“Neftçi”nin uğursuz nəticələri komandanın azarkeşlərini bezdirib.
Futbol11.az xəbər verir ki, bakılıları dəstəkləyən “Forza Netçi” fan-klubunun üzvləri bu səbəbdən 4 gün əvvəl klubun bazasına yollanaraq komanda üzvləri ilə görüşüblər.
Görüş zamanı fan-klub üzvləri futbolçulara iradlarını bildiriblər. Onlar hazırkı uğursuzluğun “Neftçi”yə yaraşmadığını, “Qəbələ”yə 0:8 hesablı məğlubiyyətin qruplaşma nəticəsində qeydə alındığını söyləyiblər. Azarkeşlər belə halın qeydə alındığını, oyun satdıqlarını bilsələr, həmin futbolçuların başını kəsəcəklərini qeyd ediblər.
