “Milli Mətbuat və Jurnalistika günü” münasibəti ilə Salyan Rayon İcra Hakimiyyətində tədbir keçirilmişdir. Tədbirdə çıxış edən rayon İcra Hakimiyyətinin başçısı Sevindik Hətəmov mətbuat işçilərini əlamətdar gün münasibətilə təbrik etmiş, onlara yeni-yeni yaradıclıq uğurları arzulamışdır. Natiq ölkəmizdə mətbuatın inkişafına göstərilən dövlət dəstəyini, bu sahədə reallaşdırılan tədbirləri diqqətə çatdırmış, demokratik mətbuatın formalaşmasında Ulu Öndər Heydər Əliyevin böyük xidmətləri olduğunu, hazırda bu siyasətin Prezident İlham Əliyev tərəfindən uğurla davam etdirildiyini qeyd etmişdir. Tədbirdə çıxış edənlər respublikamızda azad sözün və mətbuatın bərqərar olunması istiqamətində həyata keçirilən tədbirlərdən, mətbuata göstərilən dövlət dəstəyindən söhbət açmış, göstərilən diqqət və qayğıya görə Azərbaycan Respublikası Prezidentinə öz dərin minnətdarlıqlarını bildirmişlər.
Salyan RİH-nin başçısı Sevindik Hətəmov Vətən müharibəsində yaralanan və Türkiyədən müalicədən qayıdan Taleh Camalzadəni evində ziyarət edib
RİH başçısı hüquq-mühafizə orqanlarının rəhbərləri ilə birlikdə qazimizi evində ziyarət edərək səhhəti və qayğıları ilə maraqlanmışdır. 44 günlük Vətən müharibəsində iştirak edən bütün hərbçilərimizin onun üçün doğma və əziz olduğunu qeyd edən icra başçısı qazimizə tezliklə sağlamlığına qovuşmasını arzulayıb. Ali Baş Komandanın rəhbərliyi altında 44 günlük Vətən müharibəsində Azərbaycanın adını bütün dünyaya tanıdan Taleh kimi oğullarımızla hər birimizin fəxr etdiyini qeyd edib. Ölkə Prezidentinin də vurğuladığı kimi, şəhid ailələrinə, hərbçilərimizə, əsgərlərimizə, sağlamlığını itirən qazilərimizə, onların ailə üzvlərinə diqqət və qayğı göstərməyin hər bir dövlət məmurunun, eləcə də hər bir vətəndaşın borcu olduğunu qeyd edərək qazimizə göstərilən qayğının bundan sonra da davam etdiriləcəyini bildirib.
Salyan RİH başçısı Kərimbəyli kəndinin sakinləri ilə növbəti səyyar qəbul keçirib
Qəbulda çıxış edən RİH başçısı Sevindik Hətəmov son illər Azərbaycan Respublikasının Prezidenti cənab İlham Əliyevin rəhbərliyi altında respublikamızda dövlət səviyyəsində həyata keçirilən sosial-iqtisadi tədbirlər barədə ətraflı danışmış, ölkə başçısının qayğısı ilə görülən bütün işlərin, həyata keçirilən tədbirlərin yalnız bir amala, əhalimizin yaxşı yaşamasına, onların sosial rifahının və həyat səviyyəsinin daha da yüksəlməsinə xidmət etdiyini vurğulamışdır. Rayon İcra başçısı qəbulda iştirak edən vətəndaşları fərdi qaydada dinləyərək onların səsləndirdikləri problemlərin qısa zamanda aradan qaldırılması istiqamətində müvafiq tapşırıqlar vermişdir.
