Müsavat Partiyası sentyabr ayında mitinq keçirməyi planlaşdırır.
Partiyanın Mərkəzi İcra Aparatının rəhbəri Gülağa Aslanlı “Report”a açıqlamasında deyib ki, mitinqin keçirilməsi ilə bağlı qərar qəbul olunub və Mitinq Komitəsi yaradılıb.
G.Aslanlı mitinqin keçirilməsi ilə əlaqədar ölkədə fəaliyyət göstərən siyasi təşkilatlarla müzakirələr aparılacaq: “Müzakirələr mitinqin birgə təşkili üçün keçiriləcək. Aksiyaların referendumdan öncə və sonra keçirilməsi nəzərdə tutulub”.
Qeyd edək ki, Azərbaycanda ümumxalq səsverməsi (referendum) sentyabrın 26-da keçiriləcək. Mərkəzi Seçki Komissiyası (MSK) Müsavat Partiyasının yaratdığı “Respublika” referendum üzrə təşviqat qrupunu qeydə almaqdan imtina edib.
