Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.
Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.
Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - gözəl insan, xeyriyyəçi Karvan-L Şirkətlər Qrupunun prezidenti Əbülfəz Qafarovun keçdiyi mənalı ömür yoluna qısa da olsa, nəzər salmağa çalışacağıq.
Dünyaya göz açan hər bir kəsin, öz yolu, öz cığırı olur. Bu da əzəli məlum, sonu ALLAHIN qismətindən asılı ömür yoludur. Deyirlər, öz dünyasında olan insanın söz və əməl dünyası saleh olur. Bu yolu şərəflə, ləqayətlə, inam və imanla addımlayan Əbülfəz Qafarov Vətənə ləyaqət nümunəsi sayılacaq vəzifə sahiblərindəndir.
Əbülfəz Qafarov Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.
Karvan-L Şirkətlər Qrupunun prezidenti Əbülfəz Qafarov qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Əbülfəz Qafarovun diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Əbülfəz Qafarov səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Karvan-L Şirkətlər Qrupunun prezidenti Əbülfəz Qafarova biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
“KARVAN-L” şirkətlər qrupu Azərbaycanda fəaliyyət göstərən ən iri özəl istehsalat və ticarət müəssisələrindən biridir. Biz fəaliyyətə 1993-cü ildə kiçik şirkət kimi başlamışıq. Şirkətimiz Azərbaycan-da lak və boya məhsullarının istehsalı və idxalı üzrə ixtisaslaşmış ilk şirkətdir və «Ярославские краски» şirkətinin ilk rəsmi distribyutoru olub. Ötən 25 il ərzində biz Azərbaycan iqtisadiyyatının tələbatlarına həssaslıqla yanaşaraq müxtəlif sənaye sektorlarında fəaliyyət göstərən çoxprofilli təşkilata çevrildik. Şirkətin istehsal prosesində innovasiya texnologiyalarının tətbiqi və kadr potensialının inkişafına yönəlmiş elmi-texniki bazası uğurlu inkişafın əsasını təşkil edir.
Hal-hazırda biz daxili və dünya bazarlarında aşağıdakı istiqamətlərdə fəaliyyət göstərən müəssisələrlə fəal şəkildə təmsil olunuruq:
Karvan-L Glass
DİZAYN VƏ LAYIHƏLƏNDİRMƏ
TİKİNTİ MATERİALLARININ İSTEHSALI
METAL EMALI VƏ XSUSİ AVADANLIQLAR
KİMYƏVİ MƏHSULLAR
TULLANTILARIN TƏMİZLƏNMƏSİ VƏ EMALI
KƏND TƏSƏRRUFATI MƏHSULLARI
“KARVAN-L” şirkətinin müəssisələrində istehsal olunan məhsullar Azərbaycan bazarının tələbatını təmin etməklə yanaşı, xaricə də ixrac edilir. Əsasən kimya sənayesi sahəsinə aid olan məhsullarımız Almaniya, İspaniya, ABŞ, Kanada, Argentina, Braziliya, Rusiya, Ukrayna, BƏƏ, Çin, Yaponiya və digər ölkələrə ixrac olunur.
“KARVAN-L” MAŞIN VƏ AVADANLIQ İSTEHSALATINDA YENİLİK ETMƏYƏ DAVAM EDİR
“Karvan-L” Şirkətlər qrupu yeni istehsalatını daha da genişləndirir.
Şirkət maşın avadanlıqları istehsalatında yeniliklər etməyə start verib. Bu avadanlıqlar dəmir-dam örtükləri və onun aksesuarları, tullantı polietilen və tullantı təkərlərin yenidən emalını həyata keçirir.
Avadanlıqlara daxil olan Avtomatik İdarəetmə Sistemi bütün qurğuları vahid xəttə birləşdirilir. Avadanlıqların ehtiyat və köməkçi hissələri dünyanın ən iri və qabaqcıl istehsalat şirkətlərindən alınır.
Bu avadanlıqlar insan faktorunu minimuma endirir. Daha rahat operator interfeysi təmin edir. Şirkətin məhsulları etibarlı, dözümlü və müasir dizaynda istehsal olunur.
Xatırladaq ki, 1996-ci ildən fəaliyyət göstərən "Karvan-L" Şirkətlər qrupu ötən illərdə istehsal etdiyi avadanlıqları Rusiya Federasiyasına ixrac etmişdir.
.jpg)
