Salyan regional “ASAN xidmət” mərkəzində “Yaşıl dağ” sosial aksiya təşkil olunub
“Yaşıl ASAN” proqramı tərəfindən “Yaşıl dünya naminə həmrəylik ili” çərçivəsində gerçəkləşən tədbir ASAN könüllülərinin təşəbbüsü, Elm və Təhsil Nazirliyinin, Salyan Rayon İcra Hakimiyyətinin, “Azərsun Holdinq”in və Azərbaycan Kağız və Karton İstehsalı Kombinatının dəstəyi ilə baş tutub. Məqsəd kağız tullantıların təkrar emalını təşviq etməklə ağacların qorunmasına, təbiətin mühafizəsinə və ekoloji balansın saxlanılmasına dəstək olmaqdır.
Aksiyada Salyan Rayon İcra Hakimiyyətinin başçısı Sevindik Hətəmov, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev, müxtəlif rayonların ictimaiyyət nümayəndələri və digər qonaqlar iştirak etmişlər. Aksiyada 150 tondan çox kağız tullantıdan hazırlanmış “Yaşıl dağ”ın təqdimatı baş tutub. ASAN könüllülərinin və məktəblilərin tullantılardan hazırladığı əl işləri, mədəniyyət guşəsi nümayiş etdirilib, eləcə də müxtəlif musiqi nömrələri də səsləndirilib. Həmçinin “İdeya müsabiqəsinin” 3 nominasiyası üzrə qaliblər mükafatlandırılıblar və müxtəlif qurumlara təşəkkürnamələr təqdim olunub. 6-cı “Yaşıl dağ” ekoloji-sosial aksiyasına Azərbaycanın 30-dan çox şəhər və rayonundan vətəndaşlar, məktəblər, idarə və təşkilatlar qoşulublar.
9 ildir fəaliyyətini davam etdirən proqram çərçivəsində 2000 tondan çox kağız tullantısı təkrar emala göndərilib, bununla 34.000-dən çox ağacın kəsilməsinin qarşısı alınıb, 400-dən çox ekoloji istiqamətdə layihə, 100-dən çox təmizlik və ağacəkmə aksiyası baş tutub.
Salyan rayon Qızılağac kəndində keçirilən səyyar qəbulda sakinlərin müraciətləri dinlənildi
Qəbulda Rayon İcra Hakimiyyətinin başçısı Sevindik Hətəmov Möhtərəm Prezident cənab İlham Əliyevin rəhbərliyi ilə ölkəmizin hər yerində olduğu kimi Salyan rayonunda da ictimai-siyasi sabitliyin daha da möhkəmləndiyini, regionların sosial-iqtisadi inkişafı Dövlət Proqramı çərçivəsində xeyli işlərin görüldüyünü, su-kanalizasiya sisteminin yenidən qurulması və yaşıllıqların salınması istiqamətində işlərin davam etdirildiyini qeyd edib. Səyyar qəbulda sakinlərin müraciətləri dinlənilib və onları narahat edən müxtəlif məsələlər aidiyyəti məsul şəxslərin iştirakı ilə müzakirə edilib, qanunamüvafiq izahatlar verilərək həlli nəzarətə götürülüb.
Şəhid Bağırov Ülvi Hənifə oğlunun 40 mərasimi keçirilib
2023-cü ilin 19-20 sentyabr tarixlərində Qarabağda həyata keçirilən antiterror əməliyyatı zamanı ağır yaralanan, 07.04.2024-cü il tarixində müalicə olunduğu tibb müəssisəsində vəfat edən Azərbaycan Ordusunun zabiti, leytenant Bağırov Ülvi Hənifə oğlunun 40 mərasimi keçirildi. Rayon rəhbərliyinin iştirakı ilə şəhidin məzarı ziyarət olunub, önünə gül dəstələri düzülərək ruhuna dualar oxunub. RİH başçısı Sevindik Hətəmov şəhidimiz Ülvi Bağırovun doğmalarına dərin hüznlə başsağlığı verərək Allahdan rəhmət diləyib. O, bildirib ki, şəhidlər bizim qürur yerimiz, fəxrimizdir. Xalqımız heç zaman vətən naminə canını qurban vermiş şəhid övladlarını unutmayacaq, onları əbədi xatirə kimi qəlbində yaşadacaq.
Qeyd edək ki, 2023-cü il sentyabrın 19-20-də Qarabağ iqtisadi zonasında həyata keçirilən antiterror tədbirləri zamanı ağır yaralanmış Ülvi Bağırov aprelin 7-də müalicə olunduğu tibb müəssisəsində vəfat edib.
Salyan Rayon İcra Hakimiyyətinin və Peşə Liseyinin təşkilatçılığı ilə “Dövlət-özəl əməkdaşlığı çərçivəsində işəgötürənlərin peşə təhsili sisteminə inteqrasiyası” mövzusunda dəyirmi masa keçirilmişdir
Salyan Rayon İcra Hakimiyyətinin və Peşə Liseyinin təşkilatçılığı ilə “Dövlət-özəl əməkdaşlığı çərçivəsində işəgötürənlərin peşə təhsili sisteminə inteqrasiyası” mövzusunda Salyan Heydər Əliyev Mərkəzində dəyirmi masa keçirilmişdir. RİH başçısının müavini Rəşad Cəbrayılov, Dövlət Peşə Təhsili üzrə Dövlət Agentliyinin Tərəfdaşlarla iş və kommunikasiya şöbəsinin müdiri Yusif Axundov, dövlət və özəl idarə, müəssisə və təşkilat rəhbərləri, KOBİA Salyan üzrə nümayəndəsi Anar Əhmədov, Şirvan-Salyan Regional Məşğulluq filialının müdir müavini Vüsal Əhmədov və fermerlər iştirak etmişlər.
Salyan Rayon İcra Hakimiyyətində vətəndaşların növbəti fərdi qəbulu həyata keçirilib
Qəbulda Salyan Rayon İcra Hakimiyyətinin başçısı Sevindik Həətmov, RİH başçısı aparatının şöbə müdirləri, aidiyyəti idarə, müəssisə və təşkilatların nümayəndələri də iştirak edib. Qəbulda vətəndaşların müraciətləri dinlənilmiş və onların qaldırdıqları məsələlərlə bağlı qanunvericiliyin tələbləri izah olunmuş, İcra Hakimiyyətinin səlahiyyətləri daxilində olan məsələlərin həlli üçün yerində tapşırıq verilmiş, digər mövzularla bağlı isə aidiyyəti qurumların yerli nümayəndələrinə tapşırıq verilmişdir.
Salyan Qardili kəndində keçirilən səyyar qəbulda sakinlərin müraciətləri dinlənildi
Qəbulda Rayon İcra Hakimiyyətinin başçısı Sevindik Hətəmov Möhtərəm Prezident cənab İlham Əliyevin rəhbərliyi ilə ölkəmizin hər yerində olduğu kimi Salyan rayonunda da ictimai-siyasi sabitliyin daha da möhkəmləndiyini, regionların sosial-iqtisadi inkişafı Dövlət Proqramı çərçivəsində xeyli işlərin görüldüyünü, su-kanalizasiya sisteminin yenidən qurulması və yaşıllıqların salınması istiqamətində işlərin davam etdirildiyini qeyd edib. Səyyar qəbulda sakinlərin müraciətləri dinlənilib və onları narahat edən müxtəlif məsələlər aidiyyəti məsul şəxslərin iştirakı ilə müzakirə edilib, qanunamüvafiq izahatlar verilərək həlli nəzarətə götürülüb.
