UNEC ilə M.Auezov adına Cənubi Qazaxıstan Dövlət Universiteti arasında əməkdaşlıq müqaviləsi imzalanıb
Qazaxıstan və Azərbaycan arasında diplomatik münasibətlərin qurulmasının 30-cu ildönümü çərçivəsində Bakıda M.Auezov adına Cənubi Qazaxıstan Dövlət Universiteti ilə Azərbaycan Dövlət İqtisad Universiteti (UNEC) arasında elmi və təhsil əlaqələrinin qurulması məqsədilə görüş baş tutub.
Görüşdə M.Auezov adına Cənubi Qazaxıstan Dövlət Universitetinin rektoru xanım Daria Qojamjarova ilə UNEC-in rektoru Ədalət Muradov arasında təhsil, elm və tədqiqat sahəsində əməkdaşlıq müqaviləsi imzalanıb.
Vətən Müharibəsi Qəhrəmanına UNEC-in diplomu təqdim olundu
Azərbaycan Dövlət İqtisad Universitetinin (UNEC) rektoru professor Ədalət Muradov UNEC-in məzunu, Vətən Müharibəsi Qəhrəmanı Kamran Şıxəliyevlə görüşüb.
UNEC Qiyabi və Əlavə Təhsil Mərkəzinin Biznesin idarə edilməsi ixtisasını bitirən Kamran Şıxəliyev 44 günlük Vətən müharibəsində Füzuli, Cəbrayıl, Xocavənd, Şuşa uğrunda döyüşlərdə iştirak edib və 5 medala layiq görülüb.
Rektor Ədalət Muradov UNEC məzunu təbrik edərək, diplomu ona təqdim edib.
