Ağcabədi Rayon İcra Hakimiyyəti Başçısının ali məktəblərə qəbul olmuş tələbələrlə görüşü keçirildi
Qızılsaray” şadlıq sarayında 2018-2019- cu tədris ilində ali məktəblərə qəbul olan məzunlarla Rayon İcra Hakimiyyətinin başçısı cənab Şahin Məmmədovun görüşü keçirilmişdir.
Tədbirdə məktəb direktorları, müəllimlər, ali məktəblərə qəbul olan məzunlar ,onların valideynləri və digər məktəblilər dəvət olunmuşdur. Tədbir İştirakçıları əvvəlcə Rayon İcra Hakimiyyəti binası qarşısında ucaldılmış Ulu Öndər Heydər Əliyevin abidəsi önünə tər çiçək dəstələri qoyaraq, onun xatirəsini yad etdilər. Daha sonra tələbələr Rayon Heydər Əliyev Mərkəzinin qarşısında xatirə şəkli çəkdirdilər.
Tədbir şəhər ərazisində yerləşən “Qızılsaray” şadlıq sarayında davam etdirilmişdir. Tədbiri RİHB-nın müavini- İctimai-siyasi və humanitar məsələlər şöbəsinin müdiri Naibə Mustafayeva tədbiri açıq elan etdikdən sonra ,Azərbaycan Respublikasının Dövlət himni səsləndi .Daha sonra rayon Təhsil şöbəsinin müdiri İsmayıl Həsənovnatiq çıxış edərək bütün abituriyent adını qazanan məzunları təbrik etdi və ölkəmizdə təhsilə günü – gündən artan dövlət qayğısından danışdı. Qeyd etdi ki,bu il Ağcabədi camaatı 449 nəfər məzunumuzun tələbə adını qazanması sevincini yaşayır. Bu il ali məktəblərə qəbul olan abituriyentlərdən 11 nəfəri 600-700 arası ,41 nəfər isə 500-600 arası bal toplamışdır. Ümumilikdə 2018-2019-cu tədris ili rayonumuz üçün uğurlu il olmuşdur. Belə ki, Respublika üzrə keçirilən fənn olimpiadalarında Ağcabədi şəhər M.F.Axundov adına 3 saylı məktəb-liseyinin 11-ci sinif şagirdi Mamedov Anar Elşən oğlu tarix fənni üzrə 29 bal toplayaraq qızıl medal,Cəfərbəyli kənd tam orta məktəbin 10-cu sinif şagirdi Cəfərov Rəvan Əli oğlu tarix fənni üzrə 28 bal toplayaraq qızıl medal,Müşfiq Uluxanov adına Sarıcalı kənd tam orta məktəbin 11-ci sinif şagirdi Hüseynova Yağmur Azər qızı 2019-cu ildə Respublika üzrə keçirilən fənn olimpiadalarında tarix fənni üzrə 22 bal toplayaraq gümüş medala və orta məktəbi əla qiymətlərlə qurtardığına görə Azərbaycan Respublikası Təhsil Nazirinin əmri ilə Qızıl medala layiq görülmüşdür.26.06.2019-cu il tarixdə Ağdaş şəhərində keçirilən Respublika turnirində Ü.Hacıbəyov adına Ağcabədi şəhər 7 nömrəli tam orta məktəbin 6-cı sinif şagirdi Yusifzadə Rüfət Elnur oğlu riyaziyyat fənni üzrə müsabiqədə 2-ci yer tutaraq gümüş medala layiq görülmüşdür.
