ABŞ Mərkəzi Komandanlığının (CENTCOM) rəhbəri Cozef Votel Nümayəndələr Palatasının Silahlı Xidmətlər Komitəsi terrorizm və İranla bağlı açıqlama verib. Suriyadakı hadisələri də dəyərləndirən general Votelə Türkiyə mövzusunda da suallar verilib.
AZTB.info xəbər verir ki, Suriyada YPG-yə və digər ünsürlərə dəstək mövzusunda verilən bir suala Votel bu cür cavab verib:
“Kürd ortaqlarımızın da tərkibində olduğu Suriya Demokratik Qüvvələri İŞİD-ə qarşı ən təsirli gücdür. Bu müharibəni tamamlamaq üçün onlara ehtiyacımız var. Prinsipcə, ilk olaraq bu işi həll etməliyik. Digər tərəfdən, Türkiyənin qayğılarını da nəzərə almaq məcburiyyətindəyik. Ona görə də, bu prosesdə Türkiyəyə qarşı mükün qədər açıq və şəffaf olmağa davam edəcəyik”.
Votel onu da qeyd edib ki, rəsmi Vaşinqton və Ankara arasında yaşanan gərginliyin əsas səbəbi Türkiyənin terror təşkilatı PKK ilə YPG arasında heç bir ayrı-seçkilik etməməsidir.
