İradə Gülməmmədova Elimxan Mehrəliyevi “Fəxri Fərman”la təltif etdi
Abşeron rayon İcra Hakimiyyətinin başçısı İradə Gülməmmədova rayon ərazisində çap olunan “Abşeron” qəzetinin baş redaktoru Elimxan Mehrəliyevlə görüşüb. E.Mehrəliyevin uzun illər rayonda müxtəlif vəzifələrdə çalışdığını, hər zaman işinə böyük məsuliyyət və tələbkarlıqla yanaşdığını qeyd edən İ.Gülməmmədova bildirib ki, baş redaktor özünün şəxsi keyfiyyətləri, işgüzarlığı və səmimiyyəti ilə abşeronluların hörmətini qazanıb. E.Mehrəliyevin daim gənclərin yetişməsinə önəm verdiyini, bu istiqamətdə bilik və bacarıqlarını onlardan əsirgəmədiyini qeyd edən başçı onun iti qələmi ilə vətəninə, dövlətinə xidmət etdiyini qeyd edib. Başçı onu da əlavə edib ki, E.Mehrəliyev öz şəxsi xahişi ilə “Abşeron” qəzetinin baş redaktoru vəsifəsindən getmək istədiyini bildirərək gənclərə yol açmağın tərəfdarı olduğunu qeyd edib.
Öz növbəsində E.Mehrəliyev bildirib ki, daim Rayon İcra Hakimiyyətinin qayğısını üzərində hiss edib. Hər zaman öz işini vicdanla həyata keçirməyə çalışdığını bildirən E.Mehrəliyev göstərilən diqqətə görə təşəkkürünü bildirib.
Sonra İ.Gülməmmədova E.Mehrəliyevi rayonun ictimai həyatında göstərdiyi səmərəli fəaliyyətinə görə Fəxri Fərmanla təltif edib.
Məlumat üçün bildirək ki, “Abşeron” qəzetinin baş redaktoru vəzifəsinə Şəhla Ağbulud təyin olunub.
İradə Gülməmmədova İctimai Şuranın bir neçə üzvü ilə görüşüb
Abşeron rayon İcra Hakimiyyətinin başçısı İradə Gülməmmədova RİH yanında fəaliyyət göstərən İctimai Şuranın bir neçə üzvü ilə görüşüb. Şuranın fəaliyyətinin daha da genişləndirilməsi, bu vaxta qədər görülən işlər və qarşıya qoyulan vəzifələrin öhdəsindən vaxtında gəlinməsi istiqamətində danışan İ.Gülməmmədova şəhid ailələrinin, qazilərin daimi olaraq diqqət mərkəzində saxlanılmasının vacibliyini qeyd edib. Azərbaycanın ərazi bütövlüyünün şəhidlərimizin, qazilərimizin, ümumilikdə bütün hərçilərimizin sayəsində təmin olunduğunu söyləyən başçı qeyd edib ki, hər birimiz onlara borcluyuq. Ali Baş Komandan, cənab Prezident İlham Əliyevin müdrik qərarları, qətiyyəti və uzagörən siyasəti nəticəsində Azərbaycan xalqının öz dədə-baba yurdlarına qovuşduğunu önə çəkən başçı dövlətimizin Qarabağda böyük quruculuq işlərinə başladığını qeyd edib.
Sonra İctimai Şuranın üzvləri onlara göstərilən etimadı doğrultmaq üçün çalışacaqlarını qeyd edərək gördükləri işlər haqqında məlumat veriblər.
Sonda İctimai Şuranın bir neçə üzvünə səmərəli fəaliyyətinə görə “Fəxri Fərman”lar verilib.
İradə Gülməmmədova əsaslı şəkildə yenidən qurulan Əbdüləli Mürsəlov küçəsinə baxış keçirdi
Abşeron Rayon İcra Hakimiyyətinin başçısı İradə Gülməmmədova Xırdalan şəhədində əsaslı şəkildə yenidən qurulan Əbdüləli Mürsəlov küçəsinə baxış keçirib. RİH başçısına bildirilib ki, sözügedən küçə Xırdalan şəhərinin qədimi hissəsinin əsas prospektlərindən biridir. Layihə çərçivəsində küçənin köhnə asfalt-beton örtüyünün üst qatı frezlənərək kənara daşınıb. Ümumilikdə ərazyə 6570 kvadratmetr asfalt örtüyü çəkiləcək.
Layihənin sonuncu mərhələsində kanalizasiya quyularının qapaqları yenilənəcək, yol kənarlarına yeni yağış barmaqlıqları yerləşdiriləcək, hərəkətin normal təşkili üçün yol nişanları və məlumatverici lövhələr quraşdırılacaq, yolcizgi və yolgöstərici xətlərinin, həmçinin piyada zolaqlarının çəkilməsi işləri aparılmaqla müasir yol infrastrukturu yaradılaraq vətəndaşların istifadəsinə veriləcək. Hazırda adı çəkilən küçədə asfaltlanma işləri aparılır. İşlərin vaxtında yekunlaşdırılması üçün əraziyə lazımi sayda canlı qüvvə və texnika cəlb edilib.
