HEYDƏR ƏLİYEV FONDU LƏNKƏRANDA İFTAR SÜFRƏSİ AÇIB
Heydər Əliyev Fondu tərəfindən Lənkəran şəhərinin “Şah” şadlıq sarayında Ramazan bayramı ilə əlaqədar iftar sürfəsi açılıb.
Rayonda yaşayan şəhid ailələri üzvlərinin, əlil şəxslərin, müharibə veteranlarının, din xadimlərinin və mömin şəxslərin, ümumilikdə 350 nəfərin iştirak etdiyi iftar süfrəsində xeyriyyəçilik aksiyalarının keçirilməsində və sosial qayğıya ehtiyacı olan insanlara köməkliyin göstərilməsində Heydər Əliyev Fondunun prezidenti, birinci vitse-prezident Mehriban xanım Əliyevanın həyata keçirdiyi ibrətamiz layihələr yüksək dəyərləndirilib, Ramazan ayının fəzilətləri barədə söhbət açılıb, bu ayın insanlar arasında birlik, bərabərlik və həmrəyliyin tərənnümçüsü olduğu qeyd olunub, ölkəmizə əmin-amanlıq və sülh arzulanıb, Ulu Öndər Heydər Əliyevin, torpaqlarımızın bütövlüyü uğrunda şəhid olanların ruhuna dualar oxunub.
.JPG "Lənkəran şəhəri günü-gündən gözəlləşir, hər yanda yenidənqurma, tikinti-abadlıq işləri görülür")
.JPG "Lənkəran şəhəri günü-gündən gözəlləşir, hər yanda yenidənqurma, tikinti-abadlıq işləri görülür")
Bu gün icra başçısı Taleh Qaraşovun böyük əməyi nəticəsində Lənkəran öz inkişafının elə bir tarixi məqamına gəlib çatıb ki, bu qədim şəhərə yolu düşən hər kəsi heyran qoyur. İstər paytaxt sakinləri, istər Azərbaycanın ayrı-ayrı bölgələrinin əhalisi, istərsə də xarici qonaqlar ölkəmizin ürəyi və beyni olan bu şəhərin son illər ərzində nə qədər böyük bir sürətlə inkişaf etdiyinin şahidi olurlar. Bu, Azərbaycanın hər bir vətəndaşında özünün şəhəri ilə bağlı qürur hissi oyadır.
Bu, doğrudan da belədir. Şəhər günü-gündən gözəlləşir, hər yanda yenidənqurma, tikinti-abadlıq işləri görülür. Yeni parklar, xiyabanlar, yaxud köhnə parklar o qədər zövq və mədəniyyətlə yenidən qurulur ki, iki göz istəyir tamaşasına dursun. Baxın, bir tərəfdən Lənkərandakı tarixi binalar zahiri cəhətdən gözəlləşdirilir, bu sahədə nəhəng işlər görülür. Şəhər məhəllə-məhəllə, küçə-küçə yenidən qurulur, görülən işlər göz oxşayır. Bu işlər indinin özündə də davam etdirilir. Lənkəran şəhərində vəziyyət çox dəyişib. İnsanların illərdən bəri gözlədiklərini hazırkı icra başçısı Taleh Qaraşov bir-bir yerinə yetirməkdədir. Bunun üçün şəhər sakinləriylə söhbətləşmək də kifayətdir ki, icra başçısına, görülən işlərə hansı qiymət verildiyini müəyyənləşdirmək mümkün olsun.
Azərbaycan sürətli inkişaf yolundadır. Bunun əyani sübutu ölkəmizin iqtisadiyyatının inkişafı, əhalinin maddi rifah hazılının yüksək həddə çatması, xarici sərmayənin total şəkildə məmləkətimizə axını, habelə regionların davamlı və analoqu olmayah hədd yüksəlməsidir. Aydın məsələdir ki, bütün bunlar Ulu Öndər Heydər Əliyev və onun layiqli davamçısı Cənab Prezident İlham Əliyevin uğurlu daxili və xarici siyasətin məntiqi nəticəsidir.
