Əziz oxucu! Bir az toxta, dur! Məmurların qanunsuzluqlar, sosial problemlər, kresloda oturanların vətəndaşlara təhkimçi kimi baxmaları, korrupsiya və maliyyə maxinasiyaları ilə toplanan milyonlardan, kapitaldan bəhs edən məlumatlardan bir qədər uzaqlaşaq. Sizə çoxlarının yazacaqlarımıza inanmadığı, şəxsiyyəti və real əməli ilə bizi də fəth edən bir şəxsdən - Xaçmaz Rayon İcra Hakimiyyətinin başçısı Elnur Rzayev barədə bəhs edəcəyik. Onun haqqında elini-obasını sevən bir insan kimi gördüklərimizi, bildiklərimizi və başqalarının fikirlərini təqdim edəcəyik.
Dünyaya göz açan hər bir kəsin, öz yolu, öz cığırı olur. Bu da əzəli məlum, sonu ALLAHIN qismətindən asılı ömür yoludur. Deyirlər, öz dünyasında olan insanın söz və əməl dünyası saleh olur. Bu yolu şərəflə, ləqayətlə, inam və imanla addımlayan Xaçmaz Rayon İcra Hakimiyyətinin başçısı Elnur Rzayev Vətənə ləyaqət nümunəsi sayılacaq vəzifə sahiblərindəndir.
Elnur Rzayev Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.
Sərkərli kəndində səyyar qəbul keçirilib
Xaçmaz Rayon İcra Hakimiyyətinin başçısı Elnur Rzayev, yerli hüquq mühafizə orqanlarının rəhbərləri, təhsil, səhiyyə, mədəniyyət və digər xidmət təşkilatlarının məsul şəxsləri ilə birlikdə Sərkərli kəndində səyyar qəbul keçirib.
Qəbulda Yergüc İnzibati Ərazi Dairəsi üzrə nümayəndəliyinə daxil olan Sərkərli, Armudpadar, Padar, Üçgünqışlaq, Üryanoba və Yergüc kəndlərinin sakinləri iştirak edib.
Səyyar qəbulda Ümummilli Liderimiz Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
Sakinlər ötən səyyar qəbulda qaldırılan bəzi məsələlərin o cümlədən yolların təmiri və elektrik təsərüfatının yenilənməsi istiqamətində görülən işləri yüksək qiymətləndiriblər. Həmçinin sakinlər yeni salınan yaşayış massivinə qaz xəttinin çəkilməsi, içməli və suvarma suyu ilə təchizatın yaxşılaşdırılması, məktəb binasının təmiri, rabitə və bağlı müraciətlər səsləndiriblər.
Rayon İcra Hakimiyyətinin başçısı Elnur Rzayev kənd sakinlərinin arzu və təkliflərini həssaslıqla dinləyərək, onları narahat edən problemlərin aradan qaldırılması istiqamətində müvafiq tapşırıqlarını verib. Bir çox müraciətlər yerindəcə həll edilib.
Sakinlər əhalinin problemlərinin həll edilməsi məqsədilə yerlərdə həyata keçirilən tədbirlərə, göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
Şəhid Fərid Seyfullayevin əziz xatirəsi yad edilib
Xaçmaz rayonunda Vətən müharibəsi şəhidi Fərid Xeyrulla oğlu Seyfullayevin şəhadətə yüksəlməsinin üçüncü ildönümü qeyd olunub.
Şəhidin anım günündə Xaçmaz Rayon İcra Hakimiyyətinin başçısı Elnur Rzayev, yerli hüquq-mühafizə orqanlarının rəhbərləri, şəhid ailələri, qazilər və ictimaiyyət nümayəndələri iştirak ediblər.
Mərasim iştirakçıları Köhnə Xaçmaz kənd qəbristanlığında şəhidimizin məzarı üzərinə gül dəstələri düzüb, xatirəsini ehtiramla yad ediblər.
Vətənimizin müstəqilliyi, müdafiəsi, ərazi bütövlüyü uğrunda canından keçən şəhidlərimizin ruhuna dualar oxunub.
Xaçmaz Rayon İcra Hakimiyyətinin başçısı Elnur Rzayev Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun qazandığı tarixi Qələbədən söz açıb. Vətən uğrunda canını fəda edən şəhidlərin əbədi ehtirama layiq olduğunu bildirib. Fəridin və bütün şəhidlərimizin xatirəsinin hər zaman uca tutulacağı, hörmət və ehtiramla xatırlanacağını vurğulayıb.
Fərid Seyfullayevin yaxınları şəhidimizin həyat yoluna nəzər yetirib, döyüşlərdəki şücaətindən danışıblar. Göstərilən yüksək diqqət və qayğıya görə Azərbaycan Respublikasının Prezidenti İlham Əliyevə və Birinci vitse-prezident Mehriban Əliyevaya minnətdarlıqlarını ifadə ediblər.
Qeyd edək ki, şəhid Fərid Seyfullayev döyüşlərdə göstərdiyi şücayətə görə Azərbaycan Prezidenti İlham Əliyevin Sərəncamına əsasən “Vətən uğrunda”, “Füzulinin azad olunmasına görə” və “Şuşanın azad olunmasına görə” medalları ilə təltif olunub.
