Sumqayıt Dövlət Universitetinin əməkdaşları İspaniyada təlimdə iştirak etdilər
Sumqayıt Dövlət Universitetinin əməkdaşları Avropa Komissiyasının maliyyələşdirdiyi ERASMUS+EQAC “Azərbaycan universitetlərində keyfiyyət təminatı mərkəzlərinin yaradılması və inkişaf etdirilməsi” layihəsi çərçivəsində Alikante Universitetində təlimdə iştirak etdilər.
İyunun 3-dən 7-dək davam edən təlimdə Təhsil Nazirliyinin, Azərbaycanın 11 universitetinin və Avropanın 4 universitetinin nümayəndələri təmsil olundular.
Təlim universitetlərin Avropa standartlarına uyğun SWOT təhlilinin aparılması, tədris proqramlarının yazılması, İspaniyanın Milli Keyfiyyət təminatı sistemi və təcrübəsi, effektiv qiymətləndirmə, universitetlərin əsas fəaliyyət göstəriciləri, innovativ tədris-təlim və akkreditasiya mövzularına həsr edildi.
Sumqayıt Dövlət Universiteti tərəfindən təlimlərdə tədrisin təşkili və təlim texnologiyaları üzrə prorektor dosent Natiq Talıbov, iqtisadiyyat və idarəetmə fakültəsinin dekanı dosent Aynura Yəhyayeva, proseslərin avtomatlaşdırılması kafedrasının müdiri professor Cavanşir Məmmədov, beynəlxalq əməkdaşlıq şöbəsinin müdiri Samirə Məmmədova və Azərbaycan dili və onun tədrisi metodikası kafedrasının laborantı Nihad Hüseynov iştirak etdilər.
Elxan Hüseynov 1 yanvar 1948-ci ildə Gəncə şəhərində anadan olub
2013-cü ilin dekabr ayında Sumqayıt Dövlət Universitetinin tədris işləri üzrə prorektoru vəzifəsinə təyin olunmuşdur. Həmçinin, SDU-nun rektoru vəzifəsinin icrası müvəqqəti olaraq ona həvalə edilmişdir.
5 mart 2014-cü il tarixində Azərbaycan Prezidenti İlham Əliyevin sərəncamı ilə Sumqayıt Dövlət Universitetinin rektoru təyin edilib.
Sumqayıt Dövlət Universiteti və ya qısaca SDU — Azərbaycanın Sumqayıt şəhərində yerləşən və Azərbaycan Respublikası Təhsil Nazirliyinin tabeliyində olan ali təhsil müəssisəsidir.
Universitetin son bir ilinə nəzər salsaq görərik ki, fəaliyyətimizdə ürəkaçan yeniliklər baş vermişdir. Qazanılan nailiyyətlərin kökündə isə elmimizə, təhsilimizə göstərilən dövlət qayğısı durur. Xalqımızın əbədiyaşar oğlu, dahi şəxsiyyət Heydər Əliyev bütün dövrlərdə bu sahənin inkişafına daim diqqət yetirmiş, milli kadr hazırlığına böyük önəm vermişdir.
Ulu öndərdən sonra onun siyasi kursunu bütün sahələrdə inamla davam etdirən möhtərəm prezidentimiz İlham Əliyevin son onillikdə elmin, ali təhsilin inkişafı, mövcud problemlərin həlli istiqamətində həyata keçirdiyi məqsədyönlü tədbirlər SDU-nun fəaliyyətinin müasir səviyyədə qurulmasına və inkişafına təkan vermişdir. Dövlət başçısının 2013-cü il 24 oktyabr tarixli sərəncamı ilə təsdiq edilmiş “Azərbaycan Respublikasında təhsilin inkişafı Dövlət Strategiyası” bilavasitə ölkəmizdə qabaqcıl texnologiyalara əsaslanan müasir təhsil sisteminin yaradılması üçün başlıca istiqamətləri müəyyənləşdirmişdir.