Hazırda şəhərə rəhbərlik edən icra başçısı Taleh Qaraşovun Cənab Prezident İlham Əliyevin əmr və tapşırıqlarını operativ və dəqiqliklə yerinə yetirməsi sayəsində rayon gündən günə gözəlləşir və abadlaşır. Qeyd edək ki, Taleh Qaraşov Lənkərana icra başçısı təyin edilməsindən bir neçə il vaxt keçib. Hələ başqa sahələrdə işləyərkən cənab Taleh müəllim bir sıra uğurlara imza atmış, rayonu abadlaşdırmış və bir xeyli işlər görmüşdü. Cənab Prezident İlham Əliyev də bütün bunları nəzərə alaraq onu Lənkərana icra başçısı təyin etmiş və böyük etimad göstərmişdi. Hazırda Taleh Qaraşovun gərgin əməyi və zəhməti sayəsində Lənkəran sürətlə inkişaf edir, abadlaşır və yenidən qurulur. Lənkəran rayon İcra Hakimiyyəti Başçısı cənab Taleh Qaraşovun bu rayona başçı təyin olunduğu vaxtdan bəri, Lənkəranın əksər sahələrində böyük canlanma, dinamik inkişaf müşahidə olunmaqdadır. Rayondan Bakuxeber.info-nun elektron poçtuna ünvanlanan məktublarda Lənkəran RİH-nin başçısı Taleh Qaraşovun fəaliyyətinə dair razılıq hisslərinin ifadə olunması ilə yanaşı, rayonda gedən proseslərin saytımızda işıqlandırılması xahişlərinə də tez-tez rast gəlinir.
Regionların sosial-iqtisadi inkişafına böyük diqqət yetirən Prezident İlham Əliyevin diqqət və qayğısı sayəsində bu rayonda da əsaslı yenidənqurma işləri görülür, iri miqyaslı layihələr həyata keçirilir və ölkə rəhbərliyi tərəfindən qarşıya qoyulmuş vəzifələrin maksimum həllinə səy göstərilir.
*************************
Cari ilin ilk 3 ayı ərzində ölkədə sosial-iqtisadi və mədəni həyatın bütün sahələrində islahatlar sürətlə davam edib, iqtisadi göstəricilər dəfələrlə yüksəlib, nəzərdə tutulan layihələr vaxtında icra olunub, vətəndaşların həyat şəraiti bu müddətdə daha da yaxşılaşıb. Natiq bu dövrdə respublikanın bütün bölgələri kimi, Lənkəran rayonunun da sosial-iqtisadi və mədəni həyatında mühüm uğurların əldə olunduğunu diqqətə çatdırıb. Qeyd olunub ki, əvvəlki vaxtlarda olduğu kimi 2019-cu ilin birinci rübündə də Lənkəran rayonunun ictimai-siyasi və mədəni həyatında inkişaf meylləri davam etmiş, iqtisadi göstəricilər artan templə yüksəlmişdir. İlk 3 ayda rayonda bir sıra həyati əhəmiyyətli infrastruktur layihələr icra olunub, sənayedə, kənd təsərrüfatında, tikintidə, yol-abadlıq işlərində işin həcmi artıb, yeni iş yerləri açılıb, əhalinin yaşayış səviyyəsi durmadan yaxşılaşmaqda davam edib.
Hesabat dövründə rayonda ümumi məhsul buraxılışı 1.1 faiz artaraq 698.3 milyon manat təşkil edib. Sənayedə 9.4 milyon manatlıq məhsul istehsal olunub ki, bu da əvvəlki ilə nisbətən 8.4 faiz çox olub. Sənayenin qeyri-dövlət sektorunda istehsalın həcmi 6.8 milyon manat, ümumi həcmdə onun xüsusi çəkisi 18.4 faiz təşkil edib. Cari ilin birinci rübündə rayonda iqtisadiyyatın prioritet istiqaməti olan aqrar sahədə də işlər uğurla davam edib, məhsul istehsalı əvvəlki dövrə nisbətən çoxalıb. Sahibkarlığın inkişafı nəticəsində rayonda sənayedə istehsalın həcminin 72.1 faizi, aqrar bölmədə 99 faizi və ödənişli xidmətlərin 76.2 faizi özəl bölmənin payına düşüb.
