İranın Rusiyaya raket tədarükü Tehrana qarşı bütün mövcud təzyiq alətlərindən istifadəyə səbəb olacaq.
Bu sözləri Ukrayna xarici işlər naziri Dmitri Kuleba BƏƏ mediasına müsahibəsində deyib.
“İran Rusiyanın şəhərlərimizi vurması üçün ona dronlar verir. Həmçinin eşitmişik ki, Rusiya və İran müəyyən növ raketlərin alınması ilə bağlı danışıqlar aparır. Diqqətlə bu prosesi izləyirik. Bu, İranın keçməməsi gərəkdiyi qırmızı xətt olacaq. Əks halda, İranın bunu dayandırması üçün təzyiq alətlərindən istifadə ediləcək”, - deyə XİN rəhbəri bildirib.
