.jpg "Xətai rayonunda abadlıq-quruculuq işləri davam edir")
Bakı şəhərində aparılan genişmiqyaslı abadlıq-quruculuq işləri çərçivəsində Xətai rayonu ərazisində də küçə və parkların, məhəllə və binaların abadlaşdırılması, yeni infrastrukturların yaradılması, yaşıllıqların salınması işləri uğurla davam etdirilir. Abadlıq-quruculuq tədbirləri çərçivəsində daha bir neçə ünvanda işlər tamamlanmaq üzrədir.
Rayonun Nəsrəddin Tusi küçəsi 9, 11, və 19 saylı ünvanlarında vaxtilə baxımsız qalmış ərazidə bəzi sakinlər tərəfindən qanunsuz çəkilmiş hasarlar və tikililər sökülmüş, ərazi uzun müddət yığılıb qalmış istifadəsiz materiallardan, məişət tullantılarından təmizlənmişdir. Ağaclar budanmış, əyləncə və istirahət parkının salınması işləri başa çatmaq üzrədir. Az bir zamanda yaşıllıq zolaqları salınmış, yeni ağac və dekorativ gül kolları əkilmişdir. Uşaqlar və yeniyetmələr üçün müxtəlif əyləncə və idman qurğuları quraşdırılmış, mini stadion, şahmat meydançası yaradılmışdır. Həmçinin oturacaqlar, günlüklər, quraşdırılmış, işıqlandırma sistemi ilə təchiz olunmuşdur. Ağaclara vaxtında və keyfiyyətli aqrotexniki xidmət göstərilməsi üçün su xətti çəkilmişdir.
Naximov küçəsi 6 və Məzahir Rüstəmov küçəsi 15 saylı ünvanlarda da həyətlər abadlaşdırılır, asfalt örtüyü çəkilir, ağaclar əkilir,sakinlərin asudə vaxtlarının səmərəli təşkili üçün oturacaqlar, söhbətgahlar, idman və əyləncə qurğuları quraşdırılır. Su xətti çəkilir və müasir işıqlandırma sistemi ilə təchiz edilir.
İşlərin keyfiyyətlə həyata keçirilməsi daim nəzarətdə saxlanılmaqla, hazırda rayonun ayrı-ayrı ünvanlarında başlanılmış abadlıq, quruculuq və yenidənqurma işləri davam etdirilir. Rayon İcra Hakimiyyəti tərəfindən sakinlərin müraciətləri və yerlərdən olan təkliflər nəzərə alınaraq yeni layihələr müzakirə olunur.
Xətai rayonunda mütəmadi olaraq mobil qruplar tərəfindən reydlər davam etdirilir
Xətai rayonunda mütəmadi olaraq mobil qruplar tərəfindən reydlər davam etdirilir.
Rayon ərazisində fəaliyyət göstərən mobil qruplar tərəfindən koronavirus pandemiyasının yayılmasının qarşısının alınması istiqamətində Nazirlər Kabineti yanında Operativ Qərərgahın tələb və tövsiyələrinə uyğun olaraq reydlər davam etdirilir.
Reydlər zamanı vətəndaşlarla maarifləndirici söhbətlər aparılıb. İctimai iaşə, ticarət və digər obyektlərdə müəyyən edilmiş qaydalara əməl olunması vəziyyəti öyrənilib, tibbi maskadan istifadənin, sosial məsafənin saxlanılmasının və qaydalara əməl edilməsinin vacibliyi bir daha vətəndaşların, eləcə də obyekt sahiblərinin, işçi heyətin diqqətinə çatdırılıb.
Naximov küçəsi 6 saylı ünvanda asfaltlanma işləri həyata keçirilir
Xətai rayonunda yolların əsaslı təmiri, yenidən qurulması və işıqlandırılması, abadlıq və yaşıllaşdırma, qaz, elektrik enerjisi, istilik, su təchizatı və kanalizasiya sistemlərinin yaxşılaşdırılması istiqamətində tədbirlər davam etdirilir.
Bu istiqamətdə görülən işlər çərçivəsində Naximov küçəsi 6 saylı ünvanda abadlıq və yaşıllaşdırma işlərindən sonra yol infrastrukturunun yenidən qurulması ilə əlaqədar istismar müddəti başa çatmış müxtəlif diametrə malik su və kanalizasiya xətləri müasir tələblərə uyğun yeniləri ilə əvəzlənib.
Bütün beton bordyurlar dəyişdirilib, piyadalar üçün səki salınıb və yekun asfaltlanma həyata keçirilir.
.jpg "Xətai rayonunda abadlıq-quruculuq işləri davam edir")
.jpg)
