Yasamal rayonu İcra Hakimiyyəti Başçısının I müavini Hüseyn Əfəndiyev vəzifəsini şərəflə yerinə yetirir. Əgər bugünə kimi yaxşılıq etdiyi, təmənnasız xeyirxahlıq göstərdiyi çoxsaylı insanların minnətdarlığını və alqışlarını da mükafat saysaq, onda deyə bilərik ki, Hüseyn Əfəndiyevi saysız-hesabsız mükafatlar və təltiflər müəllifidir.
Yasamal rayonu İcra Hakimiyyəti Başçısının I müavini Hüseyn Əfəndiyevin səmimiyyət, xeyirxahlıq, mərdlik, düzlük kimi müsbət insanı keyfiyyətlərini də, xüsusi ilə qeyd etmək lazımdır. O, həm də nümunəvi ailə başçısı, bir nəslin, mən deyərdim ki, bir elin, obanın nüfuzlu şəxslərindədir.
Ona etibar edilən bütün işlərdə Hüseyn Əfəndiyev özünü doğruldub. Bizdə hörmətli Hüseyn Əfəndiyevi dövlətimizə, xalqımıza şərəfli xidmətində yeni-yeni uğurlar başarılar diləyirik.
Yasamal rayon İcra Hakimiyyətində qazilərlə növbəti görüş keçirilib
Vətən müharibəsi iştirakçılarının problem və qayğılarını çevik şəkildə həll etmək məqsədilə Yasamal rayon İcra Hakimiyyətində qazilərlə silsilə görüşlər davam edir. Növbəti görüşü giriş sözü ilə açan Yasamal rayon İcra Hakimiyyətinin başçısı Elşad Həsənov vurğuladı ki, cənab Prezident İlham Əliyevin tapşırıq və tövsiyyələrinə uyğun olaraq Vətən müharibəsi iştirakçıları ilə işin təşkilinə xüsusi diqqət ayrılır.Bildirildi ki, Vətən müharibəsi iştirakçılarının problemlərinin həlli hazırda dövlət qurumlarının əsas prioritetlərindən biridir. Daha sonra söz alan qazilər bu diqqət və qayğıya görə Ali Baş Komandan İlham Əliyevə öz təşəkkürünü bildirdilər.
Görüşdə qazilərin qarşılaşdıqları problemlər və onların həlli yolları diqqət mərkəzində oldu. Əsas etibarilə müalicə, mənzil-məişət şəraitinin yaxşılaşdırılması, məşğulluq və digər sosial məsələlər ətrafında ətraflı fikir mübadiləsi aparıldı. Yasamal rayon İcra Hakimiyyətinin başçısı Elşad Həsənov İcra Hakimiyyətinin səlahiyyətləri çərçivəsində olan məsələlərin qısa müddətə həllinə dair göstərişlər verdi, digər qurumlara aid məsələlərlə bağlı isə müvafiq müraciətlərin ediləcəyini bildirdi.
Qazilər bu cür görüşlərin təşkilinə görə Yasamal rayon İcra Hakimiyyətinin rəhbərliyinə öz minnətdarlığını bildirdilər. Yasamal rayon İcra Hakimiyyətində qazilərlə görüşlər davam edir.
Yasamal rayonunda şəhid ailələrinin ünvanlarında abadlıq-quruculuq işləri aparılıb
Yasamal rayon İcra Hakimiyyətinin təşəbbüsü ilə Yasamal bələdiyyəsi rayondakı şəhid ailələrinin qeydiyyatda olduğu ünvanlarda abadlıq-quruculuq işləri aparıb. Abadlıq-quruculuq işləri aparılarkən şəhid ailələrinin ünvanlarındakı yollarda, xüsusən də məhəllə daxili ərazilərdə, asfalt örtüyü təzələnib. Asfaltlama və təmir-bərpa işləri əsasən yol örtüyünün vəziyyəti qənaətbəxş olmayan torpaq əsaslı küçə və yollarda həyata keçirilib.Şəhid xatirə lövhələrinin olduğu ərazilərə xüsusi diqqət ayrılıb. Asfaltlama işləri çərçivəsində küçə boyu köhnə örtük sökülüb, yararsız sahələr çıxarılıb. Daha sonra isə yeni asfalt örtüyü döşənib. Abadlıq-quruculuq işləri çərçivəsində Yasamal rayonu Mənzil Kommunal Təsərrüfatı Birliyinin işçiləri tərəfindən ərazilərdə təmizlik işləri aparılıb, səliqə-səhman yaradılıb.
.jpeg "Hüseyn Əfəndiyev: Yasamal rayonunda şəhid ailələrinin ünvanlarında abadlıq-quruculuq işləri aparılıb")
Vətən müharibəsi şəhidlərinin il mərasimi keçirilib
Vətən müharibəsində Azərbaycanın ərazi bütövlüyü uğrunda döyüşlərdə şəhid olmuş hərbi qulluqçularımızın il mərasimi keçirilib. Bununla əlaqədar Yasamal rayonundakı 2-ci Fəxri Xiyabanda dəfn edilən şəhidlərin məzarlarıı ziyarət edilib. Şəhid hərbi qulluçular Hüseyn Tağıyev, Sübhan Əbdürrəhmanov, Sənan Kərimov və Rəşad Quliyevin əziz xatirələri bir dəqiqəlik sükutla yad edilib, ruhlarına dualar oxunub, məzarları üzərinə əklil və tər güllər düzülüb.
İl mərasimində Yasamal rayon İcra Hakimiyyətinin başçısı Elşad Həsənov, Xətai rayon İcra Hakimiyyətinin başçısı Rafiq Quluyev, millət vəkilləri, YAP rayon təşkilatlarının sədrləri, Müdafiə Nazirliyinin nümayəndələri, rayon hüquq-mühafizə orqanlarının rəhbərləri, şəhid ailələri, qazilər və ictimaiyyət nümayəndələri iştirak ediblər. Mərasimdə şəhidlərimizin keçdiyi döyüş yolundan danışılıb, göstərdikləri şücaət və qəhrəmanlıqlardan söz açılıb.Bildirilib ki, şəhidlərimiz xalqımızın qəlbində və yaddaşında əbədi yaşayacaqlar. Şəhidlərimizin fədakarlığını, onların Vətənə bağlılığını dövlətimiz, Ali Baş Komandan cənab İlham Əliyev, bütün xalqımız hər zaman yüksək qiymətləndiriblər.
