Salyan rayon İcra Hakimiyyətinin başçısı Sevindik Hətəmov rayonun İkinci Varlı kəndində əhali ilə səyyar qəbul keçirmişdir
Salyan Rayon İcra Hakimiyyətinin başçısı Sevindik Hətəmov İkinci Varlı kəndində vətəndaşların təkliflərinin, müraciətlərinin və mövcud problemlərinin yerindəcə öyrənib həllini sürətləndirmək məqsədilə növbəti səyyar qəbul keçirdi. Rayonun idarə, müəssisə və xidmət təşkilatları rəhbərlərinin iştirak etdiyi səyyar qəbulda torpaqlarımızın ərazi bütövlüyü uğrunda həlak olan şəhidlərimizin ruhu 1 dəqiqəlik sükutla yad edildi. Qəbulda çıxış edən Rayon rəhbəri Müzəffər Ali Baş Komandan, Prezident İlham Əliyevin apardığı uğurlu siyasətindən, 44 Günlük Vətən müharibəsindəki qələbəmizdən, işğaldan azad olunan torpaqlarımızın Prezident İlham Əliyevin göstərişlərinə əsasən abadlaşmasından və rayon ərazisində aparılan abadlıq quruculuq işləri haqqında məlumat vermişdir. İcra başçısı ölkə Prezidenti cənab İlham Əliyevin müdrik rəhbərliyi ilə həyata keçirilən uğurlu inkişaf kursunun parlaq nəticələrinin hər bir vətəndaşın həyat şəraitinin yaxşılaşdırılmasında müstəsna rolunu xüsusi vurğulayaraq bu inkişaf kursunun bundan sonra da xalqın rifahına xidmət edəcəyini diqqətə çatdırmışdır.
Qəbulda vətəndaşlar tərəfindən kənd tibb məntəqəsinin əsaslı təmiri, yararsız elektrik dirəklərinin dəyişdirilməsi, suvarma kanallarının təmizlənməsi ilə bağlı xahiş və təkliflər səsləndirilib. Rayon İcra başçısı qəbula gələn vətəndaşları fərdi qaydada dinləyərək onların səsləndirdikləri problemlərin qısa zamanda aradan qaldırılması istiqamətində müvafiq tapşırıqlar vermişdir.
Salyan rayon İcra Hakimiyyəti yanında fəaliyyət göstərən İctimai Şura üzvlərinə vəsiqələr təqdim edilmişdir
Salyan rayon İcra Hakimiyyəti yanında yaradılmış İctimai Şuranın fəaliyyəti üçün hər cür şərait yaradılıb. Belə ki, istər toplaşmaq, istərsə də işləmək üçün şura üzvlərinin hər hansı bir qayğısı yoxdur. Ciddi müzakirəyə ehtiyac olan bəzi məsələlərdə İcra Hakimiyyətinin başçısı Sevindik Hətəmov da iştirak edir. Bu günlərdə icra aparatının akt zalında keçirilən yığıncaqda İctimai Şuraların əsasnaməsinə uyğun olaraq şura üzvlərinə yeni vəsiqələr verilib. Rayon rəhbəri şura üzvlərinə vəsiqələri təqdim edərkən onları daha fəal olmağa çağırıb, vətəndaşlarla ünsiyyətin müxtəlif formalarından maksimum istifadə etməyi tövsiyə edib. Qeyd edilib ki, həlli mümkün olmayan problem yoxdur. Bunun üçün rayonda hər cür şərait var. Rayon əhalisində hər zaman aktivlik hiss olunur. Vətəndaşlar onları narahat edən məsələlər barədə icra strukturlarına zamanında müraciət edə bilir və inanırlar ki, onları qayğılandıran məsələlərin həlli üçün burada həmişə real addımlar atılır. Rayonda çox tezliklə “ASAN Xidmət”in yeni binası və əsaslı təmirdən sonra xəstəxana kompleksi istifadəyə veriləcək. Bu il rayonun daxili magistral yollarının çəkilişinə də başlanılacaq. Yığıncaqda İctimai Şuranın sədri Rüstəm Məlikov, üzvlərdən Allahverdi Piriyev, Arif Əskərov və başqaları səmimi qəbul üçün rayon rəhbərinə təşəkkür edərək, onları narahat edən bəzi məsələlər barədə təkliflər söyləyiblər. Görüşdə RİH başçısı tərəfindən qaldırılan məsələlərin həlli üçün müvafiq tapşırıqlar verilib və icra nəzarətə götürülüb.
Rayon icra başçısı Sevindik Hətəmov Salyan Rayon İcra Hakimiyyətinin inzibati binasında növbəti dəfə sakinləri fərdi qəbul edib
05.09.2022-ci il tarixində rayon icra başçısı Sevindik Hətəmov Salyan Rayon İcra Hakimiyyətinin inzibati binasında növbəti dəfə sakinləri fərdi qəbul edib.