Dünyanın, eləcə də Avropa ölkələrinin universitetlərinin əksəriyyəti nəzəri biliklərdən çox, təcrübəyə daha çox diqqət yetirirlər. Ölkə prezidentinin 4 may 2009-cu il tarixli sərəncamı ilə təsdiq edilmiş “Azərbaycan Respublikasında 2009-2016-cı illərdə elmin inkişafı üzrə Milli Strategiya ” elmi-texniki infrastrukturunun modernləşdirilməsi, elmin, təhsilin və istehsalatın inteqrasiyasının təmin edilməsi, innovasiya fəaliyyəti infrastrukturunun inkişaf etdirilməsi, o cümlədən texnoparkların, texnoloji mərkəzlərin genişləndirilməsi əsas vəzifə kimi qarşıya qoyulub.
Onu da qeyd edək ki, əmək bazarı öyrənilməklə pedaqoji və mühəndis kadrları hazırlayan yeni ixtisaslar yaradılmışdır.
Xarici dil, riyaziyyat və informatika, tarix və coğrafiya, ibtidai sinif, məktəbəqədər təlim və tərbiyə, kompüter elmi üzrə ixtisaslara tələbə qəbulu həyata keçirilmişdir. Bundan əlavə dörd fakültədə rus dili ixtisasları açılmışdır.
Tələbələrin bilik səviyyəsini, tədrisin stimulunu artırmaq üçün addımlar atılır. Bu məqsədlə tələbələrlə qarşılıqlı iş qurulur. Dövlət başçısının Tələbə Elmi Cəmiyyətinin fəaliyyətinin artırılmasına dair imzaladığı müvafiq sərəncama cavab olaraq tədbirlər planı hazırlanmışdır. Bu ilki tədris ilindən başlayaraq bu işi uğurla davam etdirəcəyik.
Təhsil Nazirliyinin bu sahəyə göstərdiyi diqqət və qayğını, köməkliyi xüsusilə qeyd etmək istəyirik. Nazirliyin xətti ilə qısa vaxt ərzində bir çox layihələr həyata keçirilmiş, proqramlar hazırlanmışdır. “Sabahın qrupları” layihəsi buna əyani misaldır. Qrup sabahı düşünən, elimi, təhsili idarə etməyi bacaran tələbə gəncləri öz ətrafında birləşdirir.
Pedaqoji kadr hazırlığı üstünlük təşkil etdiyindən tədrisin müasir səviyyədə qurulması və gələcək müəllimlərin də bu səviyyədə yetişməsinə ciddi yanaşılır. Bildiyimiz kimi, orta məktəblərdə təhsilin bütün pillələri üzrə kurikulumların inkişafı hədəf kimi əhatə olunur. Artıq VII siniflərə qədər tədris bu sistemlə aparılır. Növbəti illərdə isə bu sistemə qoşulma prosesi sürətləndiriləcəkdir. Bir neçə pedaqoji ixtisası birləşdirən tədris-metodika kafedralarımız vardır. Təhsil nazirliyinin yaxından köməkliyi ilə ixtisas müəllimləri üçün bir aylıq kurslar təşkil elədik və onlara sertifikatlar verildi. Metodikanın dərindən öyrənilməsində nəzəri biliklərlə yanaşı praktika da vacibdir.
Qısa zaman kəsiyində təhsil ocağında yüksək tələblərə cavab verən, dünya əmək bazarına çıxa biləcək kadr hazırlamaq üçün sanballı işlər görülmüşdür. Artıq yüksək texniki tələblərə cavab verən və Avropa təhsil sisteminin standartlarına uyğun gələn laboratoriyalar təşkil olunub. Hazırda universitetin mühəndislik fakültəsində TEMPUS layihələri üzrə də laboratoriyalar yaradılıb və yüksək avadanlıqlarla təchiz olunub. Bundan başqa, 37 auditoriyada proyektorlar quraşdırılıb, elektron lövhələr yerləşdirilib. Bunlar həm vaxta qənaətin, həm də tədrisin keyfiyyətinin yüksək səviyyəsini göstərir.