Daha sonra respublika fənn olimpiadasında “Gümüş” medala, orta məktəbi əla qiymətlərlə bitirdiyinə görə “Qızıl” medala layiq görülmüş M.Uluxanov adına Sarıcalı kənd tam orta məktəbin məzunu, 683 balla Azərbaycan Respublikası Prezidenti yanında Dövlət İdarəçilik Akademiyasına daxil olmuş Hüseynova Yağmur Azər qızı, respublika fənn olimpiadasının “Qızıl” medalçısı M.F.Axundov adına şəhər 3 nömrəli məktəb-liseyin məzunu, 664 balla Bakı Dövlət Universitetinə daxil olmuş Mamedov Anar Elşən oğlu, Şahsevən kənd tam orta məktəbin məzunu, 631 balla Azərbaycan Dillər Universitetinə daxil olmuş Hacıyeva Çinarə Fehruz qızı,Namiq Abdullayev adına Avşar kənd 2 nömrəli tam orta məktəbin məzunu, 618 balla Azərbaycan Tibb Universitetinə daxil olmuş Ələkbərzadə Könül Elşən qızı, Cəmil Quliyev adına Təzəkənd kənd tam orta məktəbin məzunu, 615 balla Bakı Dövlət Universitetinə daxil olmuş İsmayılova Qaratel Nizami qızı,Hikmət Əliyev adına Boyat kənd tam orta məktəbin məzunu, 629 balla Bakı Dövlət Universitetinə daxil olmuş Sadıqova Aysun Seymur qızının valideyni Sadıqov Seymur Söhrab oğlu çıxış edərək tələbə adını qazanan bütün gəncləri təbrik edib,təhsilə göstərilən qayğıya görə ölkə Prezidenti cənab İlham Əliyevə və rayon rəhbərliyinə minnətdarlıqlarını bildirdilər.
Tədbirdə iştirak edən Azərbaycan Respublikasının Millət Vəkili Tahir Rzayev tələbə adını qazanan məzunları təbrik edərək ,onlara gələcək tələbəlik həyatında uğurlar arzuladı.
Yekunda tələbələri təbrik edən Ağcabədi Rayon İcra Hakimiyyətinin Başçısı Şahin Məmmədov ilk öncə respublikanın müxtəlif ali məktəblərinə qəbul olmuş, tələbə adını qazanmış hər bir gənci salamladı və onlara qədəm qoyduqları bu yolda uğurlar arzuladı. Rayon rəhbəri onu da qeyd etdi ki, 2019-cu ildə 2006- cı ilə nisbətən ali məktəblərə qəbul sayının artması həm rayonumuzda təhsilə olan marağın güclənməsindən, inkişafından, həm də dövlətimizin təhsilə, gələcəyimiz olan siz gənclərə diqqət və qayğısının gündən – günə daha da artırılmasından irəli gəlir.
Yekunda rayon rəhbəri bir daha tələbə adını qazanmış gəncləri, yüksək bal toplayıb fərqlənənləri və valideynləri təbrik etmiş, bu gözəl sevincin hər bir ailəyə qismət olmasını, get – gedə daha da çoxalmasını qeyd etmişdir.
Tədbirin yekununda 600- 700 arası bal toplayan tələbələrə Rayon İcra Hakimiyyəti Başçısının fəxri fərmanı və hədiyyələri təqdim olunmuşdur.
Bir neçə gün bundan əvvəl təsadüfən hansısa saytda “Ağcabədidə növbəti üsyan anonsu: RİH başçısı əhalini dövlətdən narazı salır”... başlıqlı yazısına rast gəldim. Əvvəla bunu yazan jurnalist həmkarımız bilməlidir ki, yazıya bu cür başlıq verməklə onlar xalqı üsyana qaldırmaq üçün bir növ təbliğat aparırlar. Bu da Azərbaycan Respublikasının qanunlarına əsasən cinayət sayılır. Nə isə yazını oxuduqdan sonra Ağcabədi Rayon İcra Hakimiyyətinin İnformasiya təminatı və təhlil sektoru ilə telefon əlaqəsi saxladım. İcra Hakimiyyətindən bildirdilər ki, yazıda qeyd olunanlar həqiqətə uyğun deyildir. Tamamilə şər-böhtandan ibarət şantaj xarakterli yazıdır. O yazını hazırlayan jurnalist əslində heç Ağcabədidə olmayıb. Əgər o bircə dəfə Ağcabədidə olsa idi, reallığı öz gözləri ilə görərdi. Biz onu dəvət elədik Ağcabədiyə gəlsin görsün sonra yazsın. Əslində o yazıya görə biz onu məhkməyə də verə bilərik.
