İspaniya "La Liga"sında "El Klasiko" madridlilərin qələbəsi ilə yekunlaşıb.
Çempionatın 32-ci turunda "Real"'-"Barselona" oyunu baş tutub.
"Estadio Santiago Bernabeu" stadionunda keçirilən matç 3:2 hesabı ilə meydan sahiblərin üstünlüyü ilə sonlanıb.
Qarşılıqlı qollarla keçən oyunda "kral klubu"nun qələbə qolunu 90+1-ci dəqiqədə Cud Bellinqem vurub.
Bu nəticədən sonra xallarını 81-ə çatdıran "Real Madrid" turnir cədvəlinə başçılıq edir. "Barselona" 70 xalla ikinci, 68 xallı "Jirona" isə üçüncü pillədə qərarlaşıb.
