Şər və Böhtan yazanlara tutarlı cavab - Yeni Azərbaycan Partiyasının 78 saylı Lerik Dairə Seçki Komissiyasından namizədliyi irəli sürülmüş İqbal Məmmədov haqqında jurnalistlərin ağlına nə gəldi onu da qələmi ələ alır
HƏQİQƏTƏ UYĞUN YAZILAR DƏRC EDİN. YOXSA ŞANTAJ XARAKTERLİ YAZILARDAN ƏL ÇƏKİN.......
Mən isə çalışacam ki, bəziləri kimi eşitdiklərimə yox, gördüklərimə əsaslanım, eşitdiklərimdən vaz keçim. Özünə jurnalist deyən hər kəs də gərək belə etsin. Gördüklərini, müşahidə etdiklərini yazsın: “Etibarlı mənbə”yə etibar etməsin. Əsas məqsədə keçmədən onu qeyd etmək istərdim ki, sosial şəbəkələrdə sayt, portal, informasiya agentliyi adına çirkli yuva quran bir sıra jurnalistikaya ləkələr gətirənlər İqbal Məmmədovda, ümumilikdə ölkəmizdə müsbət bir şey görmürlər. Çünki onlar mənəvi kordular. Divin canı şüşədə olan kimi, onların təsisçiləri, baş redaktorları və bütün əməkdaşlarının canı da şərdə, böhtanda, iftirada, mənəviyyatsızlıqda, satqınlıqda, goreşənəlikdə, ayaq altı qazımaqda, maddi hərislikdədir.
Onlar yerlərə inkişafı, yüksəlişi, hər bir bölgənin hərtəfli tərəqqəsini görmək üçün getmirlər. Bəzən də xeyirxah, tərəfdaş cildinə girib, əncir yarpağı boyda qəzetində boğazdan yuxarı sözlərdən ibarət dərc etdiyi bir yazını götürüb əvəzini almağa rayonlara cumurlar. Burada M.F.Axundzadənin “Hacı qara” komediyası.
Mətləbi deyəsən bir az uzatdım. Obyektiv oxuculardan üzr istəyirəm. Məqsədə gəlirəm. Yeni Azərbaycan Partiyasının 78 saylı Lerik Dairə Seçki Komissiyasından namizədliyi irəli sürülmüş İqbal Məmmədovun fəaliyyətinə kölgə salmaq istəyənlərin mənəviyyatı, keçmişi, bu günü kölgəlidir, əxlaqı ləkəlidir. Rəhbərliyin tutduğu yol isə çox aydın və düzdür. Məramı, məqsədi cənab Prezidentin sərəncam, tapşırıq, göstəriş və tövsiyələrini məsuliyyətlə icra etməklə rayon əhalisinə xidmət göstərməkdir. Nəticələr isə göz qabağındadır .
İqbal Məmmədov 20 Yanvar faciəsinin 30-cu ildönümü ilə əlaqədar Qarabağ müharibəsi əlilləri, şəhid ailələrinə baş çəkərək onları narahat edən məsələlərlə tanış olur
Yeni Azərbaycan Partiyasının 78 saylı Lerik Dairə Seçki Komissiyasından namizədliyi irəli sürülmüş İqbal Məmmədov 20 Yanvar faciəsinin 30-cu ildönümü ilə əlaqədar Qarabağ müharibəsi əlilləri, şəhid ailələrinə baş çəkərək onları narahat edən məsələlərlə tanış olur. İ.Məmmədov həmişəki kimi xeyriyyəçilik adət- ənənələrinə sadiq qalaraq, baş çəkdiyi şəhid ailələrinə və Qarabağ əlillərinə ərzaq bağlamaları təqdim edir. Lerikdə hamı gözəl bilir ki, İ.Məmmədov hər zaman bu adət-ənənəsinə sadiqdir. Bütün milli və dini bayramlarda şəhid ailələrinə, Qarabağ müharibəsi əlillərinə və imkansız ailələrə daim dəstək olmuşdur.
Bu gün İqbal Məmmədov bu adət-ənənəsinə sadiq olaraq Lerik rayonunun Blaband, Osnağakücə, Ambu, Perzəkücə, Şinəband və Cəngəmiran kəndlərində şəhid ailələri, Qarabağ müharibəsi əlilləri ilə evlərində görüşlər keçirmiş, onları dinləyərək problemləri ilə yerində tanış olmuş, ailələrə ərzaq bağlamaları təqdim etmişdir. Onun bu xeyirxah hərəkəti şəhid ailələri və Qarabağ müharibəsi ailələri tərəfindən rəğbətlə qarşılanmışdır.
