Əziz oxucu! Bir az toxta, dur! Məmurların qanunsuzluqlar, sosial problemlər, kresloda oturanların vətəndaşlara təhkimçi kimi baxmaları, korrupsiya və maliyyə maxinasiyaları ilə toplanan milyonlardan, kapitaldan bəhs edən məlumatlardan bir qədər uzaqlaşaq. Sizə çoxlarının yazacaqlarımıza inanmadığı, şəxsiyyəti və real əməli ilə bizi də fəth edən bir şəxsdən - Lənkəran şəhər Yol İstismar idarəsinin müdiri Çingiz müəllim barədə bəhs edəcəyik. Onun haqqında elini-obasını sevən bir insan kimi gördüklərimizi, bildiklərimizi və başqalarının fikirlərini təqdim edəcəyik.
Dünyaya göz açan hər bir kəsin, öz yolu, öz cığırı olur. Bu da əzəli məlum, sonu ALLAHIN qismətindən asılı ömür yoludur. Deyirlər, öz dünyasında olan insanın söz və əməl dünyası saleh olur. Bu yolu şərəflə, ləqayətlə, inam və imanla addımlayan Lənkəran şəhər Yol İstismar idarəsinin müdiri Çingiz müəllim Vətənə ləyaqət nümunəsi sayılacaq vəzifə sahiblərindəndir.
Lənkəran şəhər Yol İstismar idarəsinin müdiri Çingiz müəllim Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.
Çingiz müəllim insanlara maksimum diqqət və qayğıyla yanaşır, onların problemlərini həll edərək, onların dövlətimizə və Prezidentimizə inamını artırır!
Çingiz müəllim bütün işləri yüksək professionallıqla və böyük operativliklə icra edir! Bunun sirri onun professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
Ona etibar edilən bütün işlərdə Çingiz müəllim özünü doğruldub. Bizdə hörmətli Çingiz müəllimi dövlətimizə, xalqımıza şərəfli xidmətində yeni-yeni uğurlar başarılar diləyirik.
Şəhid Teymur Gənciyev küçəsinə yeni asfalt örtüyü döşənib
Lənkəran rayonunun yol infrastrukturunun yaxşılaşdırılması, yollara yeni asfalt örtüyünün döşənməsi istiqamətində daha bir addım atılıb. Belə ki, Liman şəhər şəhid Teymur Gənciyev küçəsinə 1500 kv.m əraziyə yeni isti asfalt örtüyü döşənib.
Qeyd edək ki, rayonun sosial-iqtisadi inkişafına dair Tədbirlə Planına əsasən son günlərdə ilkin mərhələdə artıq Lənkəran şəhərinin 12 küçəsi asfaltlanıb. Şəhərin təmirə ehtiyacı olan küçələrinin siyahısı müəyyənləşdirilib, il sonunadək davam edəcək növbəti mərhələdə büdcədən ayrılmış vəsaitə uyğun olaraq daha bir neçə küçənin asfaltlanması nəzərdə tutulur.
Liman şəhər sakinləri yeni asfalt örtüyünün salınmasına, şəhidlərimizə olan diqqət və qayğıya görə dövlət başçısı cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
