Zakir Fərəcov “Son zəng” tədbirində iştirak edib
Sumqayıt şəhər İcra Hakimiyyətinin başçısı Zakir Fərəcov 1 nömrəli tam orta məktəbdə keçirilən son zəng tədbirində iştirak edib.
Tədbirdə iştirak edən Sumqayıt şəhər İcra Hakimiyyətinin başçısı Zakir Fərəcov məktəbin müəllim və şagird kollektivini, eləcə də valideynləri təbrik edərək bildirib ki, ümummilli lider Heydər Əliyevin Azərbaycanda təhsilin inkişafına göstərdiyi yüksək diqqət və qayğı bu gün Prezident İlham Əliyev tərəfindən uğurla davam etdirilir.
Şəhər rəhbəri qeyd edib ki, son illər qazanılan bütün uğurlar cənab Prezident İlham Əliyevin təhsilin inkişafı ilə bağlı həyata keçirdiyi düşünülmüş və məqsədyönlü siyasətin, birinci vitse-prezident Mehriban xanım Əliyevanın təhsil sahəsində gördüyü işlərin və dövlətimizin bu sahəyə xüsusi diqqətinin nəticəsi kimi dəyərləndirilməlidir.
Vurğulanıb ki, ötən dövr ərzində Sumqayıt şəhərində təhsil infrastrukturunun yaradılması istiqamətində də mühüm işlər görülüb. Son bir il ərzində şəhər ərazisində 3 məktəb tikilərək istifadəyə verilib. 1 nömrəli tam orta məktəb də Prezident İlham Əliyevin sərəncamı ilə sökülərək yerində müasir məktəb tikilib.
Sumqayıt şəhərində KOB Fest sərgi-satış yarmarkası keçirilib
Nəsimi Parkında təşkil olunan “KOB Fest”də Sumqayıt şəhəri və ətraf rayonlardan olan 70-ə yaxın mikro və kiçik sahibkarlıq subyektinin 1000-dən çox adda qida və qeyri-qida məhsulları, eləcə də sənətkarların və yaradıcı şəxslərin əl işləri təqdim edilib və satılıb. Yarmarkada yerli istehsal ilə yanaşı, təhsil, informasiya texnologiyaları, maliyyə və digər sahələrdə xidmət göstərən KOB subyektlərinin xidmətləri sərgilənir. Eyni zamanda “KOB Fest” çərçivəsində mədəni-əyləncəli proqram təşkil olunub.
Yarmarkada Sumqayıt şəhər İcra Hakimiyyətinin başçısı Zakir Fərəcov, Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov, millət vəkili Müşviq Məmmədli və digərləri çıxış edərək tədbirin Sumqayıt şəhəri və ətraf rayonlardan olan KOB subyektləri tərəfindən istehsal olunan məhsulların tanıdılması, satışına dəstək olmaq, eləcə də istehsalçılar və təchizatçılar arasında əlaqələrin genişləndirilməsi baxımdan əhəmiyyətli oldğunu bildiriblər.
Qeyd edək ki, KOBİA-nın təşkilatçılığı ilə Sumqayıt şəhərində keçirilən KOB Fest sərgi-satış yarmarkası sayca beşincidir və saat 20.00-dək davam edəcəkdir. Bundan əvvəl “KOB Fest” Bakı, Şəmkir, Gəncə və Lənkəran şəhərlərində təşkil edilib. Bu yarmarkalarda 300-dən çox mikro və kiçik sahibkarlıq subyekti məhsul və xidmətlərini təqdim ediblər. Növbəti “KOB Fest”in iyunun 18-də Quba şəhərində, iyul ayında isə Şəki şəhərində keçirilməsi planlaşdırılır.
Sumqayıtda növbəti səyyar görüş keçirilib
Sumqayıt şəhər İcra Hakimiyyətinin başçısı Zakir Fərəcov təsdiq olunmuş qrafikə əsasən şəhərin 18-ci mikrorayon ərazisində səyyar qəbul keçirib.
Səyyar qəbulda aidiyyəti idarə, müəssisə və təşkilatların rəhbərləri iştirak edib. Vətəndaşların təklif, müraciət və şikayətləri şəhər rəhbəri tərəfindən dinlənilib. Qaldırılan məsələlərin bir qismi yerindəcə həll olunub, araşdırılmasına ehtiyac olan bir sıra məsələlərin isə qanunvericiliyə uyğun, operativ həlli üçün müvafiq struktur rəhbərlərinə tapşırıqlar verilib.
Şəhər rəhbəri ilə görüşən sakinlər Sumqayıtda həyata keçirilən abadlıq- quruculuq və yenidənqurma işlərindən razılığını ifadə ediblər, onların müraciətlərinə xüsusi diqqətlə yanaşıldığına görə şəhər rəhbərliyinə öz minnətdarlıqlarını bildirdilər.
Qeyd olunub ki, Sumqayıt şəhərində davamlı olaraq vətəndaşlarla görüşlər keçirilir, onların müxtəlif məsələlərlə bağlı müraciətlərinin, ərizə və şikayətlərinin həll olunması üçün tədbirlər görülür.