Kürdəmirdə Səfərbərlik və Hərbi Xidmətə Çağırış üzrə Dövlət Xidməti işçilərinin peşə bayramı qeyd olunub
Fevralın 13-də Kürdəmirdə Səfərbərlik və Hərbi Xidmətə Çağırış üzrə Dövlət Xidməti işçilərinin peşə bayramı qeyd olunub.
Kürdəmir rayon İcra Hakimiyyətinin başçısı Elxan İbrahimov, Səfərbərlik və Hərbi Xidmətə Çağırış üzrə Dövlət Xidmətinin Kürdəmir rayon şöbəsinin rəisi, polkovnik Rahim Mustafayev, rayonun hüquq-mühafizə orqanlarının rəhbərləri Heydər Əliyev parkında Ümummilli Liderin abidəsini ziyarət edib, önünə gül dəstələri düzüblər.
İcra başçısı Elxan İbrahimov Xidmətin işçilərini peşə bayramı münasibətilə təbrik edərək, onlara çətin və şərəfli işlərində uğurlar arzulayıb.
İcra başçısı "Əməkdar müəllim"lə görüşüb
Kürdəmir Rayon İcra Hakimiyyəti başçısı Elxan İbrahimov əməkdar müəllim Ələkbər Məmmədovun ailəsinin qonağı olub, qocaman müəllim ilə bu sənətin aliliyindən, çətinliklərindən söhbət açıb, gələcək işlərində ona uğurlar arzulayıb.
08.11.1950-ci il tarixində Kürdəmir rayonunda anadan olan Məmmədov Ələkbər Əsəd oğlu 1973-cü ildə Bakı Dövlət Universitetinin fizika fakultəsini bitirib. İlk əmək fəaliyyətinə Kürdəmir rayonu Köhnəbazar kənd tam orta məktəbində başlayan Ələkbər müəllim daha sonra 40 il M.Ə.Rəsulzadə adına 2 nömrəli tam orta məktəb-liseydə fizika müəllimi kimi fəaliyyətini davam etdirib. Prezident İlham Əliyevin sərəncamı ilə "Əməkdar müəllim" fəxri adına layiq görülüb.
Kürdəmir rayonunun Çöhranlı kəndində səyyar qəbul keçirilib
Fevralın 9-da Kürdəmir Rayon İcra Hakimiyyətinin başçısı Elxan İbrahimov növbəti səyyar qəbulunu Çöhranlı kəndinin sakinləri ilə keçirib.
Qəbul zamanı kənd sakinlərinin təklifləri dinlənilib, onları narahat edən məsələlərin bəziləri yerindəcə öz həllini tapıb. Araşdırılması vacib olan məsələlər ilə bağlı isə müvafiq qurumlara tapşırıqlar verilib.
