Seymur Orucov Köçəsgər kəndində vətəndaşların növbəti səyyar qəbulunu keçirib
Səyyar qəbulda rayonun hüquq-mühafizə orqanlarının rəhbərləri, RİH başçısı aparatının və aidiyyəti təşkilatların məsul şəxsləri, eləcə də kənd sakinləri iştirak ediblər. RİH başçısı ölkəmizin dinamik sosial-iqtisadi inkişafından, hərbi qüdrətindən, höküm sürən əminamanlıqdan söz açaraq bildirib ki, yerlərdə keçirilən səyyar qəbulların keçirilməsində məqsəd sakinləri narahat edən məsələləri ətraflı öyrənmək, onların müraciət və təklifləri əsasında qanunamüvafiq qaydada daha uyğun həlli yollarını müəyyən etməkdən ibarətdir. Qəbulda vətəndaşlar tərəfindən qaldırılan məsələlər qeydiyyata alınaraq nəzarətə götürülüb. Hər bir təklif və müraciətlə bağlı ətraflı müzakirələr aparılıb, aidiyyəti üzrə müvafiq tapşırıqlar verilib.
Bu gün Köçəsgər kəndindən olan Vətən müharibəsi şəhidimiz Mətləb Vüqar oğlu Ələsgərovun şəhadətə ucalmasının ikinci ildönümüdür
Anım günündə Ağstafa RİH başçısı Seymur Orucov rayonun məsul şəxsləri ilə birlikdə Vətən oğlunun doğma evində ailəsini ziyarət edib. Şəhidlərimizin ruhuna dualar oxunub, əziz xatirələri ehtiramla yad edilib. Mətləbin keçdiyi mənalı ömür və şərəfli döyüş yolundan geniş söz açılıb.
Ələsgərov Mətləb Vüqar oğlu, 18.07.1999-cu ildə Ağstafa rayonunun Köçəsgər kəndində anadan olub. O, 2020-ci ildə ali təhsil aldığı ADNS universitetinin magistratura pilləsinə qəbul olunur. Lakin vətənə olan borcunu ödəmək üçün təhsilini dondurub 2020-ci ilin iyulunda həqiqi hərbi xidmətə yollanır. 44 günlük Vətən müharibəsində Azərbaycan Silahlı Qüvvələrinin sıralarında torpaqlarımızın işğaldan azad olunması zamanı Füzuli istiqamətində gedən döyüşlərdə sücaət göstərərək şəhidlik zirvəsinə ucalıb. “Vətən uğrunda”, “Füzulinin azad olunmasına görə” medalları ilə təltif olunan şəhidimiz doğma Köçəsgər kəndinin qəbirstanlığında izdihamla torpağa tapşırılıb.
Allahdan bütün şəhidlərimizə rəhmət diləyir və ruhları qarşısında baş əyirik!
Ağstafada əkin sahələrinin suvarılması işlərinin yaxşlaşdırılması isqtiqəmətində müvafiq tədbirlərin icrası davam etdirilir
Hazırda Azərbaycan Meliorasiya və Su Təsərrüfatı ASC-nin sifarişi əsasında mənbəyini Ağstafaçay su anbarından götürən sağ sahil kanalının uzunluğu 14,4 km olan hissəsində təmir işləri davam etdirilir. Belə ki, sözügedən “Poylu arxı” suvarma kanalı Poylu qəsəbə, Dağ Kəsəmən, Poylu və Xətai kəndləri olmaqla ümumilikdə min hektara yaxın ərazinin suvarılmasına xidmət göstərir.
.JPG)
