Vətən Müharibəsi şəhidi Məlikov Elvin İlham oğlunun anım günü qeyd edilib
Vətən Müharibəsi şəhidi Məlikov Elvin İlham oğlunun anım günündə II Fəxri Xiyabanda məzarı ziyarət olunub.
Tədbirdə rayon İcra Hakimiyyətinin başçısı Rafiq Quluyev, RİH aparatının kollektivi, bələdiyyə sədrləri, şəhidin ailə üzvləri və ictimaiyyət nümayəndələri iştirak ediblər. Tədbir iştirakçıları şəhidin ruhuna dualar edib, ehtiramlarını bildiriblər.
Daha sonra İcra başçısı şəhidin ailə üzvləri ilə söhbət edib, onların qayğıları ilə maraqlanıb. Şəhidin ailə üzvləri şəhid və qazi ailələrinə göstərilən diqqət və qayğıya görə ölkə başçısı İlham Əliyevə minnətdarlıqlarını bildiriblər.
Canı bahasına şanlı tariximizi yazan şəhidlərimizlə fəxr edirik, onların əziz xatirəsi xalqımızın qəlbində daim yaşayacaq!
Vətən Müharibəsi şəhidi Babayev Vüqar İlham oğlunun anım günü qeyd edilib
Vətən Müharibəsi şəhidi Babayev Vüqar İlham oğlunun anım günündə II Fəxri Xiyabanda məzarı ziyarət olunub.
Tədbirdə rayon İcra Hakimiyyətinin başçısı Rafiq Quluyev, RİH aparatının kollektivi, şəhidin ailə üzvləri və ictimaiyyət nümayəndələri iştirak ediblər. Tədbir iştirakçıları şəhidin ruhuna dualar edib, ehtiramlarını bildiriblər.
Daha sonra İcra başçısı şəhidin ailə üzvləri ilə söhbət edib, onların qayğıları ilə maraqlanıb. Şəhidin ailə üzvləri şəhid və qazi ailələrinə göstərilən diqqət və qayğıya görə ölkə başçısı İlham Əliyevə minnətdarlıqlarını bildiriblər.
Xətai rayon İcra Hakimiyyətinin başçısı Rafiq Quluyev - 30 il öncə bu gün – 3 oktyabr 1993-cü il tarixi Azərbaycan xalqının taleyində dönüş nöqtəsi oldu. Heydər Əliyevin xalqın böyük etimadı əsasında Prezident seçilməsi Azərbaycanın tənəzzüldən, xaos və anarxiyadan xilas olaraq intibah və tərəqqi yoluna qədəm qoymasını mümkün etdi. Yüksək vətənpərvərlik və milli təəssübkeşlik hissinə malik olan tarixi şəxsiyyət - Ümummilli Lider kimi Heydər Əliyev xalqın dəstəyinə arxalanaraq müstəqil siyasət həyata keçirməklə Azərbaycana tarixi nailiyyətlər qazandırdı.
Heydər Əliyevin ölkəmizə rəhbərlik etdiyi 1993-2003-cü illər sabitlik və tərəqqi dönəmi kimi yadda qalmışdır. Ona görə də Azərbaycan xalqı Ulu Öndərin tarixi və misilsiz xidmətlərini yüksək qiymətləndirir və Onun əbədiyaşar ideyalarını dərindən mənimsəyib.
Bu gün Heydər Əliyev ideyaları əsasında davamlı nailiyyətlər qazanan respublikamızın ən böyük uğurlarından biri dayanıqlı iqtisadi inkişafın, ictimai-siyasi sabitliyin təmin olunması, xalq-iqtidar birliyinin və sarsılmaz milli həmrəyliyin mövcud olması, nəhayət Onun layiqli davamçısı olan Prezident, Müzəffər Ali Baş Komandan İlham Əliyevin rəhbərliyi ilə torpaqlarımızın işğaldan azad edilməsi və tarixi ədalətin bərpa olunmasıdır. Artıq Azərbaycan Heydər Əliyevin görmək istədiyi, arzuladığı kimi qüdrətli və qalibdir!
Xüsusi qeyd etmək lazımdır ki, Prezident İlham Əliyevin müvafiq Sərəncamına əsasən 2023-cü ilin ölkəmizdə “Heydər Əliyev İli” elan edilməsi həm dövlətçilik və müstəqillik tariximizin, həm də Heydər Əliyev irsinin dərindən öyrənilməsi baxımından müstəsna əhəmiyyətə malikdir. Çünki Onun zəngin dövlətçilik irsi əbədiyaşar sərvət kimi hər bir azərbaycanlının qürur mənbəyini təşkil edir. Ən əsası, müstəqil, qüdrətli və qalib Azərbaycan Heydər Əliyev yolu ilə parlaq nailiyyətlər qazanaraq yeni zirvələr fəth edir, milli hədəfləri reallaşdıraraq gələcəyə doğru inamla addımlayır.
