Yazının başlığında qeyd etdiyim kimi bu yazının əsas mövzusu Biləsuvar Rayon İcra Hakimiyyətinin başçısı Mahir Quliyevdir. Son vaxtlar Biləsuvar rayonu haqqında, rayonun icra başçısı hörmətli ziyalımız Mahir müəllim haqqında KİV-də dərc olunan yazılar məni çox düşündürürdü. Axı mən də biləsuvarlılar kimi Mahir müəllimi çox yaxşı tanıyıram. Əvvəl dediyim kimi eşitdiklərimə deyil gördüklərimə inanalardanam. Bu düşüncələrlə jurnalist təcrübəmdən istifadə edərək araşdırmalarıma başladım. Əvvəlcə İnternetdə Mahir Quliyev haqqında son beş ildə yazılmış yazıları bir yerə yığdım və o yazıların hardan, hansı saytlarda və kimlər tərəfindən yazıldığını yoxladım. Məlum oldu ki Biləsuvar haqqında yazılar əsasən Mahir Quliyevin icra başçısı seçildikdən sonra yazılmışdır. Bu yazıları dəqiq təhlil etdikdə məlum oldu ki yazılar bir əldən çıxır və yayılır. Yazıların tam məqsədi məlum olmasa da bir məna var kimlərsə Biləsuvarın inkişafını istəmir, kimlərsə yuxarı dairələrdə Biləsuvar haqqında mənfi fikirlər yaratmağa çalışır. Ən pisi isə odur ki, bütün bu pis oyunlara bir jurnalist alət edilir.
Şantaj yazmaqla bəslənən insanlar öz bədnam əməllərini həyata keçirə bilmək üçün xalqı çaşdırmaq rayon rəhbərliyini əhalinin və ölkə rəhbərliyinin gözündən salmaq məqsədi ilə şər-böhtan və şantaj xarakterli yazılardan istifadə edirlər. Buna misal Mahir Quliyevin rayonda ən böyük və ən uğurlu layihələrin təməli atıldığı gündən yazılar, tənqidlər başladı nə başladı. Amma Ölkə rəhbərliyinin xeyir duası ilə başlanan layihələrin başa çatmasına mane ola bilmədilər. Layihə başa çatdı, ölkə rəhbərliyi gəldi açılışlar etdi. Biləsuvar tarixi uğura imza atdı.
Rayon rəhbərliyinə aidiyyəti olmayan məsələdə nöqsan axtarıb rayon rəhbərliyini günahlandırmaq vicdansızlıqdır.
Araşdırmalarım davam edir. Növbəti yazılarda Biləsuvarda kimlər niyə qarışıqlıq yaratmaq istəyir bunları araşdıracam.
Sonda isə o şəxslərin diqqətinə çatdırmaq istəyirəm ki bu gün Biləsuvar etibarlı əllərdədir. Rayon rəhbərliyi ilə əhali arasında inam, etibar var. Sizlər bu inamı qıra bilməzsiniz. Yaxşı olar ki öz pis əməllərinizi, kimlərinsə çirkin maraqlarını həyata keçirmək üçün başqa ünvan seçəsiniz.