Mən Ağcabədi rayonunu, orada çalışanları yaxşı tanıyıram. Əlaqəm də möhkəmdir, müntəzəmdir. Hər kəs iş başındadır, vəzifəsinin icrasındadır. Hər kəsin haqqı özünə çatır. Kimsə harasa gedəcəksə, öz rəhbərindən icazə alacaq. Hansısa bir sayt rəhbərindən yox.
Bir balaca ağıl sahibi olan adam bu qədər dayaz düşüncə məhsulunu ortaya qoymaz.
Bir də qeyd etməyi vacib sayıram ki, cızmaqaraçılar nə vaxtdan Ağcabədinin təəssübünü çəkən olublar? Öz valideyinlərində gördüklərini başqalarının ünvanına yaxmağa kim onlara ixtiyar verib?
Bu qədər şər və böhtanın saytlarda yerləşdirilməsinin məqsədi hər bir ağıllı insana bəllidir. Haqqı danana haqq da divan tutacaq.
****
Ölkəmizdə prezident cənab İlham Əliyev tərəfindən uğurla həyata keçirilən regionların sosial-iqtisadi inkişafına dair dövlət proqramı, habelə uğurlu kadr islahatları şəhər və rayonlarımızın, yaşayış məskənlərimizin tamamilə yeni libas almasına, inkişaf və tərəqqisinə rəvac verib
Prezidentin sərəncam, tapşırıq, göstəriş və tövsiyələrini məsuliyyətlə icra edən Şahin Məmmədov
Belə rayonlardan biri də Ağcabədidir. Ağcabədi rayonu son illər ərzində özünün tərəqqisində böyük nailiyyətlərə imza atıb, keyfiyyətcə yeni inkişaf mərhələsinə qədəm qoyub. Həmin prosesin rayonun İcra Hakimiyyəti başçısı Şahin Məmmədovun rəhbərliyi dövründə yüksələn xətt üzrə davam etməsini yaxından müşahidə edirik.
Prezidentin sərəncam, tapşırıq, göstəriş və tövsiyələrini məsuliyyətlə icra edən Şahin Məmmədov
Qurub-yaratmağı özünə həyat amalı və məsləki еtmiş bir şəxsin Ağcabədi Rayon İcra Hakimiyyəti təyin olunanda bu günki infişafı yenidənqurmanı təsəvvur etmək heçnə çətin deyildi. İstənilən rəhbər şəxs üçün etimad və güvən ilkin şərtlərdəndir və bu uğurun açarı hesab olunur. Rayon əhalisinin sevgisi və etimadını qazanan rəhbər şəxslərin bir qayda olaraq uğur qazanması təbii qanunauyğunluq sayılmalıdır. Dövlətin, rayon əhalisinin güvən və etimadını qazanmış, qısa müddət ərzində fəaliyyəti ilə bunun heç də təsadüfi olmadığını təsdiqləmiş belə məmurlardan biri isə Ağcabədi rayon icra hakimiyyətinin başçısı Şahin Məmmədovdur. Xatırladaq ki, Dövlət başçısı cənab İlham Əliyevin 26 dekabr 2005- ci tarixli sərancamı ilə Məmmədov Şahin Kərim oğlu Ağcabədi Rayonu İcra Hakimiyyətinin başçısı vəzifəsinə təyin olunub. Prezidentin məlum sərəncamı həm də Ağcabədi rayonunun sosial-iqtisadi tərəqqisinə təkan vermək, islahatları bir qədər də dərinləşdirmək məqsədi daşıyırdı. Bütün bu işlərin Ağcabədidə reallaşdırılması üçün məhz Şahin Məmmədovun seçilməsi isə hər şeydən öncə ona göstərilən böyük etimadın, inamın təzahürü idi. Ötən müddət ərzində Şahin Məmmədovn sıravi Ağcabədilər tərəfindən müsbət xarakterizə edilməsi, onların yeni icra başçısına böyük ümidlər bəsləməsi isə onun həm də rayon əhalisindən böyük dəstək aldığını düşünmək üçün əsaslar yaradır.
