Daşkəsən ərazisinə fevralın 17-dən yağan qarın qalınlığı rayon mərkəzində 36-40 santimetr, ucqar dağ yaşayış məntəqələrində 50-60 santimetr olub. Hazırda qarın yağması davam edir.
Daşkəsən rayon İcra hakimiyyətinin başçısı Əhəd Abıyevin tapşırığına uyğun olaraq, xidmət strukturları aidiyyəti üzrə səfərbər olunaraq gücla qarın fəsadlara səbəb olmaması üçün gücləndirilmiş rejimdə müvafiq işlər aparırlar.
Kəndlərarası, eləcə də rayon mərkəzi ilə kəndlərarası yollarda, o cümlədən Daşkəsən-Gəncə avtomobil yolunda qarın nəqliyyatın hərəkətinə çətinlik yaratmaması üçün yolların qardan təmizlənməsi və digər təhlükəsizlik tədbirlər həyata keçirilir. Sürüşkən olması ehtimal olunan ərazilərə qum-duz qarışığı səpilir.
Güclü qarın yağması əsasən rayonun elektrik təsərrüfatına ciddi ziyan vurub. Belə ki, fevralın 17-si gecə saatlarından Daşkəsən rayonunda elektrik enerjisinin verilməsi dayandırılıb. Yaranan problem fevralın 18-də saat 16:00 radələrində tamamilə aradan qaldırılıb, rayonun bütün yaşayış məntəqələrinə elektrik enerjisinin verilməsi bərpa edilib.
Kəskin hava şəraiti rayonun ümumtəhsil məktəblərində şagirdlərin və bağçalarda uşaqların davamiyyətinə təsir etməyib.
Rayonun bütün idarə, müəssisə və təşkilatları işlərini hava proqnozlarını nəzərə almaqla qururlar. Hazırda Daşkəsən rayonunda həyat öz normal axarında davam edir.
.JPG "DAŞKƏSƏNDƏ GÜCLÜ QARIN YAĞMASI DAVAM EDİR")
.JPG "DAŞKƏSƏNDƏ GÜCLÜ QARIN YAĞMASI DAVAM EDİR")
.JPG "DAŞKƏSƏNDƏ GÜCLÜ QARIN YAĞMASI DAVAM EDİR")
.JPG "DAŞKƏSƏNDƏ GÜCLÜ QARIN YAĞMASI DAVAM EDİR")
.JPG)
