Heydər Əliyev Sarayında Mədəniyyət günlərinin açılış mərasimi olacaq
Mayın 12-13-də Azərbaycanda ilk dəfə Dağıstan Mədəniyyət günləri keçiriləcək.
Bu barədə TASS-a Dağıstan rəhbəri və hökumətinin mətbuat xidmətində bildiriblər.
Məlumata görə, tədbirdə iştirak etmək üçün Azərbaycana Dağıstan lideri Ramazan Abdulatipovun rəhbərliyi altında heyət gəlib.
Mayın 12-də Heydər Əliyev Sarayında Mədəniyyət günlərinin açılış mərasimi olacaq.
Dağıstan günləri çərçivəsində Ramazan Abdulatipovun Azərbaycanın iqtisadi inkişaf naziri Şahin Mustafayev və işgüzar dairələrin nümayəndələri ilə görüşləri planlaşdırılıb.
Mayın 13-də Dağıstan Mədəniyyət günləri Xaçmaz və Qusarda davam edəcək.
