İsveçin Trelleborq şəhərində bir market silahlı hücuma məruz qalıb.
Açılan atəş nəticəsində ən azı 7 nəfər xəsarət alıb. Bu barədə xəbəri İsveçin dövlət televiziyası yayıb. Xəbərdə bildirilir ki, ölkənin cənubundakı Trelleborq şəhərində silahlı insident baş verib.
Polisin mətbuat xidməti isə hücum nəticəsində 4 nəfərin yaralandığını bildirib. Xəstəxanada müalicə olunan yaralıların vəziyyəti barədə heç bir məlumat verilməyib.
İsveç televiziyasına xəbər verən hadisə şahidi bildirib ki, 6 dəfə atəş səsi eşidilib. Bir çox insan qurtulmaq üçün ətrafa səpələnib.
