Barlı qəsəbəsində vətəndaşların səyyar qəbulu keçirmişdir
Quba Rayon İcra Hakimiyyətinin başçısı cənab Ziyəddin Əliyev Zərdabi qəsəbə inzibati ərazi dairəsinin Barlı qəsəbəsində vətəndaşların səyyar qəbulunu keçirmişdir. Qəbulda Quba rayon prokuroru, Dövlət Təhlükəsizliyi Xidmətinin Quba rayon şöbəsinin rəisi, rayon Ağsaqqallar Şurasının sədri, rayonun bütün idarə, müəssisə və təşkilatlarının rəhbərləri iştirak etmişdir. Səyyar qəbul zamanı vətəndaşlar tərəfindən qaldırılan məsələlərin həlli məqsədilə Rayon İcra Hakimiyyətinin başçısı cənab Ziyəddin Əliyev tərəfindən aidiyyəti şəxslərə yerindəcə lazımi tapşırıqlar verilmişdir.
Ziyəddin Əliyev Qubada tikintisi davam etdirilən yeni məktəb binalarında inşaat işlərinin gedişi ilə tanış olmuşdur
Quba Rayon İcra Hakimiyyətinin başçısı cənab Ziyəddin Əliyev rayonun Bağbanlı qəsəbəsində və Pirvahid kəndində Heydər Əliyev Fondu tərəfindən tikilməkdə olan yeni məktəb binalarında inşaat işlərinin gedişi ilə tanış olmuş, aidiyyəti şəxslərə lazımi tapşırıq və tövsiyələrini vermişdir.
Qubadan Türkiyə Respublikasına qardaş dəstəyi
Quba Rayon İcra Hakimiyyətinin başçısı cənab Ziyəddin Əliyev Quba şəhərindəki Azərbaycan - Türkiyə Qardaşlıq Parkında 6 fevral 2023-cü il tarixdə qardaş Türkiyə Respublikasında baş vermiş güclü zəlzələ nəticəsində zərər çəkmiş şəxslərə köməklik göstərilməsi məqsədilə Quba Rayon İcra Hakimiyyəti tərəfindən göstərilən yardımın yola salınması mərasimində iştirak etmişdir. Mərasimdə Rayon İcra Hakimiyyətinin məsul şəxsləri, YAP Quba rayon təşkilatının sədri, rayonun hüquq-mühafizə orqanlarının rəhbərləri, şəhid ailələri, qazilər, müharibə iştirakçıları, RİHB-nın İƏD-lər üzrə nümayəndələri və bələdiyyə sədrləri, ictimai təşkilatların, həmçinin rayonun idarə və müəssisələrinin rəhbərləri, din xadimləri və ictimaiyyət nümayəndələri iştirak etmişdir.