Ukraynanın xalq artisti Ani Lorakın Bakı konserti baş tutub.
Axşam.az məlumatına görə, “Diva” adlanan gecə Bakı Konqres Mərkəzində keçirilib.
Gecədə sevilən mahnılarını səsləndirən Lorak rəqsi ilə də tamaşaçıların zövqünü oxşayıb. Rəqqaslarla birlikdə şou göstərən Ani bir neçə dəfə libasını dəyişib. İlk olaraq bənövşəyi bodi ilə səhnəyə gələn sənətçi daha sonra onu 5 fərqli libasla əvəzləyib.
Hərdən onu dinləməyə gələnlərlə söhbətləşən müğənni Bakını çox sevməsindən danışıb. “Bura hər dəfə yenə gəlmək istədiyim şəhərlərdəndir” deyə, ifaçı söyləyib.