Rayonda iqtisadiyyatın və sosial sferanın inkişafına 9.6 milyon manat investisiya yönəldilib.Tikinti-quraşdırma işlərində istifadə edilmiş investisiyanın həcmi 8.8 milyon manat olmuşdur. Əvvəlki ilin müvafiq dövrü ilə müqayisədə ticarət xidməti 4.5 faiz, ödənişli xidmətlər 1.5 faiz artmış, orta aylıq əmək haqqı 310 manat təşkil edib.
Ölkə Prezidentinin ardıcıl diqqəti və qayğısı ilə rüb ərzində rayonda abadlıq və quruculuq işləri geniş vüsət alıb, şəhərdə 150 nəfərin çalışacağı qənnadı fabrikinin tikintisinə və ölkə Prezidentinin müvafiq sərəncamı ilə 11 min nəfər əhalinin gündəlik olaraq istifadə etdiyi Hirkan-Mamusta-Siyavar magistral avtomobil yolunun əsaslı təmiri və asfaltlanması işlərinə başlanılıb. Bu dövrdə magistral yollar boyu və şəhərdaxili küçələrdə hasar və barının suvaqlanaraq rəngləndiyini, eyni zamanda şəhərin park və bağlarında 7 min ağacın, 10 min ədəd dekorativ ağac və gül kolunun əkildiyini, şəhərdaxili yollara 3500 kv/m isti asfaltın döşəndiyini, 4 çoxmənzilli yaşayış binasının dam örtuyü dəyişdirildiyini, 2 binada liftlərin təmiri ilə bağlı tədbirlər görülüb. Natiq təhsil müəssisələrinin maddi-texniki bazasının möhkəmləndirilməsi ilə əlaqədar Lənkəran Dövlət Universiteti üçün əlavə tədris korpusunun və yataqxananın, Şıxakəran kəndində 432 şagird yerlik yeni məktəb binasının, 4 ucqar dağ kəndində modul tipli məktəblərin tikintisi işləri davam etdirildiyini, Gəgiran kəndində 264 şagird yerlik təzə məktəbin tikintisi ilə bağlı hazırlıq işləri görüldüyünü diqqətə çatdırıb. Bildirilib ki, birinci rübdə rayonda ümumilikdə 324 iş yeri açılmışdır ki, onlardan 183-ü daimi iş yerləri olub. Bundan başqa Azərbaycan Respublikası Prezidentinin müvafiq Sərəncamına əsasən rayonda 135 nəfəri qadın olmaqla 1120 nəfər kommunal sahələrdə haqqı ödənilən ictimai işlərə cəlb edilib, eyni zamanda Regional Qaz İdarəsinə 135 nəfər, Regional Elektrik Şəbəkəsinə 55 nəfər, ümumilikdə 1310 nəfər işlə təmin olunub. Haqqı ödənilən ictiami işlərə cəlb olunanların təkcə Lənkəran şəhərini və ətraf kəndləri deyil, eyni zamanda rayonun digər ərazilərində işləməyə ehtiyacı olan insanları da əhatə etməsinin təqdirəlayiq hal olduğu və əhali tərəfindən minnətdarlıqla qarşılandığı xüsusi vurğulanıb. İcra başçısı vətəndaşların qəbulu və müraciətlərinə baxılması ilə bağlı görülən işlər və yerlərdə keçirilən səyyar qəbullarda qaldırılan məsələlərin daim diqqətdə saxlandığını və həlli ilə bağlı müvafiq tədbirlərin görüldüyünü bildirib.
