Şəhid ailələri ilə növbəti görüş
Qusar rayon İcra Hakimiyyətində RİH başçısı Şair Alxasovun Vətən müharibəsi şəhidlərinin ailə üzvlərlə növbəti dəfə görüşü keçirilmişdir. RİH başçısı onların problemləri ilə yaxından tanış olaraq son illərdə Azərbaycan Respublikasının Prezidenti cənab İlham Əliyevin tapşırıq və göstərişlərinə uyğun olaraq ordu sıralarında xidmət edən hərbi qulluqçuların və şəhid ailələrinin etibarlı sosial müdafiəsinin təmin edilməsi, mənzil-məişət problemlərinin həll olunması, onlara verilən imtiyaz və güzəştlərin miqyasının genişləndirilməsinin daim diqqət mərkəzində saxlanıldığını qeyd etmişdir. Görüş zamanı Şəhid ailələrini narahat edən bir sıra problemləri dinlənilmiş, onların həlli ilə bağlı müvafiq tapşırıqlar verilmişdir. Şəhidlərin ailə üzvləri onlara daim qayğı ilə yanaşan ölkə başçısı cənab İlham Əliyevə öz minnətdarlıqlarını bildirmiş, rayon İcra Hakimiyyəti və rayonun digər qulumları şəhid ailə üzvlərinin problemlərinə çox həssaslıqla yanaşdığını qeyd etmişdir.
Növbəti səyyar qəbul Caqar kəndində keçirilmişdir
Qusar rayonunun Caqar kəndində keçirilən qəbulda kənd sakinləri “Qusar Park” istirahət mərkəzi və Caqar kəndi arasındakı 2 km-lik yolun asfaltlaşdırılması, kəndin təbii qazla təmin olunması, kənddə olan ağsaqqalların istifadə etdiyi ictimai binanın təmir olunması və digər məsələlərin həllinə köməklik göstərilməsini xahiş etmişdir. Sakinlər tərəfindən qaldırılan məsələlər dinlənilmiş, bir sıra məsələlərlə bağlı müvafiq izahat verilmiş, təmirə ehtiyacı olan ictimai binanın təmiri ilə bağlı tədbirlərin görülməsi kənd bələdiyyəsinə tövsiyyə edilmişdir. Qəbulda RİHB Aparatının əməkdaşları, rayonun hüquq-mühafizə orqanlarının, aidiyyatı idarə və müəssisələrinin rəhbərləri iştirak etmişdir.
Növbəti səyyar qəbul rayonun Suvacal kəndində keçirilmişdir
Rayonun Suvacal kəndində keçirilən qəbulda kənd sakinləri ilə yanaşı RİHB Aparatının əməkdaşları, rayonun hüquq-mühafizə orqanlarının, bir sıra idarə və müəssisələrinin rəhbərləri iştirak etmişdir. Kənd sakinləri kəndin yararsız elektrik dirəklərin dəyişdirilməsi, suvarma su xəttinin təmiri, internetlə təminatının yaxşılaşdıdılması və digər məsələlərin həllinə köməklik göstərilməsini xahiş etmişdir. Sakinlər tərəfindən qaldırılan məsələlər dinlənilmiş, bir sıra məsələlərlə bağlı müvafiq izahat verilmiş, problemlərin həlli üçün rayon rəhbərliyi tərəfindən əlaqədar idarə və təşkilat rəhbərlərinə tapşırıqlar verilmişdir.
.JPG)
