Şotavar kəndininin sakinləri ilə görüş keçirilib
Şotavar kəndində Azərbaycan Respublikasının Prezidenti cənab İlham Əliyevin tapşırığına uyğun olaraq rayon İcra Hakimiyyətinin başçısı Musa Şəkiliyevin növbəti səyyar qəbulu-görüşü keçirilmişdir.
Rayonun aidiyyəti qurumlarının rəhbərlərinin iştirakı ilə keçirilən qəbulda vətəndaşlar tərəfindən müraciətlər qəbul olmuşdur. Müraciətlər qəzalı elektrik dirəklərinin dəyişdirilməsi, təsərrüfatdaxili suvarma kanalının həyətyanı sahələrdən keçən hissəsinin təmizlənməsinə köməklik göstərilməsi, kənd məktəbinin təmir olunması, kəndin yeni yaşayış massivinin küçələrinin işıqlandırılması və təmir olunması ilə bağlı olmuşdur.
Vətəndaşların müraciətləri dinlənilmiş, qaldırılan məsələlərin həlli üçün rayonun müvafiq qurumlarına tapşırıqlar verilmişdir.
Musa Şəkiliyev haqqında bəzi jurnalistlərin ağlına nə gəldi onu da qələmdə alırlar
Ölkədə baş verənləri davamlı olaraq doğru-dürüst araşdırıb ictimaiyyəti dolğun məlumatlandıran KİV-lərin sayı günbəgün azalmaqdadır. Əslində özünü qərəzsiz hesab edən kiv istənilən situasiyada onu izləyənləri heyrətləndirməyi bacarmalıdır. Müasir jurnalistika texniki imkanlardan yararlanmaqla ən gizli saxlanılmış mövzuları cəmiyyətin üzünə açmaq iqtidarında olmalıdır. İctimaiyyətə təqdim olunan istənilən mövzu səmimi və qərəzsiz olmalıdır. Ancaq çox təəssüf ki, günümüzdə özünə əziyyət vermədən, heç bir araşdırma filan aparmadan, qeyri ciddi yazılar dərc edib, özünü cəmiyyətə operativ və qərəzsiz medya nümayəndəsi kimi sırımaq istəyənlər var.
Mətbuat bütün dövrlərdə cəmiyyətin güzgüsü rolunu oynayıb. Mətbuat başqalarının görmədiyi görüntüləri ortaya çıxarmaqla, əslində cəmiyyətdə əmin amanlıq balansı yaratmalıdır. Vay o, günə ki, mətbuat kimlərinsə əlində, kimlərəsə qarşı dəyənək rolunu oynamaya başladı. İndiki halda da Qax Rayon İcra Hakimiyyətinin başçısı Musa Şəkiliyev haqqında yazılarda bəzi mətbu orqanlar artıq obyektivliyini itirmiş, cəmiyyətdə yalnız qana zəhər ifrazedən zob funksiyasını yerinə yetirən kimi görsənir. Bələ hərəkətlər cəmiyyətin gözü olan mətbuatı urvatsızlaşdırır, onu dəyərdən salır. Zatən, bəzi media orqanlarında qələmə alınan cızma-qaraların qərəz məhsulu olması, hansı xırda maraqlara xidmət etməsi hər kəsə gün kimi aydındır. Necə ki, son yazılardan sonra gerçək durum media mənsublarının özü tərəfindən müşahidə olunaraq qələmə alındı.
Bakuxeber.info saytı olaraq Qax rayonunda görülən abadlıq-quruculuq işləri ilə tanış olduq. Qəflətən Qax rayonuna getməkdə məqsədimiz bəzi internet saytlarında Qax rayon haqqında yazılan tənqidi məqalələri araşdırmaq və Bakuxeber.info saytında işıqlandırmaq idi.
Bəli, Qax rayonu təbiət baxımından ən mühim rayonlardan hesab edilir. Buda səbəbsiz deyil ki, Ulu Öndər Heydər Əliyev rayon haqqında hər zaman yüksək fikirlər səsləndirib. Qax rayonunda məlum hadisələrdən sonra ölkə başçısı İlham Əliyev düşünülmüş formada rayona el ağsaqqalı, ziyalı və dünya görüşü ilə hər zaman cəmiyyətdə sayılıb-seçilən Musa Şəkiliyevi icra başçısı təyin etdi.
İlk gündən rayon sakinlərinin problemləri istiqamətində lazımı addımlar atmaqla bir daha ona göstərilən etimadı doğrulacağına işarə vurdu. Bütün bunları qeyd etməkdə məqsədimiz ondan ibarədir ki, bəzi sayt rəhbərləri ya ağı-qaradan seçə bilmir, ya da bilərəkdən rayon rəhbərliyinin ünvanına qəbuledilməz yazılar dərc edirlər. Bakuxeber.info-nun apardığı araşdırmalarna görə Qax rayonunda həyat öz axarı ilə davam edir. Rayonun yolları asvalt döşəmələri ilə döşənir. Sakinlərin sosial problemlərinin həlli istiqamətində lazımı qurumlar işlər görür.
Özlərini cəmiyyətdə Kütləvi İnformasiya Vasitəsi kimi heç cür təsdiq edə bilməyən, oxucu auditoruyası olmayan bu saytlar qeyri-ciddi, jurnalist peşəkarlığından uzaq və məkrli yollarla Qax rayonunun rəhbər işçilərinin ünvanına ləkə yaxmağa, bir az da irəli gedərək rayonda guya vətəndaşlara hörmətsizlik edilməsi barədə yalan məlumat yaymaqdan belə çəkinməyərək ictimai rəydə çaşqınlıq yaratmağa, görülən işlərə kölgə salmağa çalışırlar.
Qax rayonuna daxil olarkən müşahidələrimiz ondan ibarət idi ki, yuxarıda qeyd etiyimiz bəzi saytların yazdıqları tənqidi məqalələrin davamını gətirmək və bəzi məsələləri araşdırıb cəmiyyətə informasiyanı çatdıraq. Əslində bəzi jurnalistlər böhtan xarakterli məlumatları tənqidi məqalə kimi sıramağa çalışır. Əfsüslər olsun ki, bu cür neqativ hallar heç bir sayt rəhbərliyinə və digər şəxslərə yaraşmaz.