Layihə çərçivəsində işıq dirəkləri quraşdırılacaq və küçənin işıqlandırılması təmin ediləcək.
RİH başçısı həyata keçirilən işlərin vaxtında və keyfiyyətlə başa çatdırılması istiqamətində öz tapşırıqlarını verib.
Sonra sakinlərlə görüşən İ.Gülməmmədova onları narahat edən məsələlər, qarşılaşdıqları əsas problemlərlə maraqlanıb. Xırdalan şəhərində həyata keçirilən geniş abadlıq-quruculuq işlərinə, küçələrin asfaltlanmasına görə cənab Prezident İlham Əliyevə öz təşəkkürlərini bildirən sakinlər görülən tədbirlərdən razı qaldıqlarını bildiriblər.
.jpg "Abşeron rayon İcra Hakimiyyətinin başçısı İradə Gülməmmədova vəzifəsini şərəflə yerinə yetirir")
İradə Gülməmmədova şəhid ailələri ilə görüşdü
Abşeron rayon İcra Hakimiyyətinin başçısı İradə Gülməmmədova bu gün şəhid ailələri ilə görüşüb, onların problemləri və qayğıları ilə maraqlanıb. Əvvəlcə şəhid kapitan Musibov Veysəl Yadullayeviçin anası Musibova Səməngül Məməmməd qızı ilə görüşən başçı bildirib ki, hər birimiz şəhidlərimizə və qazilərimizə borcluyuq. Şəhidlərimizin, ümumilikdə hərbçilərimizin və Ali Baş Komandan, Müzəffər Prezident İlham Əliyevin düzgün qərarları, iradəsi sayəsində Azərbaycan torpaqları işğaldan azad olundu. Xalqımızın bir yumruq kimi birləşərək əsl həmrəylik, mübarizlik göstərdiyini, cənab Prezidentin ətrafında sıx birləşdiyini vurğulayan RİH başçısı qeyd edib ki, ordumuzun qüdrəti, döyüş ruhu, əzmi, Azərbaycan əsgərinin gücü ilə ərazilərimiz erməni işğalçılarından birdəfəlik təmizləndi. Bu böyük qələbənin əldə olunmasında Azərbaycan oğulları canlarından keçdilər. Şəhidlərimizə allahdan rəhmət, qazilərimizə isə şəfa diləyən İ.Gülməmmədova ölkəmizdə dövlət səviyyəqində şəhid ailələrinə və ümumilikdə müharibə iştirakçılarına göstərilən diqqət və qayğıdan danışıb.
S.Musibova Xırdalandakı Şəhidlər Xiyabanında aparılan yenidənqurma işlərindən xəbərdar olduğunu, şəhid oğlunun da orada uyuduğunu qeyd edərək görülən işlərin yekunlaşacağı tarixlə maraqlanıb.
İ.Gülməmmədova bildirib ki, Abşeron RİH-i tərəfindən Şəhidlər Abidəsinin ərazisi genişləndirilib, beton-bərkitmə işləri aparılıb. Xüsusi memarlıq formasında inşa edilən abidənin ətrafına aqlay daşlar düzülür. Eyni zamanda abidəyə aparan yol da təmir edilib, ətrafı abadlaşdırılıb. Müxtəlif həmişəyaşıl ağac və gül kolları əkilib. Abidə yaxın bir neçə günə tam hazır vəziyyətinə gətiriləcək.
Rayon rəhbəri daha sonra şəhid əsgər Sadıqov Rəsul Həşim oğlunun anası Allahverdiyeva Elnarə Allahverdi qızı və 9 yaşlı qardaşı Mirsalam ilə görüşüb, onların qayğıları, problemləri ilə maraqlanıb. Mirsalam bala tezliklə Qarabağa getmək arzusunda olduğunu və qardaşının şəhid düşdüyü torpaqları gəzmək istədiyini qeyd edib. Elnarə Allahverdiyeva da övladlarını vətənpərvərlik ruhunda böyütdüyünü və lazım gələrsə digər oğlunun da vətənin azadlığı üçün cəbhəyə yollamağa hazır olduğunu deyib.
Şəhid ailələri igidlərimizin Azərbaycanın azadlığı uğrunda döyüşdüyünü və öz müqəddəs borclarını şərəflə yerinə yetirdiklərini qeyd ediblər. Onlar ölkəmizdə şəhid ailələrinə dövlət səviyyəsində göstərilən diqqət və qayğıya görə cənab Prezident İlham Əliyevə öz təşəkkürlərini bildiriblər.
