Azərbaycan Dövlət Dəniz Administrasiyasının (ARDDA) rəisi Qüdrət Qurbanov, vəzifəsinin icrasına başladığı gündən ARDDA sahəsində köklü islahatlar aparılmasına səy göstərir. Indi aparılan islahatlarda Dövlət Dəniz Administrasiyası qabaqcıl ölkələrin dəniz nəqliyyatı sahəsində təcrübəsinin öyrənilməsi və bu təcrübənin ölkəmizdə tətbiqinə xüsusi diqqət yetirir. Azərbaycan Dövlət Dəniz Administrasiyasının (ARDDA) rəisi Qüdrət Qurbanov, Azərbaycanın dəniz nəqliyyatı komplekslərində yük və sərnişin daşımalarının təşkilində səmərəliliyin artırılması, infrastrukturun yenidən qurulması, bu sahədə müasir texnologiyaların tətbiqi, dəniz nəqliyyatı sahəsində həyata keçirilən məqsədyönlü və uğurlu siyasətin ölkəmizdə bu sahənin getdikcə daha da inkişaf etməsi üçün əlindən gələni edir. Qeyd edim ki, ölkə iqtisadiyyatımızın inkişafında böyük rol oynayan zəhmətkeş peşə sahibləri – dənizçilərin sosial rifahının, əlverişli yaşayış və əmək şəraitinin yaxşılaşdırılması məsələlərinin Azərbaycan Dövlət Dəniz Administrasiyasının (ARDDA) rəisi Qüdrət Qurbanov tərəfindən daim diqqət mərkəzində saxlanılır . Bu isə biz jurnalistləri çox sevindirir. Dövlət Dəniz Administrasiyasınin rəisi və rəis müavinləri Azərbaycan Respublikası Prezidentinin Sərəncamı ilə vəzifəyə təyin edilir. Dövlət Dəniz Administrasiyasının ştatı 48 nəfərdən ibarətdir. Administrasiyada çalışanların əksəriyyəti müvafiq sahədə böyük staja və təcrübəyə malik yüksək ixtisaslı mütəxəssislərdir. Administrasiya öz fəaliyyətində Azərbaycan Respublikasının Konstitusiyasını, Azərbaycan Respublikasının qanunlarını, Azərbaycan Respublikası Prezidentinin Fərman və Sərəncamlarını, Azərbaycan Respublikası Nazirlər Kabinetinin qərar və sərəncamlarını, Azərbaycan Respublikasının tərəfdar çıxdığı beynəlxalq müqavilələri və “Azərbaycan Respublikasının Dövlət Dəniz Administrasiyası haqqında Əsasnamə”ni rəhbər tutur.
Bu sahəyə diqqət və qayğı bu gün Ümummilli Liderin layiqli davamçısı Prezident İlham Əliyev tərəfindən uğurla davam etdirilir. Bu diqqət və qayğının nəticəsidir ki, hazırda donanmada sərnişin bərələri, ro-ro tipli gəmilər, neft tankerləri, quru yük gəmiləri, boru kəməri çəkən, elmi-tədqiqat, qəza-xilasetmə, yedək və dalğıc gəmiləri, torpaqqazan və həmçinin analoqu olmayan iritonnajlı kran gəmiləri mövcuddur. Bu da ölkəmizi həqiqətən qüdrətli dəniz dövləti hesab etməyə əsas verir.
Ulu öndər Heydər Əliyev siyasi və dövlət xadimi kimi zəngin fəaliyyəti Azərbaycan xalqının tarixində dərin iz buraxaraq, əsl dövlət idarəçiliyi məktəbinə çevrilmişdir. Azərbaycan xalqının hələ neçə–neçə nəsli bu böyük məktəbdən, ümummilli lider Heydər Əliyevin zəngin siyasi irsindən ölkəmizin inkişafı, xalqımızın rifahı naminə faydalanacaqdır. Heydər Əliyevin irsi gələcək nəsillər üçün zəngin xəzinə olacaqdır.