SDU-da təhsil sisteminin informasiyalaşdırılması istiqamətində də ciddi işlər görülür. Sürətli internet şəbəkəsinə qoşulma imkanı tələbə və müəllimlərin tədrisin prosesində yeni texnologiyalarla təhsil almasına, normativləşməsinə şərait yaradır. Tədris laboratoriyalarının modernləşdirilməsi “LABVieW” proqramı ilə işləyən laboratoriyalar təşkil olunmuşdur.
SDU-nun rektoru Elxan Hüseynov beynəlxalq əlaqələr barəsində fikirləri: SDU-nun mühüm uğurlarından biri də onun beynəlxalq əlaqlərinin müasir dövrün tələblərinə uyğun qurulması və inkişaf etdirilməsidir. Bu sahədə əlaqələrin genişləndirilməsi məqsədilə bu ilin iyun ayında beynəlxalq əməkdaşlıq şöbəsi yaratmışıq. Şöbənin əsas fəaliyyət istiqaməti beynəlxalq elm, tədris proqramlarına qoşulmaq, müəllim və tələbələrin xarici ölkələrin aparıcı universitetlərində iştirakını təmin etməkdən ibarətdir.
Hazırda universitetimiz Avropa İttifaqının 4 TEMPUS layihəsində iştirak edir. Proqramda ən vacib işlərdən biri Azərbaycan üçün mühəndis təhsilində tədris prosesinin Boloniya prosesinə uyğunlaşdırılmasıdır. Burada məqsəd mühəndis ixtisasını Avropa standartlarına uyğunlaşdırmaq və onların sertifikatlarını almaqdan ibarətdir.
Avropa-Asiya və Xəzəryanı Dövlətlərin Universitetləri Assosiasiyalarına üzv qəbul olunmağımızla bağlı həmin qurumlara müraciət etmişik. Sentyabr-oktyabr aylarında keçiriləcək konfransda SDU-nun və Xəzəryanı Dövlətlərin Universitetləri Assosiasiyasına üzv seçilməsi gələcəkdə aparıcı elm və ali təhsil müəssisələri ilə təcrübə mübadiləsinin aparılmasına, iş birliyinin qurulmasına geniş imkanlar yaradacaqdır.
Universitetdə təmir və yenidənqurma işləri tam başa çatdırılmışdır. Auditoriyalar səliqəyə salınmış, texniki avadanlıqlarla təchiz olunmuşdur. Yeməkxana genişləndirilmiş və şəraiti yaxşılaşdırılmışdır. Bundan başqa, müəllim və tələbələri narahat edən bir çox məsələlər öz müsbət həllini tapmışdır. Fakültələrin komplektləşdirilməsi başa çatdırılmışdır. Tələbələrin bir korpusdan digər korpusa gedib-gəlmələrinin qarşısını almaq məqsədi ilə bu cür təşkilati işlər aparılmışdır. Bu da vaxt itkisinin qarşısını almaqla tədrisin səmərəliliyini artırır. Müəllim və tələbələr kompüter sistemindən də yararlana biləcəklər. Yeni qazanxana quraşdırmaqla istilik sistemi tam qaydaya salınmışdır. Sanitar qovşaqlar demək olar ki, yenidən qurulmuşdur.
Bu gün respublikamızda təhsilin, elmin inkişafı üçün geniş maddi-intellektual resurslar mövcuddur. Bundan səmərəli istifadə isə ölkə rəhbərinin müəyyənləşdirdiyi başlıca prioritetlərdən biridir. SDU-nun çoxsaylı professor-müəllim heyəti ürəkdən inanır ki, Azərbaycan xalqını firavan gələcəyə aparan bu siyasət nəticəsində milli kadr hazrlayan universitetimiz nüfuzlu ali məktəblərdən birinə çevriləcəkdir.
