Lənkəran şəhər Yol İstismar idarəsinin müdiri Çingiz müəllim qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Çingiz müəllimin diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Çingiz müəllim səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Lənkəran şəhər Yol İstismar idarəsinin müdiri Çingiz müəllimə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Şəhərin daha bir küçəsinə- Qala Xiyabanı küçəsinə yeni asfalt örtüyü döşənir
Yol infrastrukturunun inkişafı, yeni yolların salınması və asfalt örtüyünün yenilənməsi prosesi Lənkəran rayonunda cari ildə də dövlət büdcəsindən ayrılmış vəsaitə uyğun olaraq davam etdirilir. Qeyd edək ki, təmirə ehtiyacı olan şəhərdaxili yolların əsaslı təmiri Lənkəran şəhərinin sosial-iqtisadi inkişafına dair Tədbirlər Planına daxil edilib. Hənifə Abdullayev küçəsinin ardından artıq şəhərin Qala Xiyabanı küçəsinin də təmirinə başlanılıb. Bildiririk ki, yaxın vaxtlarda dövlət vəsaiti hesabına şəhərdə bir neçə küçənin növbəlilik əsasında asfaltlanması həyata keçirləcək.
Şəhərin Hənifə Abdullayev küçəsinin təmirinə başlanılıb
Lənkəran şəhərində yol infrastrukturunun, yeni yolların salınması və asfalt örtüyünün yenilənməsi prosesi cari ildə də davam etdirilir. Lənkəran Şəhər İcra Hakimiyyəti şəhərin təmirə ehtiyacı olan küçələrinin asfaltlanması istiqamətində bütün zəruri addımları atır, məsələni daim diqqətdə saxlayır. Şəhərin Hənifə Abdullayev küçəsindəki yolda baş vermiş deformasiyanın təmirinə artıq başlanılıb. Qeyd edək ki, tenderdə qalib gəlib asfaltlanma işlərini həyata keçirən şirkət tərəfindən sözügedən yol əsaslı təmir edilir.
Məlumat üçün bildiririk ki, yaxın vaxtlarda dövlət vəsaiti hesabına şəhərdə bir neçə küçənin asfaltlanması da həyata keçirləcəkdir. Bir daha qeyd edirik ki, yeni yolların salınması və asfalt örtüyünün yenilənməsi dövlət büdcəsindən ayrılmış vəsaitə uyğun olaraq növbəlilik əsasında davam etdirilir.
.jpg)
