Salyan rayonunda “8 Mart – Beynəlxalq Qadınlar Günü” münasibətilə tədbir keçirilmişdir
5 mart tarixində Salyan rayon İcra hakimiyyətində “8 Mart - Beynəlxalq Qadınlar günü” münasibəti ilə tədbir keçirilmişdir. Tədbirdə rayon İcra Hakimiyyətinin başçısı Sevindik Hətəmov, rayonun idarə, müəssisə və təşkilatlarında çalışan, ictimai-siyasi həyatda fəal iştirak edən qadınlar, şəhid və əsgər anaları, rayon ictimaiyyətinin nümayəndələri iştirak etmişlər. Rayon İcra Hakimiyyətinin başçısı Sevindik Hətəmov tədbirdə çıxış edərək ölkəmizdə qadınlara göstərilən dövlət qayğısından və onların cəmiyyətdə tutduqları yüksək mövqedən söhbət açmış, onları bayram münasibətilə təbrik edərək cansağlığı, ailə xoşbəxtliyi, ictimai fəaliyyətlərində uğurlar arzulamışdır. Ümummilli Lider Heydər Əliyevin siyasətində qadına diqqət və qayğının mühüm bir istiqamət təşkil etdiyini qeyd edən rayon rəhbəri bildirmişdir ki, həmin siyasət bu gün ölkə Prezidenti cənab İlham Əliyev tərəfindən uğurla davam etdirilir.
Çıxış edənlər qadınların ictimai-siyasi həyatdakı fəallığından, Azərbaycan qadının dövlət quruculuğunun, milli-mənəvi dəyərlərin formalaşmasındakı rolundan bəhs etmiş, respublikamızın hər yerində olduğu kimi, rayonumuzda da qadınların rayonun ictimai-siyasi, mədəni və iqtisadi həyatına öz töhfələrini verdiyini diqqətə çatdırmışlar. Sonra rayonun ictimai-siyasi həyatında fəal iştirak edən bir qrup qadın rayon İcra Hakimiyyətinin başçısı tərəfindən qiymətli hədiyyələrlə təltif olunmuşlar.
.jpg "Şərəfli vəzifəyə yiyələnən Rəşad Cəbrayılov bu işin müqəddəsliyini qoruyub saxlayır")
.jpg "Şərəfli vəzifəyə yiyələnən Rəşad Cəbrayılov bu işin müqəddəsliyini qoruyub saxlayır")
.jpg "Şərəfli vəzifəyə yiyələnən Rəşad Cəbrayılov bu işin müqəddəsliyini qoruyub saxlayır")
Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Başçının müavini – İctimai-siyasi və humanitar məsələlər şöbəsinin müdiri Rəşad Cəbrayılovdur.
Başçının müavini – İctimai-siyasi və humanitar məsələlər şöbəsinin müdiri Rəşad Cəbrayılov peşəkarlığı və qayğıkeşliyi ilə seçilən insandır.
Şərəfli vəzifəyə yiyələnən Rəşad Cəbrayılov bu işin müqəddəsliyini qoruyub saxlayır. Rəşad Cəbrayılov kömək etdiyi hər kəsin rəğbətini qazanan insanlardandır.
Hazırda rayonda aparılan işlər sırasında mühüm yerlərdən birini də sahibkarlığın inkişaf etdirilməsidir. Dövlət başçısının təlimatı əsasında həyata keçirilən işlərin Salyanda da yüksək səviyyədə reallaşdırdığı müşahidə edilir. Belə ki, Sevindik Hətəmov rayonda sahibkarlığın inkişafı üçün zəruri olan bütün addımları atır. Bununla bağlı, hətta xüsusi nəzarət işləri də reallaşdırılır. İcra başçısı özü də bildirir ki, dövlət tərəfindən iş adamlarına bütün dəstək verilir. Onlar üçün mövcud olan bütün bürokratik əngəllər aradan qaldırılır.Salyan rayonunda fəaliyyət göstərən sahibkarlar da deyirlər ki, hal-hazırda onlar üçün zəruri olan bütün şərait yaradılıb.
