Rusiya prezidenti Vladimir Putinin qızı Yekaterinanın toyu olub
Yüksək məxfilik altında keçən toy Peterburq yaxınlığındakı "İqora" qış turizm kurortunda baş tutub.
Məlumata görə, Putinin kürəkəni Kirill Şamalov bu kurortun sahibidir. Toyun baş tutduğu restoranda ciddi təhlükəsizlik tədbirləri görülüb. Qonaqların mobil telefonları restoran girişində alınıb.
Toyda cəmi 100 nəfərin iştirak etdiyi bildirilir.
Xatırladırıq ki, Putinin yeni kürəkəni Kirill Şamalov uzun illər "Rosoboroneksport", "Qazprom" və "Qazprombank"da yüksək vəzifələr tutub. Putinin qızı Yekaterina isə Moskva Dövlət Universitetinin 1,7 milyard dollar dəyərəndəki Elmi-texniki vadisinin əsas iştirakçılarından olan "İnnopraktika" layihəsinin rəhbəridir.
