Ümummilli Lideri Heydər Əliyevin anadan olmasının 100 illiyi münasibətilə abidəsi ziyarət edilmişdir
10 may 2023-cü il tarixdə müstəqil və müasir Azərbaycan Respublikasının memarı və qurucusu, xalqımızın Ümummilli Lideri Heydər Əliyevin anadan olmasının 100 illiyi münasibətilə Ulu Öndərin Rayon İcra Hakimiyyətinin inzibati binası qarşısındakı abidəsi Rayon İcra Hakimiyyətinin başçısı Eyvaz Hüseynov, Yeni Azərbaycan Partiyası Xocavənd rayon təşkilatının sədri və kollektivi, rayonun hüquq-mühafizə orqanlarının rəhbərləri və kollektivləri, RİH yanında İctimai Şuranın sədri və üzvləri, şəhid ailələri və qazilər, idarə, müəssisə və təşkilat rəhbərləri, rayon ictimaiyyətinin digər bir qrup nümayəndəsi tərəfindən ziyarət edilmiş, Ulu Öndərə ehtiram əlaməti olaraq abidə önünə gül dəstələri düzülmüşdür.
Heydər Əliyevin anadan olmasının 100 illik yubileyinə həsr olunmuş rəsmi tədbir keçirilib
Ümummilli Lider Heydər Əliyevin 100 illik yubileyi çərçivəsində Xocavənd Rayon İcra Hakimiyyətinin təşkilatçılığı ilə baş tutan tədbirdə hüquq-mühafizə orqanlarının rəhbərləri, rayonun bütün idarə, müəssisə və təşkilatları, ictimaiyyət nümayəndələri iştirak edib.
Tədbirdən öncə Ulu öndərin Xocavənd batalyonu ilə görüşü zamanı çəkilmiş fotoşəkillər və ümumtəhsil məktəblərinin şagirdlərinin rəsmlərindən ibarət sərgiyə baxış keçirilib.
Dövlət Himni səsləndirildikdən sonra Rayon İcra Hakimiyyəti başçısı Eyvaz Hüseynovun “Azərbaycan xalqının Ümummilli Lideri Heydər Əliyevin 1969-2003-cü illərdə siyasi fəaliyyəti” mövzusunda məruzəsi dinlənilib.
Rayon rəhbəri ətraflı çıxış edərək Heydər Əliyevin hakimiyyətə qayıdışı ilə ölkənin ictimai-siyasi, sosial-iqtisadi, elmi-mədəni həyatında, beynəlxalq əlaqələrində müsbət dəyişikliklərdən bəhs etmiş, milli dövlət quruculuğu, sabitliyin təmin edilməsi prosesində Heydər Əliyevin yorulmaz fəaliyyətini tədbir iştirakçılarının diqqətinə çatdırıb.
Sonda Ulu Öndər Heydər Əliyevin həyat və fəaliyyətini əks etdirən “Əsrin adamı” adlı film nümayiş olunub.