Rayonun iqtisadi inkişafının təmin olunması üçün atılan bütün addımlara gəldikdə isə Sevindik Hətəmovun bu gərgin əməyi də bəhrəsini verməkdədir. Qeyd edək ki, Salyanda hazırda iqtisadiyyatın inkişaf etdirilməsi üçün icra başçısı tutarlı addımlar atır, işlər görür, real nəticələr əldə edir. Elə bu səbəbdəndir ki, son bir ildə Salyanda iqtisadi inkişaf üzrə artım artıq xeyli yüksəlib. Və bu ildən etibarən həmin inkişafın iki dəfə artması gözləntiləri var. Rayonda işsizliyin aradan qaldırılması, yeni iş yerlərinin açılması sahəsində də əsaslı addımlar atılıb. Sevindik Hətəmovun gərgin əməyinin nəticəsi olaraq Salyanda bir ildə xeyli iş yerləri açılıb, yeniləri isə açılmaq üzrədir. Növbəti illərdə də Salyan rayonu bu sahədə ən öncüllərdən biri olacağı şübhə doğurmur
Salyan rayonunda “Salyan rayon İcra hakimiyyətinin 2019-cu ilin sosial-iqtisadi inkişafının yekunları və 2020-ci ildə qarşıda duran vəzifələr”lə əlaqədar hesabat yığıncağı keçirilmişdir.
Hesabat yığıncağında Azəbaycan Respublikası Prezidentinin Administrasiyasının Ərazi-təşkilat məsələləri şöbəsinin sektor müdiri Əlibaba Əliyev, rayon İcra hakimiyyətinin başçısı Sevindik Hətəmov, hüquq mühafizə orqanlarının, idarə, müəssisə və təşkilatların rəhbərləri, rayon ictimaiyyətinin nümayəndələri iştirak etmişlər. Hesabat yığıncağında rayon İcra hakimiyyətinin başçısı Sevindik Hətəmov Azərbaycan Respublikasının Prezidenti cənab İlham Əliyevin yanında 2019-cu ilin yekunlarına həsr olunmuş müşavirədə Möhtərəm Prezidentimizin nitqindən irəli gələn vəzifələrlə əlaqədar Salyan rayonunun 2019-cu ilin sosial-iqtisadi inkişafının yekunları və qarşıda duran vəzifələrə həsr edilmiş iclası ilə bağlı ətraflı çıxış etmiş, hesabat ili ərzində istər respublika, istərsə də rayonda əldə olunan uğurlardan və qarşıda duran vəzifələrdən danışmışdır.
Geniş hesabat məruzəsi ilə çıxış edən rayon rəhbəri ötən il rayonda sosial-iqtisadi inkişaf sahəsində qazanılmış uğurlardan, rayonda aparılan tikinti-quruculuq və abadlıq işlərindən, həyata keçirilən infrastruktur layihələrindən və qarşıda duran vəzifələr barədə ətraflı məlumat vermişdir.
İdarə, müəssisə və təşkilat rəhbərlərinin məruzə ətrafında çıxışlarında təhsil, səhiyyə, mədəniyyət, həmçinin tikinti-quruculuq və abadlıq sahəsində görülən işlər ətraflı təhlil olunmuş, əhalinin elektrik enerjisi, təbii qazla normal təminatı, su təchizatı istiqamətində həyata keçirilən layihələr barədə danışılmış, habelə qarşıda duran həlli vacib məsələlər ətraflı müzakirə edilmişdir.
Hesabat yığıncağında Azəbaycan Respublikası Prezidentinin Administrasiyasının Ərazi-təşkilat məsələləri şöbəsinin sektor müdiri Əlibaba Əliyev çıxış edərək, respublikamızda müxtəlif sahələrdə əldə olunan uğurlardan, “Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan konfransda Prezident İlham Əliyevin nitqindən irəli gələn vəzifələrdən danışmışdır.
Sonda hesabat yığıncağında müzakirə olunan məsələyə dair qərar və Azərbaycan Respublikasının Prezidenti cənab İlham Əliyevə müraciət qəbul edilmişdir.
.jpg "Şərəfli vəzifəyə yiyələnən Rəşad Cəbrayılov bu işin müqəddəsliyini qoruyub saxlayır")
.jpg "Şərəfli vəzifəyə yiyələnən Rəşad Cəbrayılov bu işin müqəddəsliyini qoruyub saxlayır")
