Naxçıvan Muxtar Respublikası Ali Məclisinin sədri Vasif Talıbov istefa verib.
APA xəbər verir ki, o, bu gün Ali Məclisin iclasında istefa verdiyini açıqlayıb.
Qeyd edək ki, Vasif Talıbov 1995-ci ilin dekabr ayından Naxçıvan Muxtar Respublikası Ali Məclisinin sədri vəzifəsində çalışıb.
***
Naxçıvan Ali Məclisinin sədri Vasif Talıbovun istefa verdiyi haqda iddia yayılıb.
Məlumat sosial şəbəkələrdə paylaşılıb.
Naxçıvandan olan bəzi ekspertlər “Vasif Talıbov dövrünün bitdiyini” iddia ediblər.
Hər hansı rəsmi açıqlama yoxdur.
***
Manset az-ın əldə etdiyi məlumata görə Ali Məclisin iclasında iki deputatın mandatının ləğv olunacağı gözlənilir. Bunlar Seymur Talıbov və Zəbur Bağırovdur.
Bildirək ki, Naxçıvanda keçirilən əməliyyatlarla bağlı Naxçıvan Mərkəzi Xəstəxanasının baş həkimi, deputat Zəbur Bağırovun istintaqa cəlb olunduğu bildirilir.
***
Naxçıvan Ali Məclisinin qapalı iclası keçirilir.
“Qafqazinfo”nun əldə etdiyi məlumata görə, iclasa Muxtar Respublikanın heç bir naziri dəvət almayıb.
İclasın gündəliyi barədə rəsmilərə məlumat verilməsə də, Naxçıvanla bağlı mühüm qərarların qəbul ediləcəyi gözlənilir.
