İspaniyanın məşhur kurort zonaları leysan yağışlara təslim olub.
Tenerife adası da daxil olmaqla, bir sıra ərazidə güclü tufan olub. Hələlik 1 nəfərin ölüm xəbəri yayılıb.
“El Confidencial”ın xəbərinə əsasən, güclü yağışlar şənbə günü başlayıb. Qalisiyada yaşlı qadının meyiti tapılıb. Qadının evini su basıb və o, boğularaq ölüb.
Tenerifedə dalğalar 10 metr hündürlüyə qədər qalxıb və sahilə yaxın otellərin balkonunu dağıdıb. Malaqada isə bir neçə restoran dağılıb. Barselona və Alikante, Valensiya vilayətlərində qırmızı təhlükə səviyyəsi, Balear adalarında isə narıncı təhlükə səviyyəsi elan edilib.
